အမေရိကန် နိုင်ငံခြားရေးဝန်ကြီးဌာန
ပြောရေးဆိုခွင့်ရှိသူရုံး
၂၀၁၇၊ နိုဝင်ဘာ ၁၅
မြန်မာနိုင်ငံအတွက် အမေရိကန်ပြည်ထောင်စု၏ အကူအညီပေးအပ်မှု
ပြည်သူအားလုံး၏ လူ့အခွင့်အရေးကိုအလေးထားကာ ငြိမ်းချမ်း၍ သာယာဝပြောသည့် ဒီမိုကရက်တစ် မြန်မာနိုင်ငံကို အမေရိကန် ပြည်ထောင်စုက ထောက်ခံပါသည်။ ရခိုင်ပြည်နယ်တွင်ဖြစ်ပေါ်နေသော လူ့အခွင့်အရေးနှင့် လူသားခြင်းစာနာမှုဆိုင်ရာ အကျပ်အတည်းကို ဆောလျှင်စွာဖြေရှင်းရန်၊ မြန်မာနိုင်ငံ၏ ဒီမိုကရေစီအသွင်ကူးပြောင်းမှုကို အားဖြည့်ပေးရန်၊ စီးပွားရေး အခွင့်အလမ်းများတိုးချဲ့ပေးရန်၊ နိမ့်ပါးသောလူထုအတွက်ကြံ့ကြံ့ခံနိုင်ရေးနှင့် ကျန်းမာရေးနှင့် စောင့်ရှောက်မှုပိုမိုတိုးတက်ကောင်းမွန်ရန်၊ အမျိုးသားပြန်လည်သင့်မြတ်ရေး ရှေ့ဆက်ဆောင်ရွက်ရန်၊ ဒေသခံလူမှုအသိုက်အဝန်းနှင့် အရပ်ဘက် လူထုအခြေပြုအဖွဲ့အစည်းတို့ လုပ်ဆောင်နိုင်စွမ်းတိုးမြှင့်နိုင်ရန်နှင့် လူ့အခွင့်အရေးနှင့် ဘာသာရေးလွတ်လပ်ခွင့်တို့ကို အလေးထား၍ အကာအကွယ်ပေးခြင်းတို့ ပိုမိုအားကောင်းလာစေရန်အတွက် မိမိတို့ဆောင်ရွက်နေပါသည်။
ရခိုင်ပြည်နယ်တွင်ဖြစ်ပေါ်နေသော အကျပ်အတည်းနှင့် ကာလရှည်ကြာ စိန်ခေါ်မှုများကို ဖြေရှင်းခြင်း –
- လူသားချင်းစာနာထောက်ထားမှု အကူအညီများကို ထပ်တိုးပမာဏအဖြစ် ဒေါ်လာ ၄၇ သန်း ကိုထပ်မံထောက်ပံ့ခြင်းဖြင့် မြန်မာနိုင်ငံနှင့် ဘင်္ဂလားဒေ့ရ်ှနိုင်ငံတို့တွင်ဖြစ်ပေါ်နေသော ရခိုင်ပြည်နယ်အရေးအခင်းအတွက် အမေရိကန်ပြည်ထောင်စု၏ သြဂုတ်လ ၂၀၁၇ ခုနှစ် မှစတင်၍ ထောက်ပံ့ပေးမှုမှာ ဒေါ်လာ ၈၇ သန်းရှိပြီဖြစ်သလို နေရပ်စွန့်ခွာရသည့် မြန်မာနိုင်ငံအတွင်းတွင်ရှိသောပြည်သူများနှင့် ထွက်ခွာလာရသော ပြည်သူများအတွက် လူသားချင်းစာနာထောက်ထားမှု အကူအညီများ၏ စုစုပေါင်းပမာဏမှာ ၂၀၁၇ ခုနှစ် ဘဏ္ဍာနှစ် စတင်သည်မှစ၍ ဒေါ်လာ ၁၅၁ သန်းရှိပြီဖြစ်သည်၊ · ရခိုင်ပြည်နယ်တွင်ဖြစ်ပေါ်နေသော အကြမ်းဖက်မှုနှင့် အင်အားသုံး ရက်စက်မှုများအား အဆုံးသတ်ပေးခြင်းကိုတောင်းဆိုရန်နှင့် ရိုဟင်ဂျာအများစုဖြစ်သည့် နေရပ်စွန့်ခွာရသူများ ဘေးကင်း၍ ကိုယ့်အားကိုယ်ကိုးကာ ဂုဏ်သိက္ခာရှိရှိ ပြန်လာရခြင်းအပါအဝင် လူ့အခွင့်အရေးနှင့် လူသားချင်းစာနာမှု အရေးအခင်းများကို ဖြေရှင်းရန်အတွက် မြန်မာအစိုးရ၏ အရာရှိအဆင့်ဆင့်နှင့်တွေ့ဆုံဆောင်ရွက်ခြင်း၊ · အင်အားသုံးအကြမ်းဖက်မှုနှင့် လူ့အခွင့်အရေးချိုးဖောက်မှုနှင့် အလွဲသုံးမှုတို့အတွက် တာဝန်ရှိသူများအား တာဝန်ခံစေရန်ဆောင်ရွက်ခြင်း၊ · ရခိုင်ပြည်နယ်အပေါ် အကြံပေးကော်မရှင်မှ အကြံပြုချက်များကို မြန်မာအစိုးရမှ အကောင်အထည်ဖော်ဆောင်ရွက်နေမှုအား ထောက်ခံခြင်း။
ဒီမိုကရေစီ အသွင်ကူးပြောင်းမှုနှင့် ဖွံ့ဖြိုးတိုးတက်မှုကို ပိုမိုအားကောင်းစေခြင်း –
- လူထုဦးဆောင်သည့် အစိုးဖြစ်ပေါ်လာစေသော ၂၀၁၅ ခုနှစ် ရွေးကောက်ပွဲအတွက် ထောက်ပံ့ငွေ ဒေါ်လာ ၁၈ သန်း၊ လူကုန်ကူးခြင်းတိုက်ဖျက်ရေးနှင့် မူးယစ်ဆေးဝါး ထုတ်လုပ်သုံးစွဲမှုလျှော့ချခြင်းတို့အပါအဝင် ဒီမိုကရေစီနည်းလမ်းကျတရားစီရင်ရေးနှင့် အရပ်ဖက်တရားဥပဒေစိုးမိုးရေးတို့အတွက် ဒေါ်လာ ၁၁ သန်းကျော် နှင့် အရပ်ဖက်လူမှုအဖွဲ့အစည်းများနှင့် နယ်စပ်ဒေသလူအဖွဲ့အစည်းများအား အဖွဲ့အစည်းအတွင်းအပြန်အလှန် နားလည်သည်းခံမှုတိုးမြှင့်ရေးနှင့် သဘာဝအရင်းအမြစ် စီမံခန့်ခွဲမှု ပိုမိုကောင်းမွန်စေရန်အတွက် ရှေ့ဆက်ထောက်ပံ့ပေးမှု စသည်တို့ အပါအဝင် ဒီမိုကရေစီအသွင်ကူးပြောင်းရေးကို အားဖြည့်ပေးရန် ၂၀၁၃ ခုနှစ်မှစတင်၍ မြန်မာနိုင်ငံသို့ ဒေါ်လာ ၆၈ သန်းကျော်ထောက်ပံ့ပေးခြင်း၊
- ကြံ့ကြံ့ခံသော ဒီမိုကရက်တစ် လူ့ဘောင်အဖွဲ့အစည်းအနေဖြင့် ၎င်း၏စွမ်းပကားများကို လက်တွေ့အကောင်အထည်ဖော် ဆောင်ရွက်နိုင်ရန်အတွက် ဆင်းရဲမွဲတေမှုကိုလျှော့ချခြင်း၊
o ၂၀၁၇ အတွင်း၌ မြေယာပိုင်ဆိုင်မှုနည်းပါးသည့် လယ်သမား ၂၂၅၀၀၀ ကျော်အား ခေတ်မီလယ်ယာစိုက်ပျိုးခြင်းနည်းလမ်းကို သင်ကြားပေးခဲ့သည်၊ o အမေရိကန်သမ္မတ၏ ငှက်ဖျားတိုက်ဖျက်ရေးစီမံချက်မှတဆင့် မြန်မာနိုင်ငံတွင် ၂၀၃၀ ခုနှစ်၌ ငှက်ဖျားကင်းစင်ရေးစီမံကိန်းအောင်မြင်ရန် ပိုမိုနီးစပ်လာသည်နှင့်အတူ ယမန်နှစ်အတွင်း လူပေါင်း ၁ သန်းကို ငှက်ဖျားရောဂါ အကာအကွယ်ပေးမှု ဆေးစိမ်းခြင်ထောင်များကိုအလုံအလောက်ဖြန့်ဝေပေးခဲ့သည်၊
o အမေရိကန်-မြန်မာ မိတ်ဖက်ဆက်ရေး ပူးပေါင်းဆောင်ရွက်မှု စကားဝိုင်းကို ၂၀၁၆ ခုနှစ်တွင် ဖွဲ့စည်းခဲ့၍ နိုင်ငံရေးနှင့် စီးပွားရေးနယ်ပယ်တို့တွင် နှစ်နိုင်ငံကြား ဆက်ဆံရေးနှင့် ပူးပေါင်းဆောင်ရွက်မှုတို့ တိုးချဲ့နိုင်ခဲ့သည်၊
o အမေရိကန်မှ မြန်မာနိုင်ငံသို့ ကုန်ပစ္စည်း ပိုမိုတင်ပို့ခြင်းကို ပံ့ပိုးပေးနိုင်၍ ပုဂ္ဂလိကကဏ္ဍ ရင်းနှီးမြုပ်နှံမှုအခွင့်အရေးများ ပိုမိုရရှိလာစေမည့် စီးပွားရေးလုပ်ငန်းများ လုပ်ကိုင်နိုင်စေသည့် ဥပဒေများ၊ ပြဌာန်းချက်များနှင့် မူဝါဒများ ၄၀ ကျော်ကို အရပ်သားအစိုးရထံ အကြံပြုထောက်ပံ့ခြင်း ပေးအပ်ခဲ့သည်၊
o လွတ်လပ်၍ မျှတသော အပြန်အလှန်ကုန်သွယ်နိုင်စေသည့် အမေရိကန်-မြန်မာ ကုန်သွယ်ရေးကို ဖြစ်ပေါ်လာစေမည့် အမေရိကန်ကုန်သွယ်ရေးဝန်ကြီးဌာန (USTR) ကဦးဆောင်သော ကုန်သွယ်ရေး ရင်းနှီးမြုပ်နှံမှု မူဘောင်သဘောတူညီချက် (TIFA) ကိုပံ့ပိုးပေးခဲ့သည်၊
o စက်မှုကဏ္ဍဆက်ဆံရေး တိုးမြှင့်ရန်နှင့် နိုင်ငံတကာစံနှုန်းများနှင့်အညီ အလုပ်သမားဥပဒေကို ပြောင်းလဲရန် တို့အတွက် အလုပ်သမားများ၊ အလုပ်ရှင်များနှင့် အစိုးရတို့၏ ဆောင်ရွက်နေသောအားထုတ်မှုများကို ထောက်ပံ့ပေးရန်အတွက် အပြည်ပြည်ဆိုင်ရာ မိတ်ဖက်များမှတဆင့် မြန်မာအလုပ်သမားများအတွက် ပဏာမခြေလှမ်း ကိုဖန်တီးရာတွင် ဦးဆောင်ပေးခဲ့သည်။
အမျိုးသား ငြိမ်းချမ်းရေး လုပ်ငန်းစဉ်ကို ထောက်ပံ့ပေးခြင်း –
- မတူကွဲပြားသော လူမှုအဖွဲ့အစည်းများကို ထောက်ပံ့ပေးခြင်းအပါအဝင် အမျိုးသားအဆင့် ငြိမ်းချမ်းရေးတည်ဆောက်ခြင်းကို မြဲမြံစေရန်နှင့်ပြောင်းလဲမှု တည်တံ့စေရန်၊ တရားဝင်ဖြစ်ခြင်းနှင့် အားလုံးပါဝင်ခြင်းတို့ကို တိုးမြှင့်စေရန်တို့အတွက် ၂၀၁၂ ခုနှစ် မှစတင်ကာ ဒေါ်လာ ၆၀ သန်းကျော် ထောက်ပံ့ပေးခြင်း၊
- ဘာသာရေးနှင့်မသက်ဆိုင်သောကျောင်းများနှင့် ဘာသာရေးအခြေခံ ကျောင်းများတွင် ငြိမ်းချမ်းရေး ပညာပေးသင်ရိုးကို ထည့်သွင်းရန်နှင့် နိုင်ငံရေးစကားဝိုင်းများတွင် ဘာသာရေးနှင့် လူမျိုးရေး ကိစ္စရပ်များကို သုတေသနပြုဆောင်ရွက်ရန်တို့အတွက် ဒေါ်လာ ၁ သန်း ပါဝင်ခြင်း၊
- အားလုံးပါဝင်၍ ရည်ရှည်တည်တံသော လက်နက်ကိုင်ပဋိပက္ခ အဆုံးသတ်မှုဆီသို့ ဦးတည်နိုင်မည့် စကားဝိုင်း ယဉ်ကျေးမှုတစ်ခု တည်ဆောက်ရန်အတွက် အရပ်ဘက်အဖွဲ့အစည်းများ၊ တိုင်းရင်းသားလက်နက်ကိုင်အဖွဲ့များ၊ နိုင်ငံရေးပါတီများနှင့် လက်တွဲဆောင်ရွက်ခြင်း။
###
ဤဘာသာပြန်ဆိုမှုသည် လွယ်ကူစေလိုသည့် စေတနာဖြင့်ပြန်ဆိုပေးခြင်းဖြစ်သည့်အတွက် မူရင်းအင်္ဂလိပ်ဘာသာကိုသာ တရားဝင်အဖြစ် အတည်ပြု မှတ်ယူရပါမည်။
