သမ္မတ၏ကြေညာချက်အရ မြန်မာနိုင်ငံအပေါ်ဗီဇာကန့်သတ်ချက်နှင့်စပ်လျဉ်း၍ အမေးများသောမေးခွန်းများနှင့်အဖြေများ

၂၀၂၀၊ ဇန်နဝါရီ ၃၁ ရက်ကထုတ်ပြန်ခဲ့သော နောက်ကြောင်းရာဇဝင်စုံစမ်းခြင်းနှင့် ဝင်ရောက်ရန် ကြိုးပမ်းအားထုတ်ခဲ့ခြင်း ရှိမရှိ စုံစမ်းစစ်ဆေးခြင်း လုပ်ငန်းစဉ်မြှင့်တင်မှုဆိုင်ရာ သမ္မတ၏ကြေညာချက်အရ မြန်မာနိုင်ငံအပေါ်ဗီဇာကန့်သတ်ချက်နှင့်စပ်လျဉ်း၍ အမေးများသောမေးခွန်းများနှင့်အဖြေများ

မေးခွန်း။ ဒီကြေညာချက်က အမေရိကန်ပြည်ထောင်စုကို ခရီးသွားမယ့် မြန်မာနိုင်ငံသားအားလုံးကို တားမြစ်ကန့်သတ်တာလား။
အဖြေ။ မဟုတ်ပါဘူး။ ဒီကြေညာချက်က သတ်မှတ်ချက်ထဲမှာပါတဲ့ နိုင်ငံတွေကနေ ရွှေ့ပြောင်းအခြေစိုက်ပြည်ဝင်ခွင့်ဗီဇာ (immigrant) နဲ့ ဒီဗီ ဗီဇာ (diversity visa) လျှောက်ထားသူတွေကိုပဲ ကန့်သတ်တာပါ။ အခြေမစိုက်ဗီဇာတွေဖြစ်တဲ့ ကမ္ဘာလှည့်ခရီးသွားဗီဇာ၊ ကျောင်းသားဗီဇာတွေမပါဝင်ပါဘူး။

မေးခွန်း။ ကန့်သတ်မှုအသစ်က ဘယ်တော့ စပြီးအကျုံးဝင်မလဲ။
အဖြေ။ စပြီးအကျူံးဝင်မှာက ၂၀၂၀ ခုနှစ်၊ ဖေဖော်ဝါရီ ၂၁ ရက်ပါ။

မေးခွန်း။ ကျွန်တော်/ကျွန်မက ဗီဇာရထားပြီးပါပြီ။ အဲဒီဗီဇာ ပြန်ရုပ်သိမ်းမှာလား။
အဖြေ။ ဒီကြေညာချက်အရ ရထားပြီးသားဗီဇာကို ပြန်မရုပ်သိမ်းပါဘူး။ ဒီကန့်သတ်ချက်အသစ်တွေနဲ့ ညှိစွန်းနေသောသူတွေအတွက် ဗီဇာ ဘယ်အချိန်က ထုတ်ပေးထားတာဖြစ်ဖြစ်၊ သက်တမ်းရှိတဲ့ဗီဇာ ဒါမှမဟုတ် သက်တမ်းရှိတဲ့ ခရီးသွား စာရွက်စာတမ်း လက်ဝယ်ရရှိထားပြီးတဲ့သူတွေကို ယေဘုယျအားဖြင့် အမေရိကန်ပြည်ထောင်စုကို သွားခွင့်ပြုမှာ ဖြစ်ပါတယ်။

မေးခွန်း။ ကျွန်တော်/ကျွန်မက တရားဝင် အမြဲတမ်းနေထိုင်ခွင့် (ဂရင်းကတ်ကိုင်ဆောင်ထားတဲ့သူ) ဖြစ်ပါတယ်။ အဲဒီတော့ သမ္မတကြေညာချက်က ကျွန်တော်/ကျွန်မ တို့ရဲ့နေထိုင်ခွင့် ဘယ်လိုသက်ရောက်မှုရှိမလဲ။
အဖြေ။ ဒီကြေညာချက်က တရားဝင်အမြဲတမ်းနေထိုင်ခွင့်ကတ် လက်ဝယ်ကိုင်ဆောင်ထားသူတွေအပေါ် သက်ရောက်မှုမရှိပါဘူး။

မေးခွန်း။ ကျွန်တော်/ကျွန်မက အမေရိကန်နိုင်ငံသားဖြစ်ပြီး မိသားစုဝင်အတွက် ရွှေ့ပြောင်းအခြေစိုက်ဗီဇာဖြင့်ခေါ်ယူခွင့် (petition) လျှောက်ထားပါတယ်။ ဒီကြေညာချက်က အဲဒီလျှောက်ထားတဲ့အပေါ်ဘယ်လို သက်ရောက်မလဲ။ ဒီကြေညာချက်က မြန်မာနိုင်ငံသားတွေအတွက် ရွှေ့ပြောင်းအခြေစိုက်ဗီဇာအသစ်တွေ၊ ဒီဗီဗီဇာ diversity visa တွေမထုတ်ပေးတော့ဘူးလို့ ဆိုလိုတာလား။
အဖြေ။ ကြေညာချက်ထဲမှာ ပြောသလိုပါပဲ။ လူပုဂ္ဂိုလ်တစ်ဦးချင်းစီရဲ့အကြောင်းကိစ္စပေါ်မူတည်ပြီး ဖြေလျှော့ပေးမှု ရှိနိုင်ပါတယ်။ တစ်ဦးယောက်ချင်းစီရဲ့အကြောင်းကိစ္စပေါ်မူတည်ပြီး ဖြေလျှော့ပေးမှုနဲ့ကင်းလွတ်ခွင့် ပေးကောင်း ပေးနိုင်ပါတယ်။ ရွှေ့ပြောင်းအခြေစိုက်ဗီဇာ ဒါမှမဟုတ် ဒီဗီဗီဇာ လျှောက်ထားသူ တစ်ယောက်ဟာ ကြေညာချက်နဲ့ ညှီစွန်းနေတယ်ဆိုရင် လျှောက်ထားသူကို ဖြေလျှော့ပေးပြီး ကင်းလွတ်ခွင့်ရဖို့ အရည်အချင်းနဲ့ပြည့်မီသလား ဆိုတာကို ကောင်စစ်ဝန် အရာရှိက သေသေချာချာပြန်လည်သုံးသပ်ပြီး ဆုံးဖြတ်ပေးမှာဖြစ်ပါတယ်။

မေးခွန်း။ ဖြေလျှော့ပေးမှဒအတွက် ကင်းလွတ်ခွင့် လျှောက်ထားနိုင်ပါသလား။ ကင်းလွတ်ခွင့်အတွက် လျှောက်လွှာပုံစံကရော။
အဖြေ။ ဖြေလျှော့ပေးမှုအတွက် ကင်းလွှတ်ခွင့် မလျှောက်ထားနိုင်ပါဘူး။ လျှောက်လွှာပုံစံလည်းမရှိပါဘူး။ ရွှေ့ပြောင်းအခြေစိုက်ဗီဇာ ဒါမှမဟုတ် ဒီဗီဗီဇာ လျှောက်ထားသူ တစ်ယောက်ဟာ ကြေညာချက်နဲ့ ညှိစွန်းနေတယ်ဆိုရင် လျှောက်ထားသူကို ဖြေလျှော့ပေးပြီး ကင်းလွတ်ခွင့်ရဖို့ အရည်အချင်းနဲ့ပြည့်မီသလား ဆိုတာကို ကောင်စစ်ဝန် အရာရှိက သေသေချာချာပြန်လည်သုံးသပ်ပြီး ဆုံးဖြတ်ပေးမှာဖြစ်ပါတယ်။

မေးခွန်း။ ဒီတားမြစ်ကန့်သတ်ချက်အသစ်က စေ့စပ်ခေါ်ဗီဇာ (fiancé visa) နိုင်ငံရေးခိုလှုံခွင့်ဗီဇာ (asylee) နဲ့ မိသားစုပေါင်းဆုံရေးဒုက္ခသည်ဗီဇာ (ဇနီး၊ ခင်ပွန်းနဲ့ သားသမီး) (V92 ဗီဇာ၊ V93 ဗီဇာ) တွေအပေါ်ရော သက်ရောက်မှုရှိပါသလား။
အဖြေ။ မသက်ရောက်ပါဘူး။ ကြေညာချက်က တားမြစ်ကန့်သတ်ထားတဲ့ထဲမှာပါဝင်တဲ့ နိုင်ငံတွေကသူတွေ ရွှေ့ပြောင်းအခြေစိုက်ဗီဇာ နဲ့ ဒီဗီဗီဇာနဲ့အဝင်ကိုပဲ တားမြစ်ကန့်သတ်ထားတာပါ။

မေးခွန်း။ ကျွန်တော်/ကျွန်မအနေနဲ့ ရန်ကုန် အမေရိကန်သံရုံး မှာ ဖေဖော်ဝါရီ ၂၁ ရက်မတိုင်ခင် ရွှေ့ပြောင်းအခြေစိုက်ဗီဇာ နဲ့ ဒီဗီဗီဇာ အင်တာဗျူးအတွက် ရက်ချိန်းယူလို့ရပါသလား။
အဖြေ။ ရွှေ့ပြောင်းအခြေစိုက်ဗီဇာနဲ့ ဒီဗီဗီဇာ အင်တာဗျူးအတွက် ရက်ချိန်းယူတဲ့ လုပ်ထုံးလုပ်နည်းတွေ အပြောင်းအလဲမရှိပါဘူး။ ဗီဇာ ရက်ချိန်းတွေကို National Visa Center ကသတ်မှတ်တာဖြစ်ပါတယ်။

မေးခွန်း။ ကျွန်တော်/ကျွန်မအနေနဲ့ လာမယ့် မတ်လထဲမှာ ရွှေ့ပြောင်းအခြေစိုက်ဗီဇာအင်တာဗျူးတစ်ခုရှိပါတယ်။ အဲဒီအင်တာဗျူး လာသင့်ပါသလား။
အဖြေ။ သင့်လျှောက်လွှာလုပ်ငန်းစဉ်ကို လွတ်လွတ်လပ်လပ်ဆက်လက်ဆောင်ရွက်နိုင်ပါတယ်။ ဖေဖော်ဝါရီ ၂၁ ရက်စပြီး မြန်မာနိုင်ငံသားတွေအတွက် ရွှေ့ပြောင်းအခြေစိုက်ဗီဇာနဲ့ ဒီဗီဗီဇာတွေထုတ်မပေးတော့ပါဘူး။ တစ်ဦးယောက်ချင်းစီရဲ့ အကြောင်းကိစ္စပေါ်မူတည်ပြီး ဖြေလျှော့ပေးမှုနဲ့ကင်းလွတ်ခွင့် အကန်အသတ်နဲ့ ပေးကောင်း ပေးနိုင်ပါတယ်။ ရွှေ့ပြောင်းအခြေစိုက်ဗီဇာ ဒါမှမဟုတ် ဒီဗီဗီဇာ လျှောက်ထားသူ တစ်ယောက်ဟာ ကြေညာချက်နဲ့ ညှိစွန်းနေတယ်ဆိုရင် လျှောက်ထားသူကို ဖြေလျှော့ပေးပြီး ကင်းလွတ်ခွင့်ရဖို့ အရည်အချင်းနဲ့ပြည့်မီသလား ဆိုတာကို ကောင်စစ်ဝန် အရာရှိက သေသေချာချာပြန်လည်သုံးသပ်ပြီး ဆုံးဖြတ်ပေးမှာဖြစ်ပါတယ်။

မေးခွန်း။ ကျွန်တော်/ကျွန်မက ရွှေ့ပြောင်းအခြေစိုက်ဗီဇာ/ဒီဗီ ဗီဇာ အတွက် ငွေလည်းသွင်းပြီးပါပြီ။ လိုအပ်တဲ့ စာရွက်စာတမ်းတွေလည်း တင်ထားပြီးပါပြီ။ ကျွန်တော်/ကျွန်မ အဲဒီသွင်းထားတဲ့ငွေပြန်ရမှာပါလား။
အဖြေ။ မရပါဘူး။ သွင်းထားတဲ့ငွေပြန်မရပါဘူး။

မေးခွန်း။ ကျွန်တော်/ကျွန်မက အင်တာဗျူးဝင်ပြီးပါပြီ။ အဲဒီတော့ ဒီကြေညာချက်က ကျွန်တော/ကျွန်မ အတွက်သက်ရောက်မှုရှိပါသလား။
အဖြေ။ ဒီကြေညာချက်က ၂၀၂၀၊ ဖေဖော်ဝါရီ ၂၁ ရက်မှာ အကျူံးဝင်ပါတယ်။ အဲဒီ နေ့ရက်မတိုင်ခင် ဗီဇာမရသေး သူတွေအတွက် ဒီကြေညာချက်က သက်ရောက်မှုရှိပါတယ်။

မေးခွန်း။ ဒီကြေညာချက်က ရခိုင်ပြည်နယ် မြောက်ပိုင်းအတွင်းက အခြေအနေနဲ့ သက်ဆိုင်မှုရှိပါသလား။
အဖြေ။ သက်ဆိုင်မှုမရှိပါ။ ဒီအရေးယူမှုဟာ ရခိုင်ပြည်နယ်အကြပ်အတည်းနဲ့ မသက်ဆိုင်ပါဘူး။

###

မေးခွန်း။ အခုထပ်မံကြေညာချက်ကဘာကြောင့်ဖြစ်လာရတာပါလဲ။ အမျိုးသားလုံးခြုံရေးအတွက် ခြိမ်းခြောက်မှု တစ်ခုခု ရှိပါသလား။
အဖြေ။ “နောက်ကြောင်းရာဇဝင်စုံစမ်းခြင်းနှင့် အမေရိကန်ပြည်ထောင်စုအတွင်းသို့ အကြမ်းဖက်သမားများ သို့မဟုတ် အခြားအများပြည်သူလုံခြုံရေးကိုခြိမ်းခြောက်လျက် ဝင်ရောက်ရန် ကြိုးပမ်းအားထုတ်ခဲ့ခြင်း ရှိမရှိ စုံစမ်းစစ်ဆေးခြင်း လုပ်ငန်းစဉ်မြှင့်တင်မှုဆိုင်ရာ” ဆိုတဲ့ခေါင်းစဉ်နဲ့ သမ္မတကြေညာချက် အမှတ် (၉၆၄၅) ကို သမ္မတက ထုတ်ပြန်ခဲ့တာပါ။ ၂၀၁၇ ခုနှစ်၊ မတ်လ (၆) ရက်၊ အိမ်ဖြူတော်အမိန့် ၁၃၇၈၀၊ အခန်း (၂) (အမေရိကန်ပြည်ထောင်စုအတွင်းသို့ နိုင်ငံရပ်ခြားအကြမ်းဖက်သမားဝင်ရောက်ခြင်းမှ နိုင်ငံတော်ကို ကာကွယ်စောင့်ရှောက်ရေး) အရ လုံခြုံရေး ဒါမှမဟုတ် ဘေးအန္တရာယ်ခြိမ်းခြောက်မှုတစ်ခုခုအတွက် အမေရိကန်ပြည်ထောင်စုအတွင်းကို နိုင်ငံခြားတိုင်းပြည်တိုင်းက နိုင်ငံခြားသားတွေ ဝင်ရောက်ဖို့ ကြိုးပမ်းအားထုတ်ခဲ့ခြင်း ရှိမရှိ ဆုံးဖြတ်နိုင်ဖို့အတွက် နောက်တိုး သတင်းအချက်အလက်တွေနဲ့အတူ ကမ္ဘာလုံးဆိုင်ရာပြန်လည်သုံးသပ်မှုတစ်ခု ပြုလုပ်ခဲ့ပါတယ်။

ဒီပြန်လည်သုံးသပ်မှုတစ်စိတ်တစ်ပိုင်းအရ တစ်ကမ္ဘာလုံးကအစိုးရတွေရဲ့ သတင်းအချက်အလက် မျှဝေမှုဆိုင်ရာ လုပ်ထုံးလုပ်နည်းတွေ၊ မူဝါဒတွေ၊ စွမ်းရည်တွေနဲ့ပတ်သက်ပြီး ပြန်လည်သုံးသပ်ဖို့အတွက် အမိမြေလုံခြုံရေးဌာနကနေ အားလုံးခြုံငုံပါဝင်တဲ့ သတ်မှတ်ချက်တစ်စုံ ရေးဆွဲခဲ့ပါတယ်။

ဒီသတ်မှတ်ချက်တွေနဲ့အတူ နိုင်ငံခြားရေးဝန်ကြီးဌာနနဲ့ အမိမြေလုံခြုံရေးဌာနကနေ ကမ္ဘာလုံးဆိုင်ရာ လိုက်နာမှုတွေကို ဆက်လက်အကဲဖြတ်ပြီး သမ္မတကြေညာချက် အမှတ် (၉၆၄၅) ကို ကနဦး အကောင်အထည်ဖော်မှု ဆက်လက်လုပ်ဆောင်ခဲ့ပါတယ်။ မြန်မာ၊ အဲရီထရီယာ၊ ကီရ်ဂစ္စတန်၊ နိုင်ဂျီရီးယား၊ ဆူဒန်နဲ့ တန်ဇေးနီးယား နိုင်ငံတွေဟာ ဒီ အင်မတန်အရေးကြီးတဲ့ နိုင်ငံတော်လုံခြုံရေး စံချိန်စံညွှန်းတွေနဲ့ မကိုက်ညီကြောင်း သတ်မှတ်ခဲ့ရပါတယ်။

ဒီလက်ရှိရှိနေတဲ့ သတင်းအချက်အလက်မျှဝေဖို့အားနည်းတာတွေ၊ တစ်ခြားအကြောင်းအရာတွေ၊ လက်ရှိ အမေရိကန်ပြည်ထောင်စုရဲ့လုံခြုံရေးနဲ့ လူမှုဘဝဖူလုံရေးကို ကိုင်တွယ်ဖြေရှင်းဖို့နဲ့ ဒီအားနည်းချက်တွေကုစားဖို့ သက်ဆိုင်ရာအစိုးရကို ဖိအားပေးဖို့အတွက် ဒီတားမြစ်ကန့်သတ်ချက်တွေနဲ့ဆောင်ရွက်နေပြီဖြစ်ပါတယ်။

မေးခွန်း။ ဘာဖြစ်လို့များ ဒီနိုင်ငံတွေလို့ သတ်သတ်မှတ်မှတ်ဖြစ်ရတာပါလဲ။
အဖြေ။ အမေရိကန်ပြည်သူတွေ ကာကွယ်စောင့်ရှောက်ရေးနဲ့လုံခြုံရေးအတွက် အဓိကအရေးကြီးတဲ့ သတင်းအချက်အလက်မျှဝေမှု စံချိန်စံညွှန်းတွေနဲ့ မြန်မာ၊ အဲရီထရီယာ၊ ကီရ်ဂစ္စတန်၊ နိုင်ဂျီရီးယား၊ ဆူဒန်နဲ့ တန်ဇေးနီးယား နိုင်ငံတွေက မကိုက်ညီဘူးဆိုတာ နိုင်ငံခြားရေးဝန်ကြီးဌာနဲ့ အမိမြေလုံခြုံရေးဌာန က ဆုံးဖြတ်ခဲ့တာဖြစ်ပါတယ်။

###