အမေရိကန်သံအမတ်ကြီး သောမတ်စ် အယ်လ်ဗိုက်ဒါ ၏ သတင်းထုတ်ပြန်ချက်   ကပ်ရောဂါကြောင့် အသက်ဆုံးရှုံးခဲ့ကြရသော မြန်မာပြည်သူများအတွက် ဝမ်းနည်းစိတ်မကောင်း ဖြစ်ရသည့်အကြောင်း အမေရိကန်သံရုံးကိုယ်စား ကျွန်တော်ရိုးသားစွာပြောကြားလိုပါသည်။ ကိုဗစ်-၁၉ ကူးစက်မှု၏လတ်တလောအရှိန်အဟုန်ကြောင့် ကျွန်တော်တို့သံရုံးမှလုပ်ဖော်ကိုင်ဖက်များအပါအဝင် ယခင်ကတည်းကထိခိုက်ခံစားနေခဲ့ကြရသော မိသားစုဝင်များနှင့်လူ့အသိုက်အဝန်းများအပေါ် ရက်ရက်စက်စက်ဆုံးရှုံးမှုကြီးတစ်ရပ် ဖြစ်ပေါ်စေခဲ့ရပါသည်။ မြန်မာပြည်သူလူထုနှင့် ၎င်းတို့၏ကျန်းမာရေး အရေးပေါ်လိုအပ်ချက်ကိုဖြည့်ဆည်းပေးနိုင်ရန်အကူအညီပေးနေကြသူများအနေဖြင့် ဆက်လက်ရှင်သန်နေထိုင်၍ ဘေးအန္တရာယ်ကင်းရှင်းစွာအလုပ်လုပ်နိုင်ရမည်ဖြစ်ပါသည်။ ဒီမိုကရေစီလမ်းကြောင်းတစ်ရပ်ပေါ်ပြန်လည်ရောက်ရှိရေးအတွက်ကြိုးပမ်းအားထုတ်နေပြီး ယခုအခါပိုမိုဆိုးရွားလာနေသော ကပ်ရောဂါကိုရင်ဆိုင်နေကြရသည့် မြန်မာပြည်သူလူထုကို အားပေးကူညီရန် အမေရိကန်ပြည်ထောင်စုက စွဲစွဲမြဲမြဲကတိကဝတ်ပြုထားပါသည်။ ၂၀၂၀ ခုနှစ် ကူးစက်ရောဂါ စတင်ပြန့်ပွားချိန်ကစ၍ ကျွန်တော်တို့သည် မြန်မာနိုင်ငံအတွက် ကိုဗစ်-၁၉ နှင့်ဆက်နွှယ်သော အကူအညီများကို ဒေါ်လာသန်း ၂၀ ကျော်ကူညီပံ့ပိုးပေးခဲ့ပြီးဖြစ်ကာ သန်းနှင့်ချီသောပြည်သူများ ရောဂါကူးစက်ခံရခြင်းမှ ကာကွယ်၍ ၎င်းတို့လိုအပ်နေသောအညီများရရှိစေနိုင်ခဲ့ပါသည်။ မိမိတို့အနေဖြင့် လူနည်းစုတိုင်းရင်းသားများက ဆောင်ရွက်နေသော ကိုဗစ်-၁၉ ကူးစက်ခံရသူများကို အကူအညီပေးနေသည့်အဖွဲ့အစည်းများအပါအဝင် အစိုးရမဟုတ်သောအခြေခံကျန်းမာရေးအဖွဲ့အစည်း …

မြန်မာစစ်အာဏာရှင်နှင့်ဆက်နွှယ်သော အဖွဲ့အစည်းတစ်ခုနှင့်လူပုဂ္ဂိုလ် ၁၆ ဦးတို့အား ဒဏ်ခတ်ပိတ်ဆို့အရေးယူရန်သတ်မှတ်ခြင်း    သတင်းထုတ်ပြန်ချက် နိုင်ငံခြားရေးဝန်ကြီး အန်တိုနီဘလင်ကင် ၏ကြေညာချက် မေ ၁၇၊ ၂၀၂၁    စစ်အာဏာရှင်သည် လတ်တလော ချင်းပြည်နယ် မင်းတပ်မြို့၌ အပါအဝင် မြန်မာပြည်သူလူထုအပေါ် အကြမ်းဖက်မှုနှင့်နှိပ်ကွပ်မှုများဆက်လက်ကျူးလွန်နေပြီး နိုင်ငံတော်ကို ဒီမိုကရေစီလမ်းကြောင်းပေါ်သို့ ပြန်လည်ရောက်ရှိရေးအတွက်မည်သို့မျှဆောင်ရွက်ခြင်းမရှိသည့် မြန်မာစစ်အာဏာရှင်၏လုပ်ရပ်များကို တုံ့ပြန်သည့်အနေဖြင့် မြန်မာစစ်အာဏာရှင်ကို ဒဏ်ခတ်ပိတ်ဆို့အရေးယူမှုအသစ်များချမှတ်ကြောင်း အမေရိကန်ပြည်ထောင်စုက ယနေ့ကြေညာလိုက်သည်။ မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီအား သမ္မတအမိန့်အမှတ် ၁၄၀၁၄ အရ ဒဏ်ခတ်ပိတ်ဆို့အရေးယူရန် မိမိတို့သတ်မှတ်ခြင်းဖြစ်သည်။ ယင်းအပြင် နိုင်ငံတော်စီမံအုပ်ချုပ်ရေးကောင်စီဝင် လေးဦး၊ စစ်တပ်ကခန့်အပ်ထားသော အစိုးရအဖွဲ့ဝင် ကိုးဦးနှင့် ယခင်က ဒဏ်ခတ်ပိတ်ဆို့အရေးယူထားသော စစ်အရာရှိများ၏ အရွယ်ရောက်ပြီး သား၊ သမီး သုံးဦးတို့ကိုလည်း သမ္မတအမိန့်အမှတ် ၁၄၀၁၄ အရ ဒဏ်ခတ်ပိတ်ဆို့အရေးယူလိုက်သည်။ မိမိတို့သည် …

ကျောင်းသားဗီဇာ ရက်ချိန်းပေးမည့်အစီအစဉ်ကို အမေရိကန်သံရုံးက ပြန်လည်ဆောင်ရွက်ပေးခြင်း   သတင်းထုတ်ပြန်ချက် မေ ၁၁၊ ၂၀၂၁   ရန်ကုန်။ ။ အမေရိကန်သံရုံး ကောင်စစ်ဌာနသည် ယခုလအတွင်း မကြာမီကာလ၌ ကျောင်းသားဗီဇာ လျှောက်လွှာများအတွက် လူတွေ့အင်တာဗျူးအစီအစဉ်များ ဖွင့်လှစ်ဆောင်ရွက်သွားမည်ဖြစ်ပါသည်။ မြန်မာနိုင်ငံအတွင်းရှိကျောင်းသူ၊ ကျောင်းသားများအနေဖြင့် အမေရိကန်ပြည်ထောင်စုတွင် ပညာဆက်လက်ဆည်းပူးသင်ယူနိုင်သည့် အခွင့်အလမ်းရရှိသင့်ပါသည်။ ယဉ်ကျေးမှုနှင့်ပညာရေးဆိုင်ရာ နှီးနှောဖလှယ်ရေး အစီအစဉ်များ စီစဉ်ပံ့ပိုးမှုအပါအဝင် ပြည်သူလူထု၏ ဆန္ဒလိုလားမှုများဖြစ်သော တောက်ပသည့် အနာဂတ်တစ်ခုအတွက် အားပေးပံ့ပိုးသွားရန် မြန်မာနိုင်ငံဆိုင်ရာ အမေရိကန်သံရုံးက ရည်သန်ကတိပြုထားပါသည်။ ကျောင်းသားဗီဇာလျှောက်ထားရန်စိတ်ဝင်စားသူများအနေဖြင့် လျှောက်လွှာလိုအပ်ချက်များနှင့် အခြားသတင်းအချက်အလက်အကြောင်းအရာများကို https://mm.usembassy.gov/visas/study-exchange/ တွင်ကြည့်ရှုလေ့လာနိုင်ပါသည်။ အမေရိကန်ပြည်ထောင်စုတွင် ပညာသင်ယူနိုင်ရေးအတွက် စူးစမ်းလေ့လာရန်စိတ်ဝင်စားသည့်ကျောင်းသူ၊ ကျောင်းသားများအနေဖြင့် ရန်ကုန်နှင့် မန္တလေးတွင်ရှိသော အမေရိကန်ပညာရေး (မြန်မာနိုင်ငံရုံး) ၏ အကြံပေးများထံမှ ကြိုတင်ရက်ချိန်းယူ၍ ပညာရေးဆိုင်ရာအကြံဉာဏ်များကို အွန်လိုင်းကတစ်ဆင့် အခမဲ့ …

မြန်မာနိုင်ငံ၏ နိုင်ငံပိုင်စီးပွားရေးလုပ်ငန်းနှစ်ခုအား ဒဏ်ခတ်ပိတ်ဆို့အရေးယူခြင်း   သတင်းထုတ်ပြန်ချက် နိုင်ငံခြားရေးဝန်ကြီး အန်တိုနီဂျေဘလင်ကင် ဧပြီ ၂၁၊ ၂၀၂၁ မြန်မာစစ်အာဏာရှင်သည်နိုင်ငံတော်၏ဒီမိုကရေစီလမ်းကြောင်းကိုပြန်လည်ဖော်ဆောင်ရေးဟူသောမြန်မာပြည်သူလူထု၏ဆန္ဒကိုဆက်လက်လျစ်လျူရှုထားသည်။စစ်အာဏာရှင်သည်ပြည်သူလူထု၏ဆန္ဒကိုလက်ခံလိုက်လျောရမည့်အစား၎င်း၏အကြမ်းဖက်နှိပ်ကွပ်မှုလုပ်ရပ်ကိုအရှိန်မြှင့်တင်ခဲ့ပြီးဖေဖော်ဝါရီလ၁ရက်စ၍ကလေးပေါင်းများစွာအပါအဝင်လူပေါင်း၆၅၀ကျော်ကိုသတ်ဖြတ်ခဲ့သည်။လူပေါင်း၃၂၀၀ကျော်ကိုဖမ်းဆီးထိန်းသိမ်းခဲ့သည်။ မြန်မာပြည်သူလူထုအပေါ်အကြမ်းဖက်မှုကျူးလွန်သည့်စစ်အာရှင်အတွက်အကျိုးအမြတ်ဖြစ်စေသောနိုင်ငံတော်ပိုင်လုပ်ငန်းနှစ်ခုကိုဒဏ်ခတ်ပိတ်ဆို့မှုစာရင်းအတွင်းထည့်သွင်းအရေးယူခြင်းအားဖြင့်မြန်မာစစ်အာဏာရှင်၏စီးပွားရေးအရင်းအမြစ်များကိုကန့်သတ်ထိန်းချုပ်ရန်အတွက်အမေရိကန်ပြည်ထောင်စုကယနေ့ထပ်မံအရေးယူဆောင်ရွက်လိုက်သည်။မြန်မာ့သစ်လုပ်ငန်းနှင့်မြန်မာ့ပုလဲလုပ်ငန်းတို့ကိုမြန်မာအစိုးရ၏နိုင်ငံရေးဆိုင်ရာလက်အောက်ခံဌာန၊အေဂျင်စီသို့မဟုတ်အရေးပါသောယန္တရားဖြစ်နေသည့်အတွက်သမ္မတအမိန့်အမှတ်၁၄၀၁၄အရဒဏ်ခတ်ပိတ်ဆို့မှုစာရင်း၌ထည့်သွင်းအရေးယူခြင်းဖြစ်သည်။ မိမိတို့၏ယနေ့အရေးယူမှုသည်အမေရိကန်ပြည်ထောင်စုအနေဖြင့်စစ်တပ်၏တိကျသောဘဏ္ဍာငွေလမ်းကြောင်းများကိုဆက်လက်ပစ်မှတ်ထားပိတ်ဆို့၍စစ်အာဏာသိမ်းမှု၊ယင်းအာဏာသိမ်းမှုဆက်စပ်နေသောအကြမ်းဖက်မှုအတွက်တာဝန်ယူမှု၊တာဝန်ခံမှုရှိစေရေးတိုးမြှင့်လုပ်ဆောင်မည်ဟူသောစစ်တပ်ကိုမိမိတို့ပေးလို့သည့်သတင်းစကားကိုထပ်မံအားဖြည့်ခြင်းဖြစ်သည်။ဤအာဏာသိမ်းမှုကိုဖယ်ရှားကန့်ကွက်ရန်ကြိုးပမ်းအားထုတ်နေသည့်မြန်မာပြည်သူလူထုကိုမိမိတို့ဆက်လက်အားပေးထောက်ခံသွားပါမည်။အကြမ်းဖက်မှုရပ်တန့်ရန်၊မတရားဖမ်းဆီးထိန်းသိမ်းထားသူအားလုံးကိုပြန်လွှတ်ပေးရန်၊မြန်မာနိုင်ငံ၏ဒီမိုကရေစီလမ်းကြောင်းကိုပြန်လည်ဖော်ဆောင်ရန်စစ်အာဏာရှင်ကိုမိမိတို့တောင်းဆိုသည်။ ယနေ့အရေးယူမှုနှင့်ပတ်သက်၍ ပိုမိုသိရှိနိုင်ရန်အတွက် ဘဏ္ဍာရေးဝန်ကြီးဌာန၏ သတင်းထုတ်ပြန်ချက်  ကိုဖတ်ရှုနိုင်ပါသည်။ ###

အမေရိကန်ပြည်ထောင်စုနှင့် ပူးတွဲကျင်းပသော မြန်မာနိုင်ငံနှင့်စပ်လျဉ်းသည့် ကုလသမဂ္ဂလုံခြုံရေးကောင်စီ အာရီယာ–ဖော်မြူလာ အစည်းအဝေး၌ သံအမတ်ကြီးလင်ဒါသောမတ်စ်ဂရင်းဖီးလ်၏ သဘောထားမှတ်ချက်   သံအမတ်ကြီးလင်ဒါ‌သောမတ်စ်ဂရင်းဖီးလ် ကုလသမဂ္ဂဆိုင်ရာ အမေရိကန်ကိုယ်စားလှယ် နယူးယော့ခ် ဧပြီ ၉၊ ၂၀၂၁ ကျေးဇူးတင်ပါတယ် ဘာဘရာ။ မင်းသားဖီးလစ် ကွယ်လွန်မှုအတွက် ဝမ်းနည်းကြောင်း ပြောကြားရင်း ကျွန်မတို့ရဲ့ အသံတွေကို ထည့်သွင်းဖော်ပြပြီးတော့ စတင်ကြရအောင်ပါ။ တော်ဝင်မိသားစုနဲ့ ယူနိုက်တက် ကင်းဒမ်းပြည်သူတွေအတွက် ကျွန်မတို့ ထပ်တူဝမ်းနည်းရပါတယ်။ ဒီနေ့ အစည်းအဝေးခေါ်တဲ့အတွက်လည်း ကျေးဇူးတင်ကြောင်းပြောပါရစေ။ ဒီနေ့ ပြောကြားပေးကြတဲ့ အဆွေတော်တို့ရဲ့ မှတ်ချက်နဲ့ အသေးစိတ် သဘောထား ရှင်းလင်းပြောကြားမှုအားလုံးအတွက်လည်း ကျေးဇူးတင်ပါတယ်။ အထူးသဖြင့် သူတို့တစ်တွေလည်း မြန်မာနိုင်ငံမှာဖြစ်ပေါ်နေတဲ့ အခြေအနေကြောင့် စိတ်ထိခိုက်နေခဲ့ကြပါတယ်။ ဆန္ဒပြတယ်ဆိုတာ ဘာမှန်းတောင် မသိအောင် ငယ်ရွယ်လွန်းသေးတဲ့ ကလေးတွေ အပါအဝင် ပြည်သူတွေကို မြန်မာနိုင်ငံ …

သတင်းသမားတွေကိုလွတ်ပေးဖို့ အမေရိကန်နဲ့ မိတ်ဖက်တွေက မြန်မာစစ်တပ်ကိုတိုက်တွန်း    လီဟတ်မန်း – ဧပြီ ၇၊ ၂၀၂၁  အမေရိကန်နဲ့ အခြားဒါဇင်နဲ့ချီတဲ့နိုင်ငံတွေဟာ ထောင်သွင်းအကျဉ်းချခံထားရတဲ့သတင်းထောက်တွေအပါအဝင် မတရားဖမ်းဆီးထိန်းသိမ်းထားခံထားရသူအကုန်လုံးကို ပြန်လွှတ်ပေးဖို့နဲ့ မြန်မာပြည်သူတွေအပေါ် အကြမ်းဖက်နေမှုတွေရပ်တန့်ဖို့အတွက် မြန်မာစစ်တပ်ကို တောင်းဆိုနေကြပါတယ်။ “မြန်မာနိုင်ငံအတွင်းမှာမြင့်တက်လာနေတဲ့အကြမ်းဖက်နေမှုတွေနဲ့ ဆန္ဒပြသူတွေကို သတ်ဖြတ်နေတာတွေ၊ သတင်းသမားတွေနဲ့ မီဒီယာလောကသားတွေအပါအဝင် လူတွေကို အတင်းအဓမ္မ ဖမ်းဆီး၊ အကြမ်းဖက်တာတွေကြောင့် မိမိတို့တုန်လှုပ်ခြောက်ခြားမိပါတယ်” “မတရားဖမ်းဆီးထိန်းသိမ်းထားသူအားလုံးကို ချက်ချင်းပြန်လွှတ်ပေးဖို့အတွက် မိမိတို့ အတူတကွတောင်းဆိုပါတယ်” လို့ ဧပြီ ၁ ရက်မှာ ပူးတွဲထုတ်ပြန်တဲ့ သတင်းသမားများ ကာကွယ်စောင့်ရှောက်ရေး ကုလသမဂ္ဂမိတ်ဆွေများအဖွဲ့ရဲ့ ကြေညာချက်မှာ ဖော်ပြထားပါတယ်။ ဖေဖော်ဝါရီ ၁ ရက် အာဏာသိမ်းယူပြီးချိန်ကစပြီး မြန်မာစစ်တပ်ဟာ ဒီမိုကရေစီလိုလားတဲ့ဆန္ဒပြသူတွေနဲ့ တခြားသောသူတွေကိုပါ နှိမ်နှင်းခဲ့ပြီး လူပေါင်း ၅၀၀ ကျော်ကိုသတ်ဖြတ်ခဲ့ပြီးဖြစ်သလို သတင်းသမားတွေနဲ့ …

မြန်မာနိုင်ငံအတွင်းငြိမ်းချမ်းစွာဆန္ဒပြနေသူများအပေါ် အကြမ်းဖက်မှုနှင့်ပတ်သက်၍ အမျိုးသားလုံခြုံရေးအကြံပေး ဂျက်ဆူလီဗန်၏ထုတ်ပြန်ကြေညာချက် ဖေဖော်ဝါရီ ၂၈၊ ၂၀၂၁ ငြိမ်းချမ်းစွာဆန္ဒပြသူများအပေါ် မြန်မာလုံခြုံရေးတပ်ဖွဲ့များ၏ အကြမ်းဖက်မှုကြောင့် အမေရိကန်ပြည်ထောင်စုအနေဖြင့် အံ့သြတုန်လှုပ်ရပါသည်။ ယနေ့ သတ်ဖြတ်မှုမှုများသည် ဖေဖော်ဝါရီလ ၁ ရက် အာဏာသိမ်းပြီးချိန်မှစ၍ ဒီမိုကရေစီလိုလားသူများကို ဆက်လက်နှိမ်နှင်းမှုအရှိန်မြှင့်တင်လာခြင်းကို ပြသခြင်းဖြစ်ပါသည်။ မြန်မာနိုင်ငံအတွင်း ဒီမိုကရေစီကိုအားပေးထောက်ခံကာ ငြိမ်းချမ်းစွာဆန္ဒပြစဉ်အတွင်း အသက်ဆုံးရှုံးခဲ့ရသည့် ရဲရင့်သောဆန္ဒပြသူများ၏ မိသားစုများနှင့်ထပ်တူ စိတ်နှလုံးထိခိုက် ကြေကွဲရသည့်အကြောင်း ပြောကြားလိုပါသည်။ ဒီမိုကရေစီ၊ တရားဥပဒေစိုးမိုးရေးနှင့်လူ့အခွင့်အရေးကိုလေးစားလိုက်နာမှုအတွက်၎င်းတို့၏ဆန္ဒလိုလားမှုကို ရဲဝံ့စွာ ဆက်လက်ထုတ်ဖော်ပြသနေကြသော မြန်မာပြည်သူလူထုနှင့်အတူ ခိုင်ခိုင်မာမာ တညီတညွတ်တည်း ရပ်တည်ပါသည်။ အကြမ်းဖက်မှုအတွက်တာဝန်ရှိသူများကို တာဝန်ယူမှု၊ တာဝန်ခံမှုရှိစေရေးအတွက် အင်ဒို-ပစိဖိတ်ဒေသနှင့် ကမ္ဘာတစ်ဝန်းမှ မဟာမိတ်နိုင်ငံများ၊ မိတ်ဖက်များနှင့် ဆက်လက်၍ အနီးကပ်ပူးပေါင်းညှိနှိုင်းဆောင်ရွက်သွားမည်ဖြစ်ပြီး မြန်မာပြည်သူလူထုအတွက် မိမိတို့၏အကူအညီများကိုလည်း ထပ်မံအားဖြည့်သွားမည်ဖြစ်သည်။ ထို့ကြောင့် နောက်ဆုံးဖြစ်ပွားခဲ့သော အကြမ်းဖက်မှုနှင့် မကြာသေးမီကအာဏာသိမ်းမှုအတွက် တာဝန်ရှိသူများကို …

မြန်မာနိုင်ငံအတွင်း အာဏာသိမ်းမှုအပေါ် တုံ့ပြန်ရာတွင် ဘိုင်ဒင်–ဟာရစ် အစိုးရအဖွဲ့ အရေးယူဆောင်ရွက်မှု   ဖေဖော်ဝါရီ ၁၁၊ ၂၀၂၁ သမ္မတ ဘိုင်ဒင်သည် မြန်မာနိုင်ငံအတွင်း စစ်အာဏာသိမ်းမှုနှင့် သမ္မတဦးဝင်းမြင့်၊ နိုင်ငံတော်၏ အတိုင်ပင်ခံပုဂ္ဂိုလ် အောင်ဆန်းစုကြည်နှင့် အခြား အရပ်သားတာဝန်ရှိပုဂ္ဂိုလ်များနှင့် လူ့အခွင့်အရေး ခုခံကာကွယ်သူများ၊ သတင်းသမားများ၊ အရပ်ဘက်လူမှု အဖွဲ့အစည်း ခေါင်းဆောင်များအား မတရားဖမ်းဆီးထိန်းသိမ်းထားခြင်းအပေါ် တုံ့ပြန်ရာတွင် ထူးခြားအရေးပါသော အဆင့်များ ယနေ့ဆောင်ရွက်လျက် ရှိပါသည်။ ငြိမ်းချမ်းစွာ ဆန္ဒပြခြင်းကတစ်ဆင့် ဒီမိုကရေစီကို ထောက်ခံပံ့ပိုးမှုသည့်အကြောင်း မြန်မာပြည်သူလူထုကထပ်လောင်းအတည်နေသကဲ့သို့  မိမိတို့ကလည်း မဟာမိတ်များ၊ မိတ်ဖက်များနှင့် နိုင်ငံတကာ အဖွဲ့အစည်းများနှင့်အတူ မြန်မာပြည်သူလူထုနှင့်အတူ ရပ်တည်သွားမည်ဖြစ်ပါသည်။  ===================== ဖေဖော်ဝါရီလ ၁ ရက်နေ့က အာဏာသိမ်းခြင်းအတွက် တာဝန်ရှိသူများကို တာဝန်ယူမှု၊ တာဝန်ခံမှုရှိ စေရန်နှင့် မြန်မာပြည်သူလူထု၏ ဒီမိုကရက်တစ်ရည်မှန်းချက်အတွက် …

ဖေဖော်ဝါရီလ ၁၄ ရက်ကထုတ်ပြန်သောကြေညာချက်လက်မှတ်ရေးထိုးရာတွင် သြစတြေးလျနှင့် နယူးဇီလန်နိုင်ငံမှ မြန်မာနိုင်ငံဆိုင်ရာသံအမတ်ကြီးများလည်းပါဝင်လာသည့်အတွက် အသစ်ပြန်လည်ပြင်ဆင်ထုတ်ပြန်ပါသည်။ မြန်မာနိုင်ငံဆိုင်ရာသံအမတ်ကြီးများ၏ကြေညာချက်   ၎င်းတို့၏တရားဝင်အစိုးရဖြုတ်ချခံရခြင်းအတွက် ငြိမ်းချမ်းစွာဆန္ဒထုတ်ဖော်နေကြသော ဆန္ဒပြသူများနှင့်အရပ်သားပြည်သူလူထုအား အကြမ်းဖက်ခြင်းမှ ရှောင်ကြဉ်ရန် လုံခြုံရေးတပ်ဖွဲ့များကို မိမိတို့တောင်းဆိုပါသည်။ နိုင်ငံရေးခေါင်းဆောင်များ၊ အရပ်ဘက်လူမှုအဖွဲ့အစည်းလှုပ်ရှားတက်ကြွသူများ၊ သတင်းသမားများနှင့် နိုင်ငံ့ဝန်ထမ်းများအား ဖမ်းဆီးထိန်းသိမ်းထားခြင်းနှင့်ဆက်လက်ဖမ်းဆီးနေခြင်းကို မိမိတို့အနေဖြင့် ပြတ်ပြတ်သားသားအတိအလင်း ကန့်ကွက်ရှုတ်ချပါသည်။ စစ်တပ်က ဆက်သွယ်ရေးစနစ်ကိုကြားဖြတ်နှောင့်ယှက်ခြင်းအပြင် မြန်မာနိုင်ငံသားများ၏ အခြေခံရပိုင်ခွင့်များနှင့် ဥပဒေအရအကာအကွယ်ပေးထားသည့်အခြေခံအခွင့်အရေးများကို ချုပ်ချယ်ကန့်သတ်ခြင်းအတွက်လည်း မိမိတို့ လူသိရှင်ကြားကန့်ကွက်ရှုတ်ချပါသည်။ ဒီမိုကရေစီ၊ လွတ်လပ်မှု၊ ငြိမ်းချမ်းမှုနှင့်သာယာဝပြောမှုကို ရှာဖွေနေကြသော မြန်မာပြည်သူလူထုကို မိမိတို့ထောက်ခံအားပေးနေပါသည်။ တစ်ကမ္ဘာလုံးကလည်းစောင့်ကြည့်နေပါသည်။ ဤကြေညာချက်ကို သြစတြေးလျ၊ ကနေဒါ၊ မြန်မာနိုင်ငံဆိုင်ရာဥရောပသမဂ္ဂသံရုံးနှင့် ဥရောပသမဂ္ဂအဖွဲ့ဝင်နိုင်ငံများ၏ သံရုံးများဖြစ်ကြသော – ဒိန်းမတ်၊ ချက်သမ္မတနိုင်ငံ၊ ဖင်လန်၊ ပြင်သစ်၊ ဂျာမနီ၊ အီတလီ၊ နယ်သာလန်၊ စပိန်နှင့် ဆွီဒင်နိုင်ငံ – …

USAID ယာယီအုပ်ချုပ်ရေးမှူး ဂလော်ရီယာစတီးလ်၏ ထုတ်ပြန်ကြေညာချက် ချက်ချင်းထုတ်ပြန်ရန် ကြာသပတေးနေ့၊ ဖေဖော်ဝါရီ ၁၁၊ ၂၀၂၁ မီဒီယာဆက်ဆံရေးရုံး press@usaid.gov USAID အနေဖြင့် ငြိမ်းချမ်းရေး၊ ဒီမိုကရေစီအရေးနှင့် လွတ်လပ်မှုရှိစေရေးတို့အတွက် ဆယ်စုနှစ်များစွာကြာ ကြိုးပမ်းဆောင်ရွက်ခဲ့ကြသည့် မြန်မာနိုင်ငံရှိ ပြည်သူများနှင့် ရပ်တည်ကာ အတူရှိနေပါသည်။ မြန်မာပြည်သူများအနေဖြင့် ထိုရပိုင်ခွင့်များနဲ့ အပြည့်အဝ ထိုက်တန်ပါသည်။ သမ္မတကြီး ဘိုင်ဒင်ကလည်း ဖေဖော်ဝါရီ ၁ ရက်နေ့က “ယခုလို စစ်တပ်ရဲ့ အာဏာသိမ်းယူမှုဟာ နိုင်ငံရဲ့ ဒီမိုကရေစီအသွင်ကူးပြောင်းမှုဖြစ်စဥ်နဲ့ တရားဥပဒေစိုးမိုးမှုအပေါ်  တိုက်ရိုက်ထိပါးမှု တစ်ရပ်ပဲ ဖြစ်ပါတယ်။” ဟု ဖော်ပြခဲ့ပါသည်။ မြန်မာပြည်သူများ၏ နှစ်ကာလကြာရှည်စွာ ကြိုးပမ်းဆောင်ရွက်ခဲ့ပြီး စွန့်လွှတ်အနစ်နာခံမှုများနှင့်အတူ ရရှိလာသည့် တိုးတက်မှုအခြေအနေတစ်ရပ်ကို ဒီမိုကရေစီနည်းမကျစွာနဲ့ ပြုမှုဆောင်ရွက်ချက်တစ်ရပ်လည်း ဖြစ်ပါသည်။ မြန်မာစစ်တပ်၏ အာဏာသိမ်းယူမှုအပေါ်  အမေရိကန်ပြည်ထောင်စုအစိုးရ၏ ဖေဖော်ဝါရီလ ၂ …

ဇန်နဝါရီ ၂၉၊ ၂၀၂၁ မြန်မာနိုင်ငံအခြေစိုက် သံတမန်အဖွဲ့အစည်းများ၏ ပူးတွဲကြေညာချက်   မြန်မာနိုင်ငံ၏ ဒီမိုကရက်တစ်အသွင်ကူးပြောင်းရေးနှင့်နိုင်ငံတော်အတွင်း ငြိမ်းချမ်းရေးနှင့်ဖွံ့ ဖြိုးရေး မြှင့်တင်နိုင်ရန် ကြိုးပမ်းအားထုတ်နေမှုကို အားပေးထောက်ခံကြောင်း မိမိတို့အခိုင်အမာအတည်ပြုပါသည်။ ဖေဖော်ဝါရီလ ၁ ရက်တွင် လွှတ်တော်အသစ် စတင်ရေးနှင့် သမ္မတသစ်တစ်ဦး ရွေးချယ်တင်မြှောက်ရေး လုပ်ငန်းစဉ်ကို ငြိမ်းငြိမ်းချမ်းချမ်းဆောင်ရွက်နိုင်ရေးအတွက် မိမိတို့မျှော်လင့်နေပါသည်။ မကြာသေးမီက ကျင်းပခဲ့သော နိုင်ငံတစ်ဝန်းရွေးကောက်ပွဲတွင် ၎င်းတို့၏သမိုင်းဝင်ပါဝင်ခဲ့ကြမှုအတွက် မြန်မာနိုင်ငံသားများကို ဂုဏ်ယူဝမ်းမြောက်ကြောင်း ထပ်မံပြောကြားပါသည်။ တပ်မတော်နှင့် နိုင်ငံအတွင်းရှိအခြားသော လူပုဂ္ဂိုလ် အဖွဲ့အစည်းအားလုံးအနေဖြင့် ဒီမိုကရေစီစံနှုန်းများကို လိုက်နာစောင့်ထိန်းကြပါရန် တိုက်တွန်းပါသည်။ ရွေးကောက်ပွဲရလဒ်ကိုပြောင်းလဲရန် သို့မဟုတ် မြန်မာ့ဒီမိုကရက်တစ်အသွင်ကူးပြောင်းမှုကို ကြန့်ကြာစေရန်အလို့ငှာ မည်သို့သောကြိုးပမ်းအားထုတ်မှုမျိုးကိုမဆို မိမိတို့ ဆန့်ကျင်ကန့်ကွက်ပါသည်။ မြန်မာနိုင်ငံသားများအတွက် ပိုမိုကောင်းမွန်သော ဒီမိုကရက်တစ်လွတ်လပ်မှု၊ အဓွန့်ရှည်တည်တံ့သောငြိမ်းချမ်းမှု နှင့် အားလုံးပါဝင်သော သာယာဝပြောမှုအတွက်ရှေ့ရှုလုပ်ဆောင်နေကြသူအားလုံးကို မိမိတို့ အားပေးထောက်ခံ …

ချက်ချင်းထုတ်ပြန်ရန် ဇန်နဝါရီ ၁၉၊ ၂၀၂၁ နိုင်ငံတော်သမ္မတ ဦးဝင်းမြင့်ထံ အမေရိကန်သံအမတ်သစ်က၎င်း၏သံအမတ်ခန့်အပ်လွှာပေးအပ်ခြင်း   ရန်ကုန်မြို့။ ။ သံအမတ်ကြီး သောမတ်စ်ဗိုက်ဒါ သည် ၎င်း၏ သံအမတ်ခန့်အပ်လွှာကို နေပြည်တော်ရှိ နိုင်ငံတော်သမ္မတအိမ်တော်၌ နိုင်ငံတော်သမ္မတဦးဝင်းမြင့်ထံသို့ ယနေ့ပေးအပ်ခဲ့ပါသည်။  နိုင်ငံတစ်ဝန်း ငြိမ်းချမ်းရေး၊ သာယာဝပြောရေးနှင့် ဒီမိုကရေစီကို ဖော်ဆောင်ရာတွင် မြန်မာနိုင်ငံအစိုးရ၊ မြန်မာပြည်သူများနှင့်အတူ လက်တွဲဆောင်ရွက်ရန်ချမှတ်ထားသည့် အမေရိကန်ပြည်ထောင်စု၏ ကတိကဝတ်ကို သံအမတ်ကြီး ဗိုက်ဒါ က အထူးအလေးပေးပြောကြားခဲ့ပါသည်။ “မြန်မာနိုင်ငံမှာ မကြာသေးမီ နှစ်တွေအတွင်းက အကြီးအကျယ် ပြောင်းလဲခဲ့ပြီးပါပြီ။ ဒါပေမဲ့ ပိုမိုကောင်းမွန်တဲ့ အနာဂတ်တစ်‌ခုအတွက် အတူတကွလက်တွဲဆောင်ရွက်မယ်ဆိုတဲ့ ကျွန်တော်တို့ရဲ့ ကတိကဝတ်ကတော့ မပြောင်းလဲဘဲ ဆက်လက်ပြီး ရှိနေပါတယ်” “‌ရှေ့လာမယ့်နှစ်တွေအတွင်း အမေရိကန်ပြည်ထောင်စုနဲ့ မြန်မာနိုင်ငံက ပြည်သူတွေအကြား ရေရှည်တည်တံ့တဲ့ ဆက်ဆံရေးတွေ တည်ဆောက်ဖို့အတွက်လည်း ကျွန်တော်မျှော်လင့်လျက်ရှိနေပါတယ်” …

တီဘီကင်းစင်မြန်ပြည်တစ်ခွင် ရှေးရှုနိုင်ဖို့ ကြိုးစားစို့ စီမံကိန်းကို အွန်လိုင်းမှတဆင့် စတင်မိတ်ဆက်ခြင်းအစီအစဉ်အတွက် အမေရိကန် နိုင်ငံတကာဖွံ့ဖြိုးရေးအေဂျင်စီ (USAID) ၏ မြန်မာနိုင်ငံဆိုင်ရာ ဌာနေညွှန်ကြားရေးမှူး အလဲရ်ဂရပ်ဘ်စ်ပြောကြားရန်ပြင်ဆင်ထားသော မှတ်ချက်စကား   USAID လို့ သိကြတဲ့ အမေရိကန်နိုင်ငံတကာဖွံ့ဖြိုးရေး အေဂျင်စီက တီဘီကင်းစင်မြန်ပြည်တစ်ခွင် ရှေးရှုနိုင်ဖို့ ကြိုးစားစို့ စီမံကိန်း အမည်ရ သုံးနှစ်တာစီမံကိန်းသစ်တစ်ခုကို ၂၀၂၀ ခုနှစ်အတွင်းမှာ စတင် ကူညီပံ့ပိုးပေးခဲ့ပါတယ်။ ဒီစီမံကိန်းကို အကောင်အထည်ဖော် ဆောင်ရွက်မယ့် မိမိတို့ရဲ့ မိတ်ဖက်အဖွဲ့အစည်းကတော့ မြန်မာနိုင်ငံက အရပ်ဘက်လူမှုအဖွဲ့အစည်းတစ်ခုဖြစ်တဲ့ ပြည်ကြီးခင်အဖွဲ့ ဖြစ်ပါတယ်။ မြန်မာနိုင်ငံမှာ တီဘီရောဂါ တိုက်ဖျက်ရေး ကြိုးပမ်းမှုအတွက် ကူညီထောက်ပံ့ပေးနေတဲ့ ကျန်းမာရေးနဲ့အားကစားဝန်ကြီးဌာနဲ့တကွ ဖွံ့ဖြိုးရေးမိတ်ဖက်အဖွဲ့တွေအတွက် ဤစီမံကိန်းကို မိတ်ဆက်ပေးဖို့ ရောဂါထိန်းချုပ်ရေးဆိုင်ရာ ဒုတိယ ညွှန်ကြားရေးမှူးချုပ်ဖြစ်တဲ့ ဒေါက်တာသန္တာလွင်နှင့်အတူ ကျွန်မလည်း အောက်တိုဘာလအတွင်းက ပါဝင်တက်ရောက်ခဲ့ပါတယ်။ …

ဒုတိယဝန်ကြီး ဘီဂဲန် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်နှင့် တယ်လီကွန်ဖရင့်ဖြင့်စကားပြောကြားခြင်း ပြောခွင့်ရပုဂ္ဂိုလ်ရုံး ဒီဇင်ဘာ ၁၇၊ ၂၀၂၀ အောက်ပါအကြောင်းအရာနှင့်ပတ်သက်၍ ဒုတိယပြောခွင့်ရပုဂ္ဂိုလ်အကြီးအကဲ ခေလ်ဘရောင်း ကို ကိုးကားနိုင်ပါသည်။  အမေရိကန်ပြည်ထောင်စုနှင့် မြန်မာခေါင်းဆောင်များနှင့်ပြည်သူများအကြား ဆက်လက်ကျင့်သုံးလျက်ရှိသည့် အဆင့်မြင့်ဆက်ဆံရေးကဏ္ဍအစိတ်အပိုင်းတစ်ရပ်အနေဖြင့် ဒုတိယနိုင်ငံခြားရေးဝန်ကြီး စတီဗင် အာ ဘီဂဲန် သည် မြန်မာနိုင်ငံကဆက်လက်ဖော်ဆောင်လျက်ရှိသော ဒီမိုကရေစီ အသွင်ကူးပြောင်းရေး၊ ငြိမ်းချမ်းရေးနှင့် အမျိုးသားပြန်လည်သင့်မြတ်ရေး၊ လူ့အခွင့်အရေးကိုလေးစားလိုက်နာရေးနှင့် အားလုံးပါဝင်နိုင်သော စီးပွားဖွံ့ဖြိုးရေးတို့အတွက် ထောက်ခံအားပေးသွားမည့်အကြောင်းကို အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင် အားပြောကြားခဲ့ပါသည်။  ဒုတိယဝန်ကြီးနှင့် ဝန်ကြီးဦးကျော်တင် တို့သည် မြန်မာနိုင်ငံနှင့်အတူ စီးပွားရေးဆက်ဆံမှု ပိုမိုအားကောင်းစေရန် ဆောင်ရွက်နေမှုနှင့် နှစ်နိုင်ငံအကြား အဓွန်ရှည်တည်တံ့သော မိတ်ဖက်လက်တွဲဆောင်ရွက်မှုကို ပိုမိုနက်နက်ရှိုင်းရှိုင်း ဖော်ဆောင်နေရင်း ဆက်လက်ဖြစ်ပွားလျက်ရှိသော အကြမ်းဖက်မှု၊ လူသားချင်း စာနာထောက်ထားမှု …

ချက်ချင်းထုတ်ပြန်ရန် ၂၀၂၀ ခုနှစ်၊ ဒီဇင်ဘာလ (၁၇) ရက်နေ့ မြန်မာနိုင်ငံစိုက်ပျိုးရေးထုတ်ကုန်များအတွက် ပြည်တွင်းစျေးကွက်အခွင့်အလမ်းများဆိုင်ရာ သုတေသနကို အမေရိကန်နိုင်ငံက တင်ပြ   အမေရိကန်အစိုးရ၏ Feed the Future မြန်မာနိုင်ငံစိုက်ပျိုးရေးနှင့် အစားအစာစနစ်များ ဖွံ့ဖြိုးရေးစီမံကိန်းသည် မြန်မာနိုင်ငံရှိ စားသုံးသူ ၇၀၀ ကျော်၏ အစားအစာကြိုက်နှစ်သက်မှု သုံးသပ်ချက်ကို ဒီဇင်ဘာလ ၁၇ ရက်နေ့တွင် မျှဝေတင်ပြခဲ့ပါသည်။ လေ့လာသုံးသပ်သူများသည် မြန်မာနိုင်ငံမှ တောင်သူများနှင့် စိုက်ပျိုးစီးပွားရေးလုပ်ငန်းများအတွက် လက်တွေ့ကျသော အကြံပြုချက်များကို ပြုလုပ်ခဲ့ကြသည်။ အကြံပြုချက်တစ်ခုမှာ တန်ဖိုးမြှင့်တင်နိုင်သော မွေးမြူရေးနှင့် စိုက်ပျိုးရေးထုတ်ကုန်များကို လက်ရှိစျေးကွက်ပေါ်တွင် တည်ဆောက်ရန်ဖြစ်သည်။ ဒုတိယအကြံပြုချက်မှာ ဂျင်းနှင့်ဆနွင်းကဲ့သို့သော ရိုးရာထုတ်ကုန်များကို ကျန်းမာရေးအတွက် အသုံးပြုနိုင်ရေး ဆက်လက်လေ့လာစူးစမ်းရန်ဖြစ်သည်။ အစီရင်ခံစာတွင် စျေးကွက်၏မျှော်မှန်းချက်ကို ဖြည့်တင်းပေနိုင်ရန်အတွက် တန်ဖိုးကွင်းဆက်တလျှောက် အရည်အသွေးမြှင့်တင်နည်းလမ်းများ၊ မျိုးစေ့နှင့် အရည်အသွေးအာမခံချက်စနစ်များ …

မြန်မာ့စိုက်ပျိုးရေးထုတ်ကုန်များအတွက် ပြည်တွင်းစျေးကွက်အခွင့်အလမ်းများ – မြန်မာနိုင်ငံ စီပွားရေးဖွံ့ဖြိုးမှုဆိုင်ရာ USAID ရုံး၏ ဒါရိုက်တာ ပေါပလက်ဗါအတွက် ပြင်ဆင်ပေးထားသော မှတ်ချက်များ ၂၀၂၀ ခုနှစ်၊ ဒီဇင်ဘာလ (၁၇) ရက်နေ့ အမေရိကန်ပြည်ထောင်စု အပြည်ပြည်ဆိုင်ရာဖွံ့ဖြိုးတိုးတက်ရေး အေဂျင်စီ (USAID) ဟာ လက်ရှိလုပ်နေတဲ့ မြန်မာနိုင်ငံရဲ့ စီးပွားရေးပြုပြင်ပြောင်းလဲရေးလုပ်ငန်းစဥ်ကို အခိုင်အမာ ထောက်ခံပါတယ်။ မြန်မာနိုင်ငံမှာ ပိုကျယ်ပြန့်ပြီး ပိုပါဝင်နိုင်တဲ့ ဖွံ့ဖြိုးတိုးတက်မှုကို ဖန်တီးဖို့နဲ့ အမေရိကန်ပြည်ထောင်စုနဲ့မြန်မာတို့အကြား ရင်းနှီးချစ်ကြည်မှုကို ခိုင်မာစေဖို့ ဒီပြုပြင်ပြောင်းလဲရေးအတွက် အလားအလာကောင်းတွေ အများကြီးရှိတာကို တွေ့ရပါတယ်။  စီးပွားရေးပြုပြင်ပြောင်းလဲမှုမှာ အဓိကအပိုင်းကတော့ စိုက်ပျိုးရေးကဏ္ဍမှာရှိတဲ့ ပုဂ္ဂလိကကဏ္ဍစီးပွားရေးအခွင့်အလမ်းသစ်တွေကို ရှာဖွေပြီး မြှင့်တင်ဖို့ဖြစ်ပါတယ်။ USAID ဟာ တာဝန်ယူမှုရှိတဲ့ ရင်းနှီးမြုပ်နှံမှုကို မြှင့်တင်ဖို့၊ စွန့်ဦးတီထွင်သူတွေအနေနဲ့ ၄င်းတို့ရဲ့ စီးပွားရေးလုပ်ငန်းတွေကို ချဲ့ထွင်ကြီးထွားလာစေဖို့အတွက် မြန်မာနိုင်ငံရဲ့ ပုဂ္ဂလိကကဏ္ဍနဲ့ …

ပြည်ထောင်စုရှေ့နေချုပ်ရုံးက ဦးစီးကျင်းပသည့် ဥပဒေရုံး တိုးချဲ့မှုဆိုင်ရာ ကနဦးအစီအစဉ်ထုတ်ပြန်ပွဲတွင် အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) ၏ မြန်မာနိုင်ငံဆိုင်ရာ ဌာနေညွှန်ကြားရေးမှူး မစ္စအလဲရ်ဂရပ်ဘ်စ်အတွက် ပြင်ဆင်ပေးထားသော မှတ်ချက်အမှာစကား ၂၀၂၀ ခုနှစ်၊ အောက်တိုဘာလ ၂၁ ရက်နေ့၊ နံနက် ၁၀ နာရီ အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) က ပြည်ထောင်စု ရှေ့နေချုပ်ရုံးနှင့်အတူ လက်တွဲပူးပေါင်း၍ မြန်မာပြည်သူများအတွက် တရားဥပေဒ စိုးမိုးရေး ခိုင်မာအားကောင်းလာအောင် အဓိက ရည်သန်ကြိုးပမ်းသွားမည်ဟု ယနေ့ ထုတ်ပြန်ကြေညာ လိုက်သည်။ နောက်ထပ် ဉပဒေရုံး ၁၀ ရုံးကို တိုးချဲ့ပြီး ကနဦးဥပဒေရုံးအစီအစဉ်ကို ချဲ့ထွင်မည်ဟူသော ပြည်ထောင်စုရှေ့နေ့ချုပ်ရုံး၏ ကြေညာချက်သည် ခေတ်မီပြီး နိုင်ငံတကာတွင် လက်ခံကျင့်သုံးနေသော ရာဇဝတ်ကြောင်းအရ တရားစွဲဆိုမှုဆိုင်ရာ လုပ်ထုံးလုပ်နည်းများကို လက်ခံကျင့်သုံးသော ဥပဒေရုံး အရေအတွက်ကို နှစ်ဆကျော် တိုးလာစေမည်ဖြစ်သည်။ …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် ဇန်နဝါရီ ၂၊ ၂၀၂၀ ဝန်ကြီးပွန်ပဲယိုး၏ ကြေညာချက် မြန်မာနိုင်ငံလွတ်လပ်ရေးနေ့ ဇန်နဝါရီ ၄ ရက်တွင် ကျရောက်သော မြန်မာနိုင်ငံ၏လွတ်လပ်ရေးနေ့ အခါသမယတွင် မြန်မာြပည်သူများကို အမေရိကန်ပြည်ထောင်စုအစိုးရကိုယ်စား မိမိဆုတောင်းမေတ္တာပို့သအပ်ပါသည်။ ဆက်လက်ဖော်ဆောင်လျက်ရှိသော မြန်မာနိုင်ငံ၏ ဒီမိုကရက်တစ် အပြောင်းအလဲ၊ အမျိုးသား ပြန်လည်သင့်မြတ်ရေးနှင့် စီးပွားရေးအသွင်ကူးပြောင်းရေးတို့တွင် ထောက်ခံအားပေးကာ မြန်မာပြည်သူများနှင့်အတူ လက်တွဲပူးပေါင်းဆောင်ရွက်သွားရန် လွန်ခဲ့သောဆယ်စုနှစ်များစွာကကဲ့သို့ပင် အမေရိကန်ပြည်ထောင်စုက ဆက်လက်သန္နိဋ္ဌာန်ချထားပါသည်။ ပြည်သူအားလုံး၏ ဂုဏ်သိက္ခာနှင့် အခွင့်အရေးများကို လေးစားတန်ဖိုးထား၍ ငြိမ်းချမ်းကာ ဒီမိုကရေစီစနစ် ထွန်းကားသော သာယာဝပြောသည့် မြန်မာနိုင်ငံအဖြစ် အောင်မြင်နိုင်ရေးအကူအညီပေးရန်အတွက် အစိုးရ၊ အရပ်ဘက်အဖွဲ့အစည်းများ၊ လူငယ်များနှင့်အတူ ဆက်လက်ပူးပေါင်းဆောင်ရွက်သွားမည်ဖြစ်ပါသည်။ လာမည့်နှစ်တွင် မြန်မာြပည်သူပြည်သားအားလုံး ငြိမ်းချမ်းသာယာဝပြောပါစေကြောင်း မိမိဆုမွန်ကောင်း တောင်းအပ်ပါသည်။ ###

အေမရိကန္ ႏိုင္ငံျခားေရးဝန္ႀကီးဌာန ေျပာေရးဆုိခြင့္ရွိသူရုံး   ၂၀၁၇၊ ႏုိဝင္ဘာ ၁၅ ျမန္မာႏုိင္ငံအတြက္ အေမရိကန္ျပည္ေထာင္စု၏ အကူအညီေပးအပ္မႈ ျပည္သူအားလံုး၏ လူ႔အခြင့္အေရးကိုအေလးထားကာ ၿငိမ္းခ်မ္း၍ သာယာဝေျပာသည့္ ဒီမိုကရက္တစ္ ျမန္မာႏိုင္ငံကို အေမရိကန္ ျပည္ေထာင္စုက ေထာက္ခံပါသည္။ ရခုိင္ျပည္နယ္တြင္ျဖစ္ေပၚေနေသာ လူ႔အခြင့္အေရးႏွင့္ လူသားျခင္းစာနာမႈဆိုင္ရာ အက်ပ္အတည္းကို ေဆာလွ်င္စြာေျဖရွင္းရန္၊ ျမန္မာႏိုင္ငံ၏ ဒီမိုကေရစီအသြင္ကူးေျပာင္းမႈကို အားျဖည့္ေပးရန္၊ စီးပြားေရး အခြင့္အလမ္းမ်ားတိုးခ်ဲ႕ေပးရန္၊ နိမ့္ပါးေသာလူထုအတြက္ႀကံ့ႀကံ့ခံႏုိင္ေရးႏွင့္ က်န္းမာေရးႏွင့္ ေစာင့္ေရွာက္မႈပုိမုိတိုးတက္ေကာင္းမြန္ရန္၊ အမ်ိဳးသားျပန္လည္သင့္ျမတ္ေရး ေရွ႕ဆက္ေဆာင္ရြက္ရန္၊ ေဒသခံလူမႈအသိုက္အဝန္းႏွင့္ အရပ္ဘက္ လူထုအေျချပဳအဖြဲ႕အစည္းတို႔ လုပ္ေဆာင္ႏိုင္စြမ္းတိုးျမႇင့္ႏုိင္ရန္ႏွင့္ လူ႔အခြင့္အေရးႏွင့္ ဘာသာေရးလြတ္လပ္ခြင့္တို႔ကို အေလးထား၍ အကာအကြယ္ေပးျခင္းတို႔ ပုိမုိအားေကာင္းလာေစရန္အတြက္ မိမိတုိ႔ေဆာင္ရြက္ေနပါသည္။   ရခုိင္ျပည္နယ္တြင္ျဖစ္ေပၚေနေသာ အက်ပ္အတည္းႏွင့္ ကာလရွည္ၾကာ စိန္ေခၚမႈမ်ားကို ေျဖရွင္းျခင္း – လူသားခ်င္းစာနာေထာက္ထားမႈ အကူအညီမ်ားကို ထပ္တိုးပမာဏအျဖစ္ ေဒၚလာ …