အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် နိုင်ငံခြားရေးဝန်ကြီး အန်တိုနီ ဂျေ ဘလင်ကင် ၏ ထုတ်ပြန်ချက် ၂၀၂၂ ဧပြီ ၁၁ ၂၀၂၂ မြန်မာနှစ်သစ်ကူး – သင်္ကြန်အခါသမယ ထုတ်ပြန်ချက်သဝဏ်လွှာ   မြန်မာနှစ်သစ်ကူး သင်္ကြန်အခါသမယတွင် မြန်မာပြည်သူများကောင်းခြင်းမင်္ဂလာများနှင့် ပြည့်စုံပါစေကြောင်း အမေရိကန်ပြည်ထောင်စုကိုယ်စား မိမိပြောကြားလိုပါသည်။  သင်္ကြန်ဆိုသည်မှာ နှစ်ဟောင်းမှ အဆိုးအညစ်တို့ကိုဆေးကြောသန့်စင်သည့် အခါသမယတစ်ခု ဖြစ်ပါသည်။  စစ်တပ်အာဏာသိမ်းပြီးချိန်မှ စ၍ မြန်မာပြည်သူများသည် စဉ်းစားတွေးထင်ရန်မဖြစ်နိုင်လောက်သည့်  ဒုက္ခသုက္ခများကို ရင်ဆိုင်အံတုခဲ့ကြပြီး  စစ်အာဏာရှင်အဖွဲ့အစည်းကို ဆန့်ကျင်ရာတွင် ထူးချွန်ပြောင်မြောက်သည့် သူရသတ္တိနှင့် ကြံ့ကြံ့ခံနိုင်စွမ်းတို့ကို ပြသခဲ့ကြပါသည်။  အမေရိကန်ပြည်ထောင်စုသည် မြန်မာပြည်သူတို့နှင့်အတူတကွ ဆက်လက် ရပ်တည်သွားမည်ဖြစ်ပြီး  အာဏာသိမ်းမှုနှင့် စစ်အာဏာရှင်အဖွဲ့ကျူးလွန်ခဲ့သည့် အကြမ်းဖက်မှုများနှင့် ဆက်စပ်ပြီး တာဝန်ယူမှု တာဝန်ခံမှုရှိစေရန်အတွက် ဆက််လက်ဆောင်ရွက်သွားမည် ဖြစ်ပါသည်။  မြန်မာနိုင်ငံတွင် အားလုံးပါဝင်နိုင်သည့် …

အောက်ဖော်ပြပါ ကြေညာချက်သည် ဥရောပသမဂ္ဂကိုယ်စား အဆင့်မြင့်ကိုယ်စားလှယ်နှင့် အဲလ်ဘေးနီးယား၊ သြစတေးလျ၊ ဘော့စနီးယား နှင့် ဟာဇီဂိုးဗီးနား၊ ကနေဒါ၊ ဂျော်ဂျီယာ၊ အိုက်စ်လန်၊ လက်ချင်စတိန်း၊ မာရှယ်အိုင်လန်၊ မက်ခရိုနီးရှား၊ မွန်တီနီဂရိုး၊ နယူးဇီလန်၊ မက်ဆီဒိုးနီးယား (မြောက်)၊ နော်ဝေး၊ ပလောင်း၊ ကိုရီးယား၊ ဆားဘီးယား၊ ဆွစ်ဇာလန်၊ ယူကရိန်း၊ ယူနိုက်တက်ကင်းဒမ်းနှင့် အမေရိကန် နိုင်ငံခြားရေးဝန်ကြီးများက မြန်မာနိုင်ငံ တပ်မတော်နေ့ အတွက် ပူးတွဲကြေညာချက်ဖြစ်ပါသည်။ ယနေ့ကျရောက်သည့် တပ်မတော်နေ့တွင် ယခင်နှစ် ယခုလိုနေ့တွင် အနည်းဆုံး လူ ၁၀၀ ခန့် သတ်ဖြတ်ခံခဲ့ရခြင်းအပါအဝင် ကုန်လွန်ခဲ့သည့် တစ်နှစ်တာကာလအတွင်း သတ်ဖြတ်ခံရသောသူများနှင့် အကြမ်းဖက်မှုများကြောင့် နေရပ်စွန့်ခွာထွက်ပြေးရသူများကို မိမိတို့ အမှတ်ရမိပါသည်။ အချို့သောနိုင်ငံများသည် မြန်မာစစ်အာဏာရှင်အဖွဲ့က ၄င်းတို့၏ အကြမ်းဖက်မှုများနှင့် ဖိနှိပ်ညှင်းပန်းမှုများကို ဆက်လက်ဆောင်ရွက်နိုင်စေမည့် သေစေနိုင်လောက်သည့် …

သတင်းထုတ်ပြန်ချက် အမေရိကန်နိုင်ငံခြားရေးဝန်ကြီး အန်တိုနီ ဘလင်ကန် ၂၀၂၂ မတ် ၂၅ ရက် အမေရိကန်ပြည်ထောင်စုနှင့် မဟာမိတ်များမှ မြန်မာစစ်အာဏာရှင်အဖွဲ့ကို ထပ်တိုး ဒဏ်ခတ်ပိတ်ဆို့အရေးယူမှုများပြုလုပ် ၂၀၂၁ တပ်မတော်နေ့တွင် လူပေါင်း ၁၀၀ ကျော် သေဆုံးခဲ့သည့် မြန်မာ့တပ်မတော်၏ ဆိုးဝါးသောအကြမ်းဖက်လုပ်ရပ် တစ်နှစ်ပြည့်ခါနီးအချိန်တွင် မြန်မာပြည်သူများကို ရက်စက်ကြမ်းကြုတ်စွာ ဖြိုခွင်းခဲ့သည့် စစ်အာဏာရှင်အဖွဲ့ကို တုံ့ပြန်သည့်အနေဖြင့် အမေရိကန်ပြည်ထောင်စုမှ မြန်မာနိုင်ငံသား ငါးဦးနှင့် လုပ်ငန်း/အဖွဲ့အစည်း ငါးခုကို ဒဏ်ခတ်ပိတ်ဆို့အရေးယူလိုက်ပါသည်။ ၂၀၂၁ ဖေဖော်ဝါရီ အာဏာသိမ်းယူပြီးသည်မှ စ၍ စစ်အာဏာရှင်အဖွဲ့သည် အကြမ်းဖက်ဖြိုခွင်းမှုများကို အရှိန်ဟုန်မြှင့်ဆောင်ရွက်လာခဲ့ပြီး အမျိုးသမီးများ၊ ကလေးငယ်များနှင့် လူသားချင်းစာနာထောက်ထားမှုအကူအညီပေးအပ်သည့် ဝန်ထမ်းများအပါအဝင် လူပေါင်း ၁,၇၀၀ကျော်ကို သတ်ဖြတ်ခဲ့ပါသည်။ စစ်အာဏာရှင်အဖွဲ့၏ လုံခြုံရေးတပ်ဖွဲ့များသည် လူပေါင်း ၁၃,၀၀၀ ကျော်ကို ဖမ်းဆီးခြင်း၊ ဒေါ်အောင်ဆန်းစုကြည်နှင့် ယခင်အစိုးရအဖွဲ့မှ …

အမေရိကန်ဘဏ္ဍာရေးဝန်ကြီးဌာနထုတ်ပြန်ချက် မြန်မာစစ်တပ်နှင့်ဆက်နွှယ်သည့် အုပ်ချုပ်ရေးအဖွဲ့၊ တာဝန်ရှိသူများနှင့် မိသားစုဝင်များအား ဘဏ္ဍာရေးဝန်ကြီးဌာနက ဒဏ်ခတ်ပိတ်ဆို့အရေးယူမှုပြုလုပ်ခြင်း မေ ၁၇၊ ၂၀၂၁ ဝါရှင်တန် – အမေရိကန်ပြည်ထောင်စု ဘဏ္ဍာရေးဝန်ကြီးဌာန၏ နိုင်ငံရပ်ခြားပိုင်ဆိုင်မှုများထိန်းချုပ်ရေးဌာန (အိုအက်ဖ်အေစီ) သည် မြန်မာစစ်အာဏာရှင်နှင့်ဆက်နွှယ်သည့် လူပုဂ္ဂိုလ် ၁၆ ဦးနှင့် အဖွဲ့အစည်းတစ်ခုအား ယနေ့ ဒဏ်ခတ်ပိတ်ဆို့အရေးယူလိုက်သည်။   ယနေ့ ဒဏ်ခတ်ပိတ်ဆို့အရေးယူလိုက်သည့် လူပုဂ္ဂိုလ်များအနက် ၁၃ ဦးသည် နိုင်ငံအတွင်းရှိ ဒီမိုကရေစီအရေး လှုပ်ရှားဆောင်ရွက်မှုကို ကြမ်းတမ်းစွာဖိနှိပ်ခဲ့သည့် မြန်မာစစ်အာဏာရှင်အဖွဲ့ဝင်များဖြစ်ပြီး  ကလေးသူငယ်များအား သတ်ဖြတ်ခြင်းအပါအဝင် မြန်မာပြည်သူများအပေါ် လုပ်ဆောင်နေဆဲဖြစ်သည့် အကြမ်းဖက်မှုနှင့် သေစေနိုင်သည်အထိ တိုက်ခိုက်မှုများအတွက် တာဝန်ရှိသူများဖြစ်သည်။  အခြားလူပုဂ္ဂိုလ် သုံးဦးမှာ ယခင်က သတ်မှတ်အရေးယူထားသည့် မြန်မာစစ်တပ်အဆင့်မြင့်အရာရှိများ၏ အရွယ်ရောက်ပြီးသော သားသမီးများ ဖြစ်သည်။  အဖွဲ့အစည်းမှာ နိုင်ငံတော်စီမံအုပ်ချုပ်ရေးကောင်စီ (နကစ) ဖြစ်ပြီး ဒီမိုကရေစီနည်းကျ …

ဧပြီ ၉၊ ၂၀၂၁ လွန်ခဲ့သည့် နှစ်လ၊ ဖေဖော်၀ါရီလ (၉) ရက် နေ့ က မ မြသွဲ့ သွဲ့ ခိုင် သည် နေပြည်တော်တွင် ဆန္ဒပြမှု အတွင်း ဘတ်စ်ကားမှတ်တိုင်တွင် အကာအကွယ်ယူနေစဉ် အပစ်ခံခဲ့ရသည်။ သူမ သည် (၁၉) နှစ်သာ ရှိသေးသည်။ ထိုစဉ် က စ ၍ မြန်မာနိုင်ငံတွင် အရပ်သားများ ၆၀၀ ကျော် သတ်ဖြတ်ခံခဲ့ကြရ သည်—အများအပြား မှာ ခက်ခက်ခဲခဲ ရရှိထားသည့် ဒီမိုကရက်တစ် အခွင့်အရေးများ နှင့် လွတ်လပ်မှု များ အတွက် ဆန္ဒပြရင်း အသတ်ခံခဲ့ရခြင်း ဖြစ်သည်။ ကလေးငယ် များလည်း အသတ်ခံခဲ့ကြရသည်။ လွတ်လပ်မှု နှင့် ဒီမိုကရေစီ အတွက် …

ထုတ်ပြန်ချက်သဝဏ်လွှာ အမေရိကန်နိုင်ငံခြားရေးဝန်ကြီး အန်တိုနီ ဂျေ ဘလင်ကင် ဧပြီ ၈၊ ၂၀၂၁ မြန်မာနှစ်သစ်ကူး သင်္ကြန်အခါသမယတွင် မြန်မာပြည်သူများကောင်းခြင်းမင်္ဂလာများနှင့်ပြည့်စုံပါစေကြောင်း၊ မြန်မာပြည်သူများအတွက်လှိုက်လှိုက်လှဲလှဲအလေးထားပူပန်ရသည့်အကြောင်း အမေရိကန်ပြည်ထောင်စုကိုယ်စား မိမိပြောကြားလိုပါသည်။ သင်္ကြန်ဆိုသည်မှာ အဟောင်းတို့ကိုဆေးကြော၍ အသစ်တို့တဖန် ပြန်လည်စတင်မွေးဖွားသော အခါသမယဖြစ်သည်။ မြန်မာပြည်သူများအတွက် အဓွန့်ရှည်တည်တံ့သော ကောင်းခြင်းမင်္ဂလာများနှင့် ငြိမ်းချမ်းမှုများ နှစ်သစ်တွင်ဆောင်ကြဉ်းပေးလာပါစေကြောင်း ယခုကဲ့သို့ အခက်အခဲကာလတွင် အမေရိကန်ပြည်ထောင်စုက ရိုးသားစွာမျှော်လင့်ပါသည်။ စစ်တပ်အာဏာသိမ်းပြီးချိန်ကစ၍ မြန်မာပြည်သူတို့ တစိုက်မတ်မတ် ပြသလာနေခဲ့သော ရဲရင့်မှုတို့အတွက် မိမိတို့ချီးကျူးပါသည်။ မြန်မာပြည်သူများသည် စစ်အာဏာရှင်၏ ထိတ်လန့်ကြောက်ရွံ့ဖွယ်အကြမ်းဖက်မှုနှင့်ဖိနှိပ်မှုတို့ကိုရင်ဆိုင်၍ ၎င်းတို့၏အသံကို ကမ္ဘာကကြားသိအောင်ဖော်ပြခဲ့ကြသည်။ ဤအခက်အခဲအကြပ်အတည်းကို ကျော်ဖြတ်နိုင်ရေး၊ မြန်မာနိုင်ငံဒီမိုကရေစီလမ်းကြောင်းပေါ်ပြန်လည်ရောက်ရှိရေးနှင့် ရေရှည်တည်တံ့သော ငြိမ်းချမ်းမှုအောင်မြင်ရေးတို့အတွက်ဆောင်ရွက်နေကြသော မြန်မာပြည်သူများအတွက် အမေရိကန်ပြည်ထောင်စုက ဆက်လက်၍ အခိုင်အမာထောက်ခံအားပေးနေမည်ဖြစ်ပါသည်။ ယခုကဲ့သို့အခက်အခဲကာလတွင် မြန်မာပြည်သူအားလုံးအတွက် မိမိတို့၏နွေးထွေးသောမေတ္တာကို အလေးထားပို့သလိုက်ပါသည်။

အာဏာသိမ်းမှုနှင့်ပြည်သူများအပေါ် အကြမ်းဖက်မှုများကြောင့် အမေရိကန်ကုန်သွယ်ရေးဌာနက မြန်မာနိုင်ငံနှင့်ကုန်သွယ်ရေးဆောင်ရွက်မှုဆိုင်းငံ့ မတ် ၂၉၊ ၂၀၂၁ ဝါရှင်တန် – ၂၀၁၃ ခုနှစ် ကုန်သွယ်မှုနှင့်ရင်းနှီးမြှုပ်နှံမှုဆိုင်ရာ မူဘောင်သဘောတူစာချုပ်အရ ဆောင်ရွက်နေသော မြန်မာနိုင်ငံနှင့် အမေရိကန်ပြည်ထောင်စုအကြား ချိတ်ဆက်ဆောင်ရွက်မှုအားလုံး ချက်ချင်း ရပ်ဆိုင်းလိုက်ကြောင်း  အမေရိကန်ကုန်သွယ်ရေးကိုယ်စားလှယ် ကက်သရင်းတိုင် က ယနေ့ ကြေညာလိုက်သည်။ ယခုရပ်ဆိုင်းမှုသည် ဒီမိုကရေစီနည်းကျ ရွေးကောက်တင်မြှောက်ထားသော အစိုးရ အာဏာပြန်လည်မရမချင်း သက်ရောက်နေမည် ဖြစ်သည်။ “မြန်မာနိုင်ငံရဲ့ စီးပွားရေး တိုးတက်မှုနဲ့ ပြုပြင်ပြောင်းလဲမှုရဲ့ အခြေခံအုတ်မြစ်ဖြစ်တဲ့ ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရ ပြန်လည်ရရှိရေး မြန်မာပြည်သူတွေရဲ့ အားထုတ်ကြိုးပမ်းမှုကို အမေရိကန်ပြည်ထောင်စုက ထောက်ခံအားပေးပါတယ်” ဟု သံအမတ် ကက်သရင်းတိုင် က ပြောကြားသည်။ “ပြည်သူတွေအပေါ် မြန်မာ့လုံခြုံရေး တပ်ဖွဲ့တွေရဲ့ ရက်ရက်စက်စက် အကြမ်းဖက်မှုကို အမေရိကန်ပြည်ထောင်စုက …

မြန်မာနိုင်ငံရှိ စစ်တပ်ထိန်းချုပ်ပိုင်ဆိုင်ထားသည့် ကုမ္ပဏီများကို ဘဏ္ဍာရေးဝန်ကြီးဌာနက ဒဏ်ခတ်ပိတ်ဆို့ခြင်း မတ် ၂၅၊ ၂၀၂၁ ဝါရှင်တန် – အမေရိကန်ဘဏ္ဍာရေးဝန်ကြီးဌာန၏ နိုင်ငံရပ်ခြားပိုင်ဆိုင်မှုများထိန်းချုပ်ရေးဌာန (အိုအက်ဖ်အေစီ) ရုံးသည် စစ်တပ်မှ ချုပ်ကိုင်ထားသည့် ကုမ္ပဏီနှစ်ခုဖြစ်သည့် မြန်မာစီးပွားရေးဦးပိုင်လီမိတက်နှင့် မြန်မာ့စီးပွားရေးကော်ပိုရေးရှင်းတို့ကို ဒဏ်ခတ်ပိတ်ဆို့မှုစာရင်း၌ ယနေ့ ထည့်သွင်းအရေးယူလိုက်သည်။ မြန်မာစစ်တပ်သည် မြန်မာနိုင်ငံ၏ စီးပွားရေးအတွင်း အထူးအခွင့်အရေးရှိသည့် နေရာကို ခံစားရရှိထားသည့် အဆိုပါ ဦးဆောင်ကုမ္ပဏီများကတဆင့် နိုင်ငံ့စီးပွားရေး၏ အရေးပါသော အစိတ်အပိုင်းများကို ထိန်းချုပ်ထားသည်။ ဤကုမ္ပဏီများသည် ကုန်သွယ်ရေး၊ သဘာဝသယံဇာတများ၊ အဖျော်ယမကာ၊ စီးကရက်နှင့် စားသုံးကုန်ပစ္စည်းများ အပါအဝင် စီးပွားရေး၏ အချို့သောလုပ်ငန်းကဏ္ဍများကို လွှမ်းမိုးကြီးစိုးထားသည်။ ဤဒဏ်ခတ်ပိတ်ဆို့ အရေးယူမှုများသည် အထူးသဖြင့် မြန်မာနိုင်ငံ၏ ဒီမိုကရေစီနည်းကျရွေးကောက်တင်မြှောက်ထားသည့် အစိုးရအား ဖြုတ်ချမှုနှင့် မြန်မာပြည်သူလူထုအပေါ် ဆက်လက် နှိပ်ကွပ်နေမှုအတွက် တာဝန်ရှိသည့် …

စစ်အာဏာရှင်နှင့်ဆက်နွှယ်သော မြန်မာအဖွဲ့အစည်းနှစ်ခုကို ဒဏ်ခတ်ပိတ်ဆို့အရေးယူခြင်း   သတင်းထုတ်ပြန်ချက် အန်တိုနီ ဂျေ ဘလင်ကင်၊ နိုင်ငံခြားရေးဝန်ကြီး မတ် ၂၅၊ ၂၀၂၁ မြန်မာစစ်တပ်အဖွဲ့ဝင်များသည် ဖေဖော်ဝါရီ ၁ ရက်ကစတင်၍ ၎င်းတို့၏ပြည်သူလူထုအပေါ်ရည်ရွယ်ကာ စိုးရိမ်ထိတ်လန့်ဖွယ်လုပ်ရပ်များကို တိုးမြှင့်လုပ်ဆောင်လာနေခဲ့သည်။ စစ်တပ်ကအာဏာသိမ်းမှုကိုတင်းခံနေပြီး ငြိမ်းချမ်းစွာဆန္ဒပြနေသူများအား အကြမ်းဖက်ဆက်လက်နှိပ်ကွပ်နေသည်ကိုတုံ့ပြန်သည့်အနေဖြင့် အမေရိကန် ပြည်ထောင်စုသည် စစ်အာဏာရှင်များအပေါ်ယနေ့အထိ သိသာထင်ရှားသော ဒဏ်ခတ်ပိတ်ဆို့ အရေးယူများ ပြုလုပ်လာနေခဲ့သည်။  အမေရိကန်ပြည်ထောင်စုသည် စစ်အာဏာသိမ်းခေါင်းဆောင်များနှင့်ပတ်သက်ဆက်နွှယ်နေသော အဖွဲ့အစည်း နှစ်ခုဖြစ်သည့် မြန်မာစီးပွားရေးဦးပိုင်လီမိတက် (MEHL) နှင့် မြန်မာ့စီးပွားရေးကော်ပိုရေးရှင်း (MEC) တို့ကို ဒဏ်ခတ်ပိတ်ဆို့သည့်စာရင်းအတွင်း ထည့်သွင်း၍ထပ်မံအရေးယူလိုက်သည်။ မြန်မာစီးပွားရေးဦးပိုင် လီမိတက် နှင့် မြန်မာ့စီးပွားရေးကော်ပိုရေးရှင်းတို့သည် မြန်မာနိုင်ငံအတွင်း စစ်တပ်ပိုင်အကြီးဆုံးကုမ္ပဏီများဖြစ်ကြပြီး ၎င်းတို့၏အစုရှယ်ယာအားလုံးသည် လက်ရှိတပ်မတော်အရာရှိများနှင့် ယခင်တပ်မတော် အရာရှိဟောင်းများ၊ တပ်မတော်တပ်ရင်းကြီးများနှင့် ဌာနစိတ်များ၊ ယခင်တာဝန်ထမ်းဆောင်ခဲ့ဖူးသူများက ဦးဆောင်သည့် …

အမေရိကန်ဘဏ္ဍာရေးဝန်ကြီးဌာန သတင်းထုတ်ပြန်ချက် ဒီမိုကရေစီအရေး ဆန္ဒပြမှုများကို ဖိနှိပ်ချေမှုန်းမှုများအတွက် မြန်မာနိုင်ငံ စစ်တပ်တပ်ဖွဲ့များကို အမေရိကန်က ပစ်မှတ်ထားအရေးယူ   မတ် ၂၂၊ ၂၀၂၁ ဝါရှင်တန် – အမေရိကန်ဘဏ္ဍာရေးဝန်ကြီးဌာန နိုင်ငံရပ်ခြား ပိုင်ဆိုင်မှုများ ထိန်းချုပ်ရေးဌာန (OFAC) သည် မြန်မာ့စစ်တပ်၊ ဒီမိုကရေစီအရေးဆန္ဒပြမှုများအပေါ်အကြမ်းဖက် ဖိနှိပ်ချေမှုန်းမှုများနှင့် ပတ်သက်ဆက်နွယ်နေသော လူပုဂ္ဂိုလ်နှစ်ဦးနှင့် အဖွဲ့အစည်း နှစ်ခုတို့ကို ယနေ့ ဒဏ်ခတ်ပိတ်ဆို့ အရေးယူခဲ့ပါသည်။ ငြိမ်းချမ်းစွာ ဆန္ဒပြသူများနှင့် အရပ်ဘက်လူမှုအဖွဲ့အစည်းများအပေါ် မြန်မာစစ်တပ်၏ ဆက်လက် အကြမ်းဖက် ခြိမ်းခြောက်မှုများကို တုံ့ပြန်သည့် အနေဖြင့် ယခုကဲ့သို့ အရေးယူမှုများကို ဘဏ္ဍာရေးဝန်ကြီးဌာနက ဆောင်ရွက်ခြင်း ဖြစ်ပါသည်။ “ငြိမ်းချမ်းစွာ ဆန္ဒပြသူတွေအပေါ် မြန်မာနိုင်ငံ လုံခြုံရေးတပ်ဖွဲ့များရဲ့ သေစေလောက်တဲ့ အကြမ်းဖက်မှု အဆုံးသတ်ရပါမယ်။ မြန်မာစစ်တပ်နဲ့ ရဲတွေရဲ့ လုပ်ရပ်တွေအတွက် …

မြန်မာနိုင်ငံအတွင်းအရှိန်မြင့်တက်လာသည့် အကြမ်းဖက်မှုကိုတုံ့ပြန်သည့်အနေဖြင့် တာဝန်ရှိသူများနှင့် စစ်တပ်တပ်မများကို ဒဏ်ခတ်ပိတ်ဆို့မှုစာရင်းတွင်ထည့်သွင်းအရေးယူ   သတင်းထုတ်ပြန်ချက် အန်တိုနီ ဂျေ ဘလင်ကင်၊ နိုင်ငံခြားရေးဝန်ကြီး မတ် ၂၂၊ ၂၀၂၁ ယခင်လက စစ်တပ်အာဏာသိမ်းပြီးချိန်မှစ၍ မြန်မာပြည်သူများသည် ၎င်းတို့၏ဆန္ဒလိုလားမှုဖြစ်သော ဒီမိုကရက်တစ်အစိုးရ၊ ငြိမ်းချမ်းရေးနှင့်တရားဥပဒေပြန်လည်စိုးမိုးရေးတို့အတွက် ဆန္ဒထုတ်‌ဖော်လာခဲ့ကြသည်။ အမေရိကန်ပြည်ထောင်စုကလည်း ၎င်း၏မဟာမိတ်များ၊ မိတ်ဖက်နိုင်ငံများနှင့်အတူ မြန်မာပြည်သူများဘက်ကရပ်တည်သည်။ ယင်းဆန္ဒပြမှုများကို တုံ့ပြန်သည့်အနေဖြင့် စစ်အာဏာရှင်တို့သည် ဆက်လက်၍အကြမ်းဖက်နှိမ်နှင်းခဲ့ရာ ယနေ့အချိန်အထိ ငြိမ်းချမ်းစွာဆန္ဒပြသူများအပါအဝင် လူပေါင်း ၁၉၄ ဦးထက်မနည်းသေဆုံးခဲ့ရပြီးဖြစ်သည်။ ၎င်းတို့နိုင်ငံ၏အနာဂတ်အတွက် ရိုးရှင်းစွာတောင်းဆိုနေကြသည့် ငြိမ်းချမ်းစွာဆန္ဒပြသူများကို ရက်ရက်စက်စက်နှိမ်နှင်း၍ သတ်ဖြတ်ခြင်းဖြင့် စစ်အာဏာရှင်က   ဒီမိုကရက်တစ်ရွေးကောက်ပွဲတစ်ခု၏ ရလဒ်ကို ပြောင်းပြန်လှန်ရန် ဆက်လက်ကြိုးပမ်း အားထုတ်နေခြင်းဖြစ်သည်။  ယင်းသို့ကြိုးပမ်းအားထုတ်မှုကို တုံ့ပြန်သည့်အနေဖြင့် အမေရိကန်ပြည်ထောင်စုသည် မြန်မာနိုင်ငံ၏ ရဲချုပ်သန်းလှိုင်နှင့် စစ်ဆင်ရေးအထူးအဖွဲ့မှူး ဒုတိယဗိုလ်ချုပ်ကြီးအောင်စိုးတို့ကို သမ္မတအမိန့်အမှတ် ၁၄၀၁၄ …

အမိမြေလုံခြုံရေးဌာနဝန်ကြီး မာယိုကတ်စ်မှ မြန်မာနိုင်ငံကို ယာယီထိန်းသိမ်းစောင့်ရှောက်ခံ အခြေအနေအဖြစ် သတ်မှတ်   အမိမြေလုံခြုံရေးဌာန ထုတ်ပြန်သည့် ရက်စွဲ – မတ်လ ၁၂ရက်၊ ၂၀၂၁ ဝါရှင်တန် — အမိမြေလုံခြုံရေးဌာနဝန်ကြီး အာလေဟန်ဒရို အန် မာယိုကတ်စ်သည် မြန်မာနိုင်ငံကို ယာယီထိန်းသိမ်းစောင့်ရှောက်ခံ အခြေအနေ (TPS) အဖြစ် ၁၈လကြာ သတ်မှတ်လိုက်ပါသည်။ မြန်မာနိုင်ငံအတွက် ဤ TPS သတ်မှတ်ချက်အသစ်အရ အမေရိကန်ပြည်ထောင်စုတွင် လက်ရှိ နေထိုင်လျက်ရှိသော မြန်မာနိုင်ငံသားများအနေဖြင့် သတ်မှတ်ထားသည့်အချက်များနှင့် ကိုက်ညီပါက TPS အစီအစဉ်အတွက် ကနဦးလျှောက်လွှာများကို တင်သွင်းနိုင်ကြမည်ဖြစ်သည်။ “စစ်အာဏာသိမ်းမှုနဲ့ လုံခြုံရေးတပ်ဖွဲ့တွေရဲ့ အရပ်သားတွေအပေါ် ရက်စက်ကြမ်းကြုတ်မှုတွေကြောင့် မြန်မာနိုင်ငံထဲက နေရာအတော်များများမှာ လူသားချင်းစာနာထောက်ထားမှုတွေ အရေးတကြီးလိုအပ်နေတဲ့အထိ အခြေအနေတွေ ရှုပ်ထွေးဆိုးရွားလာတာကိုပြည်သူတွေဟာ ခါးစည်းခံနေကြရပါတယ်” လို့ ဝန်ကြီး မာယိုကတ်စ်က  ပြောပါတယ်။ …

မြန်မာနိုင်ငံ အာဏာသိမ်းခေါင်းဆောင်များနှင့်ဆက်စပ်၍ အကျိုးခံစားနေသော မိသားစုဝင်များကို အမေရိကန်ပြည်ထောင်စုက ပစ်မှတ်ထားအရေးယူခြင်း မတ် ၁၀၊ ၂၀၂၁ ဝါရှင်တန် –  မြန်မာနိုင်ငံ၏ ဒီမိုကရေစီနည်းကျကျ ရွေးကောက်တင်မြှောက်ထားသော အစိုးရအား ဖြုတ်ချရာတွင် ဦးဆောင်သည့် မြန်မာနိုင်ငံ တပ်မတော်ကာကွယ်ရေး ဦးစီးချုပ် မင်းအောင်လှိုင်၏ အရွယ်ရောက်ပြီး သားသမီးနှစ်ဦးနှင့် ထိုသားသမီးနှစ်ဦး၏ ကုမ္ပဏီခြောက်ခုကို အမေရိကန်ဘဏ္ဍာရေး ဝန်ကြီးဌာန နိုင်ငံရပ်ခြားပိုင်ဆိုင်မှုများထိန်းချုပ်ရေးဌာနက ယနေ့ အရေးယူ ဒဏ်ခတ်ပိတ်ဆို့မှု ပြုလုပ်ခဲ့ပါသည်။ မြန်မာနိုင်ငံ၏ ဒီမိုကရေစီနည်းကျကျ ရွေးကောက်တင်မြှောက်ထားသော အရပ်သား အစိုးရကို ဖြုတ်ချ၍ မြန်မာစစ်တပ်က အာဏာသိမ်းမှုနှင့် ငြိမ်းချမ်းစွာ ဆန္ဒပြနေသော ပြည်သူများအပေါ် ရက်စက်စွာ သတ်ဖြတ်ခြင်းအား တုံ့ပြန်သည့်အနေဖြင့် ဘဏ္ဍာရေးဝန်ကြီးဌာနက ဤအရေးယူမှုကို ပြုလုပ်ခြင်းဖြစ်ပါသည်။ အမေရိကန် ပြည်ထောင်စုသည် မြန်မာပြည်သူများနှင့်အတူ တစ်သားတည်းရပ်တည်နေပါသည်။ အာဏာသိမ်းခြင်းနှင့် အကြမ်းဖက်မှုများ …

သတင်းထုတ်ပြန်ချက် နိုင်ငံခြားရေးဝန်ကြီးအန်တိုနီဘလင်ကင် မတ် ၁၀၊ ၂၀၂၁ မြန်မာပြည်သူများသည် ဒီမိုကရေစီ ပြန်လည်ရရှိရေးနှင့် တရားဥပဒေ စိုးမိုးရေးအတွက် ၎င်းတို့၏ ပြင်းပြသောဆန္ဒတို့ကို ထုတ်ဖော်ရန် လမ်းများပေါ်သို့ ထွက်၍ ရက်သတ္တပတ် ငါးပတ်ကြာ ငြိမ်းချမ်းစွာ ဆန္ဒပြနေခဲ့ကြပါသည်။ ယင်းကိုတုံ့ပြန်သည့်အနေဖြင့် မြန်မာလုံခြုံရေး တပ်ဖွဲ့များသည် စစ်ခေါင်းဆောင်များ၏အမိန့်အရ လက်နက်မဲ့ ဆန္ဒပြသူများကို ရက်ရက်စက်ဖြင် သေလောက်စွာ တိုက်ခိုက်ခဲ့ကြပြီး အာဏာသိမ်းချိန်မှစ၍ အနည်းဆုံး ၅၃ ဦး သေဆုံးစေခဲ့ပြီးဖြစ်သည်။ ဤသို့ ကြောက်မက်ဖွယ် တိုက်ခိုက်မှုများကို မိမိတို့ ရှုတ်ချပါသည်။ နိုင်ငံရေးခေါင်းဆောင်များ၊ ဆရာဝန်များ၊ လူ့အခွင့်အရေး ခုခံကာကွယ်သူများ၊ သတင်းထောက်များ၊ ပြည်ထောင်စုခေါင်းဆောင်များနှင့် မိမိတို့၏ အခွင့်အရေးကို ကျင့်သုံးသော သာမန်ပြည်သူ ၁၇၀၀ ကျော်တို့အား ဖမ်းဆီးခြင်းနှင့် ထိန်းသိမ်းထားခြင်းကို မိမိတို့ ရှုတ်ချပါသည်။ ၎င်း၏ …

မတ် ၁၀၊ ၂၀၂၁ ဝါရှင်တန် –  မြန်မာနိုင်ငံ၏ ဒီမိုကရေစီနည်းကျကျ ရွေးကောက်တင်မြှောက်ထားသော အစိုးရအား ဖြုတ်ချရာတွင် ဦးဆောင်သည့် မြန်မာနိုင်ငံ တပ်မတော်ကာကွယ်ရေး ဦးစီးချုပ် မင်းအောင်လှိုင်၏ အရွယ်ရောက်ပြီး သားသမီးနှစ်ဦးနှင့် ထိုသားသမီးနှစ်ဦး၏ ကုမ္ပဏီခြောက်ခုကို အမေရိကန်ဘဏ္ဍာရေး ဝန်ကြီးဌာန နိုင်ငံရပ်ခြားပိုင်ဆိုင်မှုများထိန်းချုပ်ရေးဌာနက ယနေ့ အရေးယူ ဒဏ်ခတ်ပိတ်ဆို့မှု ပြုလုပ်ခဲ့ပါသည်။ မြန်မာနိုင်ငံ၏ ဒီမိုကရေစီနည်းကျကျ ရွေးကောက်တင်မြှောက်ထားသော အရပ်သား အစိုးရကို ဖြုတ်ချ၍ မြန်မာစစ်တပ်က အာဏာသိမ်းမှုနှင့် ငြိမ်းချမ်းစွာ ဆန္ဒပြနေသော ပြည်သူများအပေါ် ရက်စက်စွာ သတ်ဖြတ်ခြင်းအား တုံ့ပြန်သည့်အနေဖြင့် ဘဏ္ဍာရေးဝန်ကြီးဌာနက ဤအရေးယူမှုကို ပြုလုပ်ခြင်းဖြစ်ပါသည်။ အမေရိကန် ပြည်ထောင်စုသည် မြန်မာပြည်သူများနှင့်အတူ တစ်သားတည်းရပ်တည်နေပါသည်။ အာဏာသိမ်းခြင်းနှင့် အကြမ်းဖက်မှုများ လုပ်ဆောင်မှုအတွက် တာဝန်ရှိသူများကို တာဝန်ယူမှုတာဝန်ခံခံမှုရှိစေရေး တိုးမြှင့်လုပ်ဆောင်ရန် မိမိတို့ဆက်လက် ဆောင်ရွက်နေပါသည်။ …

မတ် ၅၊ ၂၀၂၁ သံအမတ်ကြီး သောမတ်စ်ဗိုက်ဒါသည် မြန်မာနိုင်ငံ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း နှင့် မတ်လ ၅ ရက်ကဖုန်းဆက်စကားပြောခဲ့ပြီး လူပေါင်း ၄၉ ဦး အသက်ဆုံးရှုံးခဲ့ရပြီးဖြစ်သည့် ဆန္ဒပြသူများအပေါ် အကြမ်းဖက်နေမှုအား ချက်ချင်းရပ်တန့်ရန် တိုက်တွန်းပြောကြားခဲ့ပါသည်။ ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် ခေါင်းဆောင်များအပါအဝင် ဖမ်းဆီးထားသူအားလုံးကို ချက်ချင်းပြန်လွှတ်ပေးရန်၊ ဆက်သွယ်ရေးစနစ်ဖြတ်တောက်နေမှုရပ်တန့်ရန်နှင့် ဒီမိုကရေစီနည်းကျ ရွေးကောက်တင်မြှောက်ထားသောအစိုးရကို ပြန်လည်အသက်သွင်းရန် တောင်းဆိုခဲ့ပါသည်။ တပ်မတော်၏လုပ်ဆောင်နေမှုကို ပြည်တွင်းနေရာအနှံ့အပြားမှ ကျယ်ကျယ်ပြန့်ပြန့် ဆန့်ကျင်ကန့်ကွက်နေမှုအပြင် အာဏာသိမ်းမှုကြောင့်ကြုံတွေ့ရမည့် စီးပွားရေးထိခိုက်မှုနှင့် နိုင်ငံတကာ၏ဖယ်ကြဉ်မှုအရေးနှင့်ပတ်သက်၍လည်း အထူးအလေးပေးပြောကြားခဲ့ပါသည်။ တပ်မတော်အနေဖြင့် လက်ရှိသွာနေသည့်လမ်းကြောင်းကို နောက်ပြန်လှည်ရန်လည်း သံအမတ်ကြီးက တိုက်တွန်းပြောကြားခဲ့ပါသည်။

သတင်းထုတ်ပြန်ချက် ဖေဖော်ဝါရီ ၂၂၊ ၂၀၂၁ ဝါရှင်တန် ဒီစီ မြန်မာနိုင်ငံအတွင်း စစ်အာဏာသိမ်းမှုအတွက်တာဝန်ရှိသော စစ်တပ်ယန္တရားနှင့်ဆက်နွှယ်သည့် ပုဂ္ဂိုလ်နှစ်ဦးကို အမေရိကန်ဘဏ္ဍာရေးဌာန နိုင်ငံရပ်ခြားပိုင်ဆိုင်မှုထိန်းချုပ်ရေးရုံး (အိုအက်ဖ်အေစီ) က ယနေ့ အရေးယူဒဏ်ခတ်ပိတ်ဆို့မှု ချမှတ်လိုက်ပါသည်။ ငြိမ်းချမ်းစွာဆန္ဒပြနေသူများကို မြန်မာလုံခြုံရေးတပ်ဖွဲ့များက ပစ်ခတ်သတ်ဖြတ်မှုကြောင့် ဘဏ္ဍာရေးဌာနက ဤသို့ ဒဏ်ခတ်အရေးယူလိုက်ခြင်းဖြစ်ပါသည်။ မြန်မာနိုင်ငံအပေါ် အဓိကထားအရေးယူပိတ်ဆို့သည့် ဖေ‌ဖော်ဝါရီ ၁၁ ရက်ကထုတ်ပြန်ခဲ့သော သမ္မတဘိုင်ဒင်၏ အမိန့်အသစ်ဖြစ်သည့် သမ္မတအမိန့်အမှတ် ၁၄၀၁၄ ဖြင့် ဤအရေးယူဒဏ်ခတ်မှုကို ဘဏ္ဍာရေးဌာနက ချမှတ်လိုက်ခြင်းဖြစ်ပါသည်။ ဘဏ္ဍာရေးဌာနသည် လွတ်လပ်မှုနှင့်ဒီမိုကရေစီ ခိုင်မြဲရေးအတွက် လုပ်ဆောင်နေကြသော မြန်မာပြည်သူလူထုနှင့်အတူ ရပ်တည်နေပြီး အာဏာသိမ်းမှုနှင့် ဆက်လက် ကျူးလွန်နေသည့် အကြမ်းဖက်မှုများအတွက် တာဝန်ရှိသူများကို တာဝန်ယူမှု၊ တာဝန်ခံမှုရှိစေရေး တိုးမြှင့်ဆောင်ရွက်ရန် အတွက် ကတိကဝတ်ပြုထားလျက်ရှိပါသည်။ စစ်တပ်အနေဖြင့် မြန်မာနိုင်ငံအတွင်း ၎င်းလုပ်ဆောင်နေသည်များကို …

ဖေဖော်ဝါရီ ၂၃၊  ၂၀၂၁  ငြိမ်းချမ်းစွာဆန္ဒပြခြင်းအပေါ် မြန်မာနိုင်ငံ၏လုံခြုံရေးတပ်ဖွဲ့များက အကြမ်းဖက်မှုကျူးလွန်ခြင်းအား ဂျီ-၇ အဖွဲ့ဝင်နိုင်ငံများဖြစ်သော ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ယူကေနှင့် အမေရိကန်ပြည်ထောင်စုတို့မှ နိုင်ငံခြားရေးဝန်ကြီးများဖြစ်ကြသည့် မိမိတို့နှင့် ဥရောပသမဂ္ဂ အဆင့်မြင့်ကိုယ်စားလှယ်ကြီးက ပြင်းပြင်းထန်ရှုတ်ချပါသည်။ အသက်ဆုံးရှုံးရမှုများတွက် ဝမ်းနည်းစိတ်မကောင်းဖြစ်ရသည့်အကြောင်း ပြောကြားလိုပါသည်။ စစ်တပ်နှင့် ရဲတပ်ဖွဲ့အနေဖြင့် အစွမ်းကုန် ထိန်းထိန်းသိမ်းသိမ်းဆောင်ရွက်ရမည်ဖြစ်ပြီး လူ့အခွင့်အရေးနှင့် နိုင်ငံတကာဥပဒေကိုလည်း လေးစားလိုက်နာရပါမည်။ လက်နက်မဲ့ ပြည်သူများအပေါ် ကျည်ဆံအစစ်အသုံး၍ပစ်ခတ်ခြင်းကို လက်ခံနိုင်စရာအကြောင်းမရှိပါ။ ငြိမ်းချမ်းစွာဆန္ဒပြခြင်းအပေါ် အကြမ်းဖက် တုံ့ပြန်သည့်မည်သူမဆိုယင်းအတွက်တာဝန်ခံရမည်ဖြစ်သည်။ အာဏာသိမ်းခြင်းကိုဆန့်ကျင်သူများအား ခြိမ်းခြောက်ခြင်းနှင့်ဖိနှိပ်ခြင်းကို မိမိတို့ ရှုတ်ချပါသည်။ အင်တာနက်ဖြတ်တောက်ခြင်းနှင့် လွတ်လပ်စွာပြောဆိုခွင့်ကိုဖိနှိပ်သော ဥပဒေများပြောင်းလဲခြင်းအပါအဝင် လွတ်လပ်စွာထုတ်ဖော်ခြင်းကိုဖြိုခွင်းမှုများနှင့်ပတ်သက်၍ မိမိတို့စိုးရိမ်မကင်းဖြစ်ရပါသည်။ ဆန္ဒပြသူများ၊ ဆရာဝန်များ၊ အရပ်ဘက်လူမှုအဖွဲ့အစည်းနှင့် သတင်းသမားများအား စနစ်တကျပစ်မှတ်ထားခြင်းကို ရပ်တန့်ရမည်ဖြစ်ပြီး အရေးပေါ်အခြေအနေကို ပြန်လည်ရုပ်သိမ်းရပါမည်။ အားနည်းထိခိုက်လွယ်ဆုံးပြည်သူများကိုကူညီပံ့ပိုးရန်အတွက် လူသားချင်းစာနာထောက်ထားမှုအကူအညီများ …

သတင်းထုတ်ပြန်ချက်၊ ဖေဖော်ဝါရီ ၁၁၊ ၂၀၂၁ နိုင်ငံခြားရေးဝန်ကြီး အန်တိုနီ ဂျေ ဘလင်ကင် ဖေဖော်ဝါရီလ ၁ ရက်နေ့က မြန်မာနိုင်ငံ၏ အသစ်ရွေးကောက်တင်မြှောက်ခံထားရသော လွှတ်တော်မစတင်မီ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊ သမ္မတဦးဝင်းမြင့်၊ အရပ်ဘက်လူမှုအဖွဲ့အစည်းခေါင်းဆောင်များ၊ သတင်းသမားများနှင့်လူ့အခွင့်အရေးလှုပ်ရှားသူများအပါအဝင် အရပ်သားအစိုးရခေါင်းဆောင်များစွာကို တပ်မတော်ကဖမ်းဆီးထိန်းသိမ်းခဲ့သည်။ ဤသည်မှာအာဏာသိမ်းမှုတစ်ရပ်ဖြစ်ကြောင်း မိမိတို့ရှင်းရှင်းလင်းလင်းသိပြီးဖြစ်သည့်အတိုင်း မိမိတို့အနေဖြင့် ဒီအတိုင်းထိုင်ကြည့်နေမည်မဟုတ်ပါ။ ဤအာဏာသိမ်းမှုသည် နိုဝင်ဘာ ၂၀၂၀ ရွေးကောက်ပွဲအတွင်း ပြသခဲ့ကြသည့် မြန်မာနိုင်ငံသားတို့၏ဆန္ဒကိုငြင်းပယ်ရန်ကြိုးပမ်းခြင်းဖြစ်သည်။ ဖေဖော်ဝါရီ ၁ ရက်မှစတင်၍ မြန်မာနိုင်ငံသားများသည် ငြိမ်းချမ်းစွာဆန္ဒပြခြင်း၊ လုပ်ငန်းခွင်မသွားဘဲသပိတ်မှောက်ခြင်းတို့ဖြင့် ၎င်းတို့၏ ဒီမိုကရေစီအတွက်ထားရှိသော သန္နိဋ္ဌာန်ကို ပြသနေခဲ့ကြသည်။ အမေရိကန်ပြည်ထောင်စုကလည်း ၎င်းတို့နှင့်အတူရပ်တည်ပါသည်။ အဆိုပါအာဏာသိမ်းမှုကိုဦးဆောင်ခဲ့သော လက်ရှိတပ်မတော်အရာရှိများနှင့် ယခင်တပ်မတော်အရာရှိ ခြောက်ဦးတို့ကိုဒဏ်ခတ်ပိတ်ဆို့ရန်ထုတ်ပြန်သတ်မှတ်ခြင်းဖြင့် အမေရိကန်ပြည်ထောင်က ယနေ့တုံ့ပြန်လိုက်သည်။ ယင်းအပြင် အသစ်ဖွဲ့စည်းလိုက်သော နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်လေးဦးနှင့် တပ်မတော်ကထိန်းချုပ်သော သို့မဟုတ် ပိုင်ဆိုင်သော …

လေးစားအပ်ပါသော ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဆရာကြီး ဒေါက်တာမြင့်ထွေး။ ယခုနှစ်မှာတော့ ကမ္ဘာလုံးဆိုင်ရာ ကပ်ရောဂါကြီးကြောင့် နေ့စဥ်ဘဝတွေမှာ ကျန်းမာရေးနဲ့ မိသားစုများအဆင်ပြေစေရေးဟာ ရှေ့တန်းကိုရောက်လာတဲ့ မတူကွဲပြားတဲ့အခြေအနေတစ်ရပ်မှာ ကမ္ဘာ့ခုခံအားကျဆင်းမှုကူးစက်ရောဂါ တိုက်ဖျက်ရေးနေ့ကို ကျင်းပပြုလုပ်ရတာဖြစ်ပါတယ်။ အမေရိကန်ပြည်ထောင်စုအနေနဲ့ မြန်မာနိုင်ငံနဲ့အတူ လက်တွဲပြီး ယနေ့မှာ ကိုဗစ်–၁၉ တုံ့ပြန်ဆောင်ရွက်မှုများကို ဆောင်ရွက်နေသလို အိပ်ချ်အိုင်ဗီ/အေအိုင်ဒီအက်စ်ရောဂါ ကာကွယ်တုံ့ပြန်မှုလုပ်ငန်းတွေမှာလည်း နှစ်ရှည်လများ လက်တွဲဆောင်ရွက်ခဲ့ကြပါတယ်။ ကမ္ဘာ့ခုခံအားကျဆင်းမှုကူးစက်ရောဂါ တိုက်ဖျက်ရေးနေ့မှာ အေအိုင်ဒီအက်စ် ကြောင့် အသက်ဆုံးရှုံးခဲ့ရတဲ့ သူတွေအတွက် သတိရအောက်မေ့သလို ဒီကပ်ရောဂါကို တိုက်ဖျက်နိုင်ဖို့အတွက် လုပ်ဆောင်နေသူတွေကို မိမိတို့အနေနဲ့ အမေရိကန်ပြည်သူတွေကိုယ်စား လေးစားအသိအမှတ်ပြုကြောင်း ပြောကြားလိုပါတယ်။ ယနေ့အထိ တိုးတက်မှုတွေကို မှတ်သားထားဖို့ အရေးကြီးပါတယ်။  မြန်မာနိုင်ငံအနေနဲ့ အိပ်ချ်အိုင်ဗွီကူးစက်မှုအသစ်တွေကို ၂၀၁၀ က စလို့ ၃၆ ရာခိုင်နှုန်း လျှော့ချနိုင်ခဲ့ပါတယ်။  ဒီနှုန်းဟာ ကမ္ဘာ့ပျမ်းမျှနှုန်းထက် …

အိပ်ချ်အိုင်ဗီ/အေအိုင်ဒီအက်စ် ပပျောက်ရေး မြန်မာ–အမေရိကန် မိတ်ဖက်လက်တွဲဆောင်ရွက်မှု ဒီဇင်ဘာ ၁၊ ၂၀၂၀ ကွမ်ကတ်နို သံရုံးယာယီတာဝန်ခံ ဒီနှစ်ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့ကို ကျွန်မတို့ဟာ မတူညီတဲ့ ကမ္ဘာ့ကပ်ရောဂါ အသစ်တစ်ခုနဲ့အတူ ဆက်စပ်ပြီးဆင်နွှဲကြရပါတယ်။ ကျွန်မတို့ မိသားစုတွေနဲ့ လူမှုအသိုက်အဝန်းတွေရဲ့ ကျန်းမာခြင်းနဲ့ချမ်းသာခြင်းသုခ နေ့စဉ်ဘဝတွေရှေ့တန်းဆီကို ရောက်ရှိလာခဲ့တဲ့အရာပါ။ ဒီနေ့အခါမှာ ကိုဗစ်-၁၉ တုံ့ပြန်ရေးအတွက် အမေရိကန်ပြည်ထောင်စုဟာ မြန်မာနဲ့အတူလက်တွဲဆောင်ရွက်နေသလို၊ အိပ်ချ်အိုင်ဗီ/ အေအိုင်ဒီအက်စ် တုံ့ပြန်တိုက်ဖျက်ရေးအတွက်လည်း ဟိုယခင်ကတည်းက လက်တွဲဆောင်ရွက်လာခဲ့ပါတယ်။ အခုလို ကမ္ဘာ့ခုခံအားကျဆင်းမှုကူးစက်ရောဂါ တိုက်ဖျက်ရေးနေ့မှာ အိပ်ချ်အိုင်ဗီ/ အေအိုင်ဒီအက်စ် ကြောင့် သူတို့ရဲ့ မိသားစုဝင်တွေဆုံးရှုံးခဲ့ရပြီး ဒီကူးစက်ရောဂါရပ်တန့်ရေးအတွက် လုပ်ဆောင်နေကြတဲ့ မြန်မာပြည်သူတွေကို အမေရိကန်ပြည်သူတွေကိုယ်စား ကျွန်မက ချီးကျူးဂုဏ်ပြုပါရစေ။ မြန်မာနိုင်ငံဟာ ၂၀၁၀ ခုနှစ်ကစပြီး အမှန်တကယ်တိုးတက်မှုတွေဖော်ဆောင်နိုင်ခဲ့ပါတယ်။ အိပ်ချ်အိုင်ဗီ ကူးစက်မှု ၃၆ ရာခိုင်နှုန်းလျှော့ချနိုင်ခဲ့တာပါ။ ဒါဟာတစ်ကမ္ဘာလုံးပျှမ်းမျှအတိုင်းအတာထက် ပိုပါတယ်။ …

စီးပွားရေးလုပ်ငန်းဆိုင်ရာ လူမှုရေးတာဝန်ယူမှု အွန်လိုင်းအခမ်းအနားတွင်ပြောကြားသော သံရုံးယာယီတာဝန်ခံ၏ မှတ်ချက်စကား မင်္ဂလာမနက်ခင်းပါ။ သာယာပျော်ရွှင်ဖွယ် ကျေးဇူးတော်များနေ့ ဖြစ်ကြပါစေ။ ကိုဗစ်–၁၉ ကြောင့် လူအချင်းချင်းတွေ့ကြဖို့ မဖြစ်နိုင်တဲ့အတွက် အခုလို အွန်လိုင်းကနေတွေ့ဆုံနိုင်မယ့်ပွဲ ကျင်းပဖို့ နည်းလမ်းရှာဖွေပေးတဲ့အတွက်ရော အခုလို အွန်လိုင်းအခမ်းအနားမှာပါဝင်ဖို့ ဖိတ်ကြားပေးတဲ့အတွက်ပါ အမေရိကန် ကုန်သည်ကြီးများအသင်းကို ကျေးဇူးတင်ပါတယ်။ စီးပွားရေးလုပ်ငန်းဆိုင်ရာလူမှုရေးတာဝန်ယူမှု ကြိုးပမ်းအားထုတ်ခြင်းအတွက် အသိအမှတ်ပြုခံရတဲ့ ကုမ္ပဏီ ၁၇ ခုကိုလည်း နွေးထွေးစွာကြိုဆိုပါတယ်။  ဒီနှစ်အတွင်းမှာ စိန်ခေါ်မှုအခက်အခဲတွေ ဘယ်လိုကြုံတွေ့နေရသလဲဆိုတာကတော့ စကားလုံးနဲ့ထုတ်ဖော် ပြောပြဖို့တောင် မလုံလောက်ပါဘူး။ စီးပွားရေးလုပ်ငန်းရှင်မိတ်ဆွေတို့အနေနဲ့ ဝန်ထမ်းတွေကို ကိုဗစ်–၁၉ ဘေးကနေကာကွယ်ရတာ၊ မိတ်ဆွေတို့ရဲ့စီးပွားရေးလုပ်ငန်းတွေကို မကြုံစဖူး ထူးကဲတဲ့နည်းလမ်းတွေနဲ့ လည်ပတ်နေခဲ့ရတာ၊ ဒါမှမဟုတ် ဝန်ထမ်းတွေကို လုပ်ခလစာပေးနိုင်ဖို့အတွက် အနစ်နာခံရတဲ့လမ်းကို ရွေးချယ်ရတာတွေနဲ့ပတ်သက်ပြီး ကုမ္ပဏီအားလုံးကြုံတွေ့နေရတဲ့ စိတ်ဖိစီးမှုတွေကို ခံစားတွေးကြည့်လို့ ရပါတယ်။  နေ့စဉ်အခက်အခဲဒုက္ခဒဏ်ကိုရင်ဆိုင်နေရချိန်မှာ မိတ်ဆွေတို့ …

အဋ္ဌမအကြိမ် အာဆီယံ–အမေရိကန် ထိပ်သီးစည်းဝေးပွဲ၌ထုတ်ပြန်သော လူသားအရင်းအမြစ် ဖွံ့ဖြိုးတိုးတက်ရေးဆိုင်ရာ ပူးတွဲကြေညာချက်   နိုင်ငံခြားရေးမူဝါဒ နိုဝင်ဘာ ၁၃၊ ၂၀၂၀ ၂၀၂၀ ခုနှစ်တွင် ဥက္ကဋ္ဌတာဝန်ယူထားသော ဗီယက်နမ်နိုင်ငံ၏ကြီးမှူးမှုဖြင့် နိုဝင်ဘာလ ၁၄ ရက်၊ ၂၀၂၀ တွင် ကျင်းပသော အဋ္ဌအကြိမ် အာဆီယံ–အမေရိကန် ထိပ်သီးစည်းဝေးပွဲကြီးတွင် အရှေ့တောင်အာရှနိုင်ငံများအသင်း (အာဆီယံ) ၏ အဖွဲ့ဝင်နိုင်ငံအကြီးအကဲများ/အစိုးရအကြီးအကဲများ ဖြစ်ကြသောမိမိတို့နှင့် အမေရိကန် ပြည်ထောင်စုသည် ဗီဒီယိုကွန်ဖရင့်စ်ဖြင့် တွေ့ဆုံဆွေးနွေးခဲ့ကြပါသည်။ အာဆီယံ–အမေရိကန် မဟာဗျူဟာမြောက် မိတ်ဖက်လက်တွဲမှု ခိုင်မာစေရေးအတွက် မိမိတို့ အတူတကွ ချမှတ်ထားသော ကတိကဝတ်ကို အထူးအလေးပေးဖော်ပြခဲ့ပါသည်။ နိုင်ငံအချင်းချင်းအကြား ပွင့်ပွင့်လင်းလင်းရှိရေး၊ မြင်သာထင်သာရှိရေး၊ အားလုံးအကျုံးဝင်ရေး မူဝါဒများနှင့်ချမှတ်ထားသော စည်းမျဉ်းစည်းကမ်းမူဘောင်တစ်ရပ်အပေါ် အခြေခံထားသည့် အင်ဒို–ပစိဖိတ်ဆိုင်ရာ အာဆီယံအမြင်၏ အရေးပါမှုနှင့်ပတ်သက်၍ မိမိတို့ထပ်လောင်း ပြောကြားခဲ့ပါသည်။ လွတ်လပ်၍ …

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ TradeNet 2.0 ဝက်ဘ်ဆိုဒ်စာမျက်နှာကို အွန်လိုင်းမှတဆင့် စတင်ဖွင့်လှစ်သည့် အခမ်းအနားတွင် USAID ၏ ဌာနေညွှန်ကြားရေးမှူး အလဲရ်ဂရပ်ဘ်စ်အတွက် ပြင်ဆင်ထားသော မှတ်ချက်အမှာစကား ၂၀၂၀ ခုနှစ်၊ နိုဝင်ဘာလ (၁၂) ရက်နေ့ မြန်မာနိုင်ငံရဲ့ရွေးကောက်ပွဲအတွက်ဂုဏ်ယူဝမ်းမြောက်ပါတယ်။ဒီရွေးကောက်ပွဲဟာမြန်မာပြည်သူတွေကရေးဆွဲကြမယ့်မြန်မာနိုင်ငံရဲ့ဒီမိုကရေစီခရီးလမ်းမှာအရေးပါတဲ့အဆင့်တစ်ဆင့်ဖြစ်ပါတယ်။မြန်မာပြည်သူတွေအနေနဲ့ပိုပြီးဒီမိုကရေစီဆန်၊ငြိမ်းချမ်းပြီးသာယာဝပြောတဲ့အနာဂတ်တစ်ခုဖြစ်အောင်ကြိုးပမ်းဆောင်ရွက်ဖို့ကြိုးစားလာတဲ့ကာလတစ်လျောက်အမေရိကန်အစိုးရဟာမြန်မာပြည်သူတွေအတွက်ဆယ်စုနှစ်များစွာကြာမိတ်ဆွေအနေနဲ့ရောမိတ်ဖက်အနေနဲ့ပါရပ်တည်နေဆဲဖြစ်ပါတယ်။ ကိုဗစ်–၁၉ ကမ္ဘာ့ကပ်ရောဂါကြောင့် အရင်က မကြုံစဖူးတဲ့ အခြေအနေတွေကို ဖြစ်စေပြီး အစိုးရတွေ၊ စီးပွားရေးလုပ်ငန်းတွေနဲ့ လူပုဂ္ဂိုလ်တစ်ဦးချင်းစီက အလျှင်အမြန် အခြေအနေနဲ့ အသားကျအောင် လုပ်ဆောင်တတ်ဖို့ လိုအပ်လာခဲ့ပါတယ်။ အဲဒီလို လုပ်ဆောင်ချက်တွေထဲမှာ ပထမဆုံး လုပ်ဆောင်ရတဲ့ ကိစ္စတစ်ရပ်က လူတစ်ယောက်နဲ့တစ်ယောက် ထိတွေ့မှုကို လျှော့ချဖို့ လိုအပ်နေတာပဲ ဖြစ်ပါတယ်။ ဒါကြောင့်လည်း အင်တာနက်ပေါ်က ဝန်ဆောင်မှုကို တိုးတက်ကောင်းမွန်အောင် ဆောင်ရွက်ဖို့ လိုအပ်လာပါပြီ။ ဒါကြောင့် ဒီနေ့ ကျမတို့တွေ တွေ့ဆုံကြတာ ဖြစ်ပါတယ်။ …

မြန်မာနိုင်ငံ စိုက်ပျိုးထွက်ကုန်များအတွက် နိုင်ငံတကာစျေးကွက်အခွင့်အလမ်းများနှင့် ပတ်သက်သည့် အွန်လိုင်းဆွေးနွေးပွဲအတွက် USAID/Burma ၏ စီးပွားရေးဖွံ့ဖြိုးတိုးတက်ရေးရုံးညွှန်ကြားရေးမှူး ပေါလ်ပလီဗါအတွက် ပြင်ဆင်ပေးထားသော မှတ်ချက်အမှာစကား (၂၀၂၀) ခုနှစ်၊ နိုဝင်ဘာလ၊ (၁၁) ရက် အမေရိကန်နိုင်ငံတကာဖွံ့ဖြိုးရေးအေဂျင်စီဟာမြန်မာနိုင်ငံမှာလက်ရှိဖော်ဆောင်နေတဲ့စီးပွားရေးပြုပြင်ပြောင်းလဲမှုဖြစ်စဥ်ကိုအခိုင်အမာပံ့ပိုးလျက်ရှိပါတယ်။မြန်မာနိုင်ငံမှာသာယာဝပြောမှုတွေကိုပိုမိုဖန်တီးဖို့နဲ့အမေရိကန်ပြည်ထောင်စုနဲ့အကြားရင်းနှီးမှုပိုမိုခိုင်မာလာစေဖို့အတွက်ဒီပြုပြင်ပြောင်းလဲမှုနဲ့ပတ်သက်ပြီးအလားအလာအများကြီးကိုတွေ့ကြရပါတယ်။ စီးပွားရေးပြုပြင်ပြောင်းလဲမှုရဲ့ အဓိကအစိတ်အပိုင်းတစ်ခုကတော့ စိုက်ပျိုးရေးကဏ္ဍမှာ ပုဂ္ဂလိက စီးပွားရေးအခွင့်အလမ်းသစ်တွေကို ရှာဖွေဖို့နဲ့ အားကောင်းလာအောင်ပြုလုပ်ဖို့ ဖြစ်ပါတယ်။ USAID ဟာတာဝန်ယူမှုရှိတဲ့ရင်းနှီးမြုပ်နှံမှုကိုမြှင့်တင်ဖို့နဲ့စွန့်ဦးတီထွင်လုပ်ဆောင်နေကြသူတွေအနေနဲ့သူတို့ရဲ့စီးပွားရေးတွေပိုမိုတိုးချဲ့လာနိုင်စေဖို့အတွက်မြန်မာနိုင်ငံရဲ့ပုဂ္ဂလိကကဏ္ဍတွေနဲ့မိတ်ဖက်အဖြစ်ဆောင်ရွက်ပါတယ်။ ဒီနေ့မှာတော့ ကျနော်တို့အနေနဲ့ နိုင်ငံတကာစျေးကွက်အခွင့်အလမ်းတွေအကြောင်းကို ကြားသိကြရမှာ ဖြစ်ပါတယ်။ ဒီအကြောင်းအရာတွေဟာ USAID Burma Feed the Future အစီအစဥ်ရဲ့  စိုက်ပျိုးရေးနှင့် အစားအစာထုတ်ကုန်စနစ်ဖွံ့ဖြိုးရေး စီမံကိန်းကလုပ်ဆောင်ခဲ့တဲ့လေ့လာမှုတစ်ခုရဲ့တွေ့ရှိချက်တွေဖြစ်ပါတယ်။ဒီလေ့လာမှုမှာပြည်ပပို့ကုန်အခွင့်အလမ်းသစ်တွေအကြောင်းကိုကျယ်ကျယ်ပြန့်ပြန့်ဖော်ပြထားပါတယ်။ USAID ဟာ မြန်မာနိုင်ငံနဲ့ အမေရိကန်ပြည်ထောင်စု နှစ်နိုင်ငံလုံးအတွက် အရေးကြီးတဲ့ ကိစ္စရပ်တွေများစွာထဲကမှ စိုက်ပျိုးရေးကဏ္ဌကို စတင်ဆောင်ရွက်ဖို့ အကောင်းဆုံးကိစ္စရပ်အဖြစ် မြင်ရတဲ့ အကြောင်းအရင်း (၃) …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် နိုင်ငံခြားရေးဝန်ကြီး မိုက်ကယ် အာ ပွန်ပဲယိုး ၏ ကြေညာချက် မြန်မာနိုင်ငံ၏ ပါလီမန်ရွေးကောက်ပွဲ နိုဝင်ဘာ ၉၊ ၂၀၂၀   နိုင်ငံတော်၏ ဒီမိုကရက်တစ်အသွင်ကူးပြောင်းမှုအတွင်း အရေးပါသောခြေလှမ်းတစ်ရပ်ဖြစ်ပြီး စစ်တပ်အုပ်ချုပ်မှု အဆုံးသတ်ချိန်မှစ၍ ဒုတိယအကြိမ် ပြိုင်ဆိုင်ရသော အမျိုးသားရွေးကောက်ပွဲကြီးဖြစ်သည့် မြန်မာနိုင်ငံ၏ ပါလီမန်ရွေးကောက်ပွဲကို အမေရိကန်ပြည်ထောင်စုက အသိအမှတ်ပြုပါသည်။ ပထမဆုံးအကြိမ် မဲပေးခွင့်ရသော လူငယ်များအပါအဝင် သန်းများစွာသောပြည်သူများသည် ၎င်းတို့၏ကိုယ်စားလှယ်များရွေးချယ်သည့်အခွင့်အရေးကို ကျင့်သုံးခဲ့ကြပါသည်။ ဤရွေးကောက်ပွဲကြီးဖြစ်မြောက်ရေးအတွက် အထူးသဖြင့် ကိုဗစ်–၁၉ကပ်ရောဂါစိန်ခေါ်မှုကြီးကြားမှကြိုးပမ်းအားထုတ်ခဲ့ကြသူအားလုံးကိုလည်းကျေးဇူးတင်အသိအမှတ်ပြုပါသည်။ သို့သော်လည်း လွှတ်တော်အတွင်းနေရာများစွာကို ရွေးကောက်တင်မြှောက်ထားသူများမဟုတ်သည့် စစ်တပ်အတွက် ဝင်ရောက်နေရာယူခွင့်ပေးထားသော ဖွဲ့စည်းပုံအခြေခံဥပဒေ၊ ရိုဟင်ဂျာအပါအဝင် မဲပေးပိုင်ခွင့်မရရှိကြသောအုပ်စုများ၊ ပြည်နယ်နှင့်တိုင်းဒေသကြီးအချို့တွင် မဲပေးရန်ဖျက်သိမ်းခြင်း၊ နိုင်ငံသားဖြစ်မှု လျှောက်ထားရာတွင် တစ်ဖက်သတ် ဆုံးဖြတ်မှုနှင့် နိုင်ငံအတွင်းနေထိုင်မှုဆိုင်ရာလိုအပ်ချက်တို့ကိုမူတည်၍ ကိုယ်စားလှယ်လောင်းအဖြစ်မှပယ်ဖျက်ခံရခြင်း တို့ကြောင့် ပို၍ဒီမိုကရေစီနည်းလမ်းကျသောအရပ်သားအစိုးရတစ်ရပ် အကောင်အထည်ဖော်ဆောင်ရေးအတွက် …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် အောက်တိုဘာ ၂၇၊ ၂၀၂၀ အတွင်းဝန် ဒေးဗစ်ဟေးလ် နှင့် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ တယ်လီဖုန်းဖြင့် စကားပြောကြားခြင်း အောက်ဖော်ပြပါ အကြောင်းအရာနှင့်ပတ်သက်၍ ပြောခွင့်ရပုဂ္ဂိုလ် မော်ဂန်‌အော်တဂွန်ကို ကိုးကားနိုင်ပါသည်။ အမေရိကန်နိုင်ငံခြားရေးဝန်ကြီးဌာန နိုင်ငံရေးရာအတွင်းဝန် ဒေးဗစ်ဟေးလ်သည် မြန်မာနိုင်ငံ နိုင်ငံတော်၏ အတိုင်ပင်ခံပုဂ္ဂိုလ် ‌ဒေါ်အောင်ဆန်းစုကြည်နှင့် ယနေ့ ဖုန်းဆက်စကားပြောဆို၍ မြန်မာနိုင်ငံအတွင်း ဒီမိုကရက်တစ် ပြုပြင်ပြောင်းလဲမှု၊ လူသားချင်းစာနာမှုဆိုင်ရာကယ်ဆယ်ရေးကြိုးပမ်းအားထုတ်နေမှု၊ နိုဝင်ဘာလအတွင်း ကျင်းပမည့် အများလက်ခံယုံကြည်၍၊ ပွင့်လင်းမြင်သာမှုရှိသော အားလုံးပါဝင်သည့် ရွေးကောက်ပွဲအတွက် အမေရိကန်က ထောက်ခံအားပေးနေမှုကို ထပ်လောင်းအတည်ပြုပြောကြားခဲ့ပါသည်။ နိုင်ငံတစ်ဝန်းပဋိပက္ခများ အဆုံးသတ်ရေးနှင့် ရိုဟင်ဂျာ၊ အခြားဒုက္ခသည်များနှင့် ပြည်တွင်းနေရပ်စွန့်ခွာ ထွက်ပြေးနေရသူများ ၎င်းတို့၏သဘောဆန္ဒအလျောက် လုံလုံခြုံခြုံ၊ ဂုဏ်သိက္ခာရှိစွာဖြင့် ပြန်လာနိုင်ရေး အတွက်လည်း မြန်မာအစိုးရကို အတွင်းဝန်ဒေးဗစ်ဟေးလ်က တိုက်တွန်းပြောကြားခဲ့ပါသည်။ ###

ချက်ချင်းထုတ်ပြန်ရန် အောက်တိုဘာလ (၁၅) ရက်၊ ၂၀၂၀ ခုနှစ် USAID သည် ပြည်တွင်းအဖွဲ့အစည်းဖြစ်သည့် ပြည်ကြီးခင်နှင့် လက်တွဲအကောင်အထည်ဖော်မည့် တီဘီရောဂါဆိုင်ရာစီမံကိန်းအသစ်ကို စတင်မိတ်ဆက်ခြင်း   ရန်ကုန်၊ အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) ၏ မြန်မာနိုင်ငံဆိုင်ရာ ဌာနေညွှန်ကြားရေးမှူး မစ္စအလဲဂရပ်ဘ်စ်သည် မြန်မာနိုင်ငံ ကျန်းမာရေးနှင့်အားကစား ၀န်ကြီးဌာန၏ ရောဂါထိန်းချုပ်ရေးဌာနမှ ဒုတိယညွှန်ကြားရေးမှူးချုပ် ဒေါက်တာသန္တာလွင်နှင့်တကွ မြန်မာနိုင်ငံ အမျိုးသားတီဘီရောဂါ တိုက်ဖျက်ရေးစီမံချက်မှ လုပ်ဖော်ကိုင်ဖက်များအား USAID ၏ Local Action Toward TB-Free Myanmar စီမံကိန်းအသစ်နှင့် စတင်မိတ်ဆက်ပေးခဲ့သည်။ ဤသုံးနှစ်တာစီမံကိန်းသည် တီဘီရောဂါကိုကာကွယ်ရေးနှင့် ကုသရေးအတွက် အမေရိကန်–မြန်မာ နှစ်နိုင်ငံပူးပေါင်းဆောင်ရွက်မှု၏ မှတ်တိုင်တစ်ခု ဖြစ်သည်။ စီမံကိန်းကို မြန်မာနိုင်ငံ အရပ်ဘက်အဖွဲ့အစည်းတစ်ခုဖြစ်သော ပြည်ကြီးခင်အဖွဲ့က အကောင်အထည်ဖော်မည် ဖြစ်ပါသည်။ စီမံကိန်းသည် တီဘီရောဂါခံစားနေရသူများအနေဖြင့် …

Local Action Toward TB-Free Myanmar စီမံကိန်းကို အွန်လိုင်းပေါ်မှ စတင်မိတ်ဆက်ခြင်းအစီအစဉ်အတွက် အမေရိကန် နိုင်ငံတကာဖွံ့ဖြိုးတိုးတက်ရေးအေဂျင်စီ (USAID) ၏ မြန်မာနိုင်ငံဆိုင်ရာ ဌာနေညွှန်ကြားရေးမှူး မစ္စအလဲရ်ဂရပ်ဘ်စ်အတွက်ပြင်ဆင်ထားသော မှတ်ချက်အမှာစကား USAID လို့ သိကြတဲ့ အမေရိကန် နိုင်ငံတကာဖွံ့ဖြိုးတိုးတက်ရေးအေဂျင်စီက Local Action Toward TB-Free Myanmar အမည်ရှိတဲ့ စီမံကိန်းသစ်ကို ဒီနေ့ စတင်မိတ်ဆက်ပေးသွားမှာ ဖြစ်ပါတယ်။ သုံးနှစ်တာကြာမြင့်မယ့် ဒီစီမံကိန်းသစ်ကို မြန်မာနိုင်ငံအတွင်းက အရပ်ဖက်အဖွဲ့အစည်း အန်ဂျီအိုတစ်ခုဖြစ်တဲ့ ပြည်ကြီးခင်အဖွဲ့က အကောင်အထည်ဖော် ဆောင်ရွက်မှာဖြစ်ပါတယ်။ ဒေါက်တာသန္တာလွင်ရဲ့ အဆိုအရ ဒီစီမံကိန်းဟာ မြန်မာနိုင်ငံ အမျိုးသားတီဘီရောဂါ တိုက်ဖျက်ရေးစီမံချက်ရဲ့ ရည်မှန်းချက်တွေ အောင်မြင်စေဖို့ ကျန်းမာရေးနှင့် အားကစားဝန်ကြီးဌာနနဲ့ အရင်က ပူးပေါင်းဆောင်ရွက်မှုအပေါ် အခြေခံပြီး တည်ဆောက်ထားပါတယ်။ USAID ရဲ့ …

မဲခေါင်ဒေသ၌အမေရိကန်ထိတွေ့ဆက်ဆံမှုတိုးချဲ့ရန် မဲခေါင်–အမေရိကန် မိတ်ဖက်ပူးပေါင်းမှုစတင်ခြင်း   အချက်အလက်များ ပြောခွင့်ရပုဂ္ဂိုလ်ရုံး စက်တင်ဘာ ၁၄၊ ၂၀၂၀ အမေရိကန်ပြည်ထောင်စု၊ ကမ္ဘောဒီးယား၊ လာအို၊ မြန်မာ၊ ထိုင်းနှင့် ဗီယက်နမ်နိုင်ငံတို့သည် စက်တင်ဘာလ ၁၁ ရက်တွင် မဲခေါင်–အမေရိကန်မိတ်ဖက်ပူးပေါင်းမှုကိုစတင်လိုက်ခြင်းဖြင့်၎င်းတို့၏ကာလရှည်ကြာဆက်ဆံရေးကိုထပ်လောင်းအတည်ပြုခဲ့ကြပါသည်။အမေရိကန်ပြည်ထောင်စုသည်မဲခေါင်ဒေသမိတ်ဖက်နိုင်ငံများ၏ကိုယ်ပိုင်လွတ်လပ်မှု၊စီးပွားရေးအမှီအခိုကင်းမှု၊ကောင်းမွန်သောအုပ်ချုပ်မှု၊ရေရှည်တည်တံ့သောဖွံ့ဖြိုးတိုးတက်မှုစသည့်စံတန်ဖိုးများကိုလက်ကိုင်စွဲထားခြင်းသည်အာဆီယံစည်းလုံးညီညွတ်ရေးနှင့်ထိရောက်အစွမ်းထက်ရေးတို့အတွက်လည်းအရေးကြီးသည့်အကြောင်းအလေးထားမှတ်သားကာအဆိုပါစံတန်ဖိုးတို့ကိုတိုးမြှင့်နိုင်ဆောင်ရွက်နိုင်ရေးအစီအစဉ်များကိုအမေရိကန်ကွန်ဂရက်နှင့်ပူးပေါင်းဆောင်ရွက်၍ကြေညာခဲ့ပါသည်။ အမေရိကန် ထိတွေ့ဆက်ဆံမှုတိုးချဲ့ခြင်း အမေရိကန် နိုင်ငံခြားရေးဝန်ကြီးဌာနနှင့် အမေရိကန် နိုင်ငံတကာဖွံ့ဖြိုးရေးအေဂျင်စီ (ယူအက်စ်အေ့ဒ်) တို့ သည် ၂၀၀၉ မှ ၂၀၂၀ အတွင်း မဲခေါင်အောက်ပိုင်းဒေသဖွံ့ဖြိုရေး အစီအစဉ်တစ်လျှောက် ဒေါ်လာ ၃.၅ ဘီလီယံနီးပါးအား မဲခေါင် မိတ်ဖက် နိုင်ငံ ငါးနိုင်ငံအတွက် ကူညီထောက်ပံ့ခဲ့ပါသည်။ ယင်းအကူအညီ ပေးမှုများတွင် — • ကျန်းမာရေး အစီအစဉ်များအတွက် ဒေါ်လာ ၁.၂ ဘီလီယံ • စီးပွားရေးဖွံ့ဖြိုးတိုးတက်မှုအတွက် ဒေါ်လာ ၇၃၄ …

အာဆီယံအပေါ်ထားရှိသော အမေရိကန်ပြည်ထောင်စု၏ ရေရှည်ကတိကဝတ်   သတင်းထုတ်ပြန်ချက် မိုက်ကယ်အာပွမ်ပဲယိုး၊ နိုင်ငံခြားရေးဝန်ကြီး စက်တင်ဘာ ၁၁၊ ၂၀၂၀ အမေရိကန်သည် အာဆီယံနိုင်ငံများနှင့် အချိန်ကြာမြင်စွာ မိတ်ဆွေဖြစ်လာခဲ့ပါသည်။ အင်ဒို–ပစိဖိတ်၏ အချက်အချာဖြစ်သော အာဆီယံ၏ အခန်းကဏ္ဍကို အမေရိကန် ပြည်ထောင်စုက အားပေးကူညီ သွားမည့်အကြောင်း  မကြာသေးမီက ကျင်းပခဲ့သည့် အာဆီယံ–အမေရိကန်ပြည်ထောင်စုနိုင်ငံခြားရေးဝန်ကြီးများ၏အစည်းအဝေး၌မိမိထပ်လာင်းအတည်ပြုခဲ့ပါသည်။ အင်ဒို–ပစိဖိတ်နှင့် အမေရိကန် ပြည်ထောင်စု အင်ဒို–ပစိဖိတ် မဟာဗျူဟာအအတွက် အာဆီယံ အမြင်သည် အချုပ်အခြာအာဏာ၊ ဥပဒေစိုးမိုးမှု၊ ပွင့်လင်းမြင်သာမှု၊ ပွင့်လင်းမှုနှင့် အားလုံးအကျုံးဝင်မှုကို လေးစားခြင်း တစ်ရပ်ရှိသည်ဟူ၍ မျှဝေရှုမြင်ပါသည်။ ဤမျှဝေထားသော မူဝါဒသဘောတရားများသည် အာဆီယံနှင့် မိမိတို့၏ လက်တွဲဆောင်ရွက်မှု၏ ဗဟိုချက်ကို ဖွဲ့တည်ပြီး ယခုတစ်ပတ်၏ မဲခေါင်–အမေရိကန် မိတ်ဖက်လက်တွဲ ပူးပေါင်းမှု စတင်ခြင်းအတွက် အခြေခံဖြစ်ပါသည်။ အားလုံးနှင့်ဆိုင်သော ဤစံတန်ဖိုးများကို …

ချက်ချင်းထုတ်ပြန်ရန် သြဂုတ် ၂၆၊ ၂၀၂၀ ပြည်ထောင်စုရှေ့နေချုပ်ရုံးအတွက် တရားရေးကဏ္ဍ သင်တန်းအထောက်အကူပြုပစ္စည်းများကို အမေရိကန်ကပေးအပ်ခြင်း   ရန်ကုန်။ ။ ဒေါ်လာ ၃၀,၀၀၀ တန်ဖိုးရှိ တယ်လီကွန်ဖရင့်ပြုလုပ်သည့်ပစ္စည်းကိရိယာများအား အမေရိကန်အစိုးရက လွှဲပြောင်းပေးအပ်သည့် အခမ်းအနားကို နေပြည်တော်ရှိ ပြည်ထောင်စုရှေ့နေချုပ်ရုံးတွင် ယနေ့ကျင်းပခဲ့ပါသည်။ ယင်းပေးအပ်လှူဒါန်းသည့် အခမ်းအနားသို့ ပြည်ထောင်စုရှေ့နေချုပ် ဦးထွန်းထွန်းဦးနှင့်အတူ သံရုံးယာယီတာဝန်ခံ ဂျော့ချ်ဆစ်ဘလီ တက်ရောက်ခဲ့ပြီး ပစ္စည်းကိရိယာများကို လွှဲပြောင်းပေးအပ်ခဲ့ပါသည်။ ကိုဗစ်–၁၉ကပ်ရောဂါကာလတစ်လျှောက်မြန်မာနိုင်ငံတစ်ဝန်းနေရာခုနစ်နေရာတွင်မြန်မာအစိုးရရှေ့နေများအနေဖြင့်အသိပညာမျှဝေမှုနှင့်သင်တန်းများဆက်လက်ဆောင်ရွက်သွားနိုင်ရန်အတွက်ယင်းပစ္စည်းကိရိယာများကအထောက်အကူပြုသွားမည်ဖြစ်ပါသည်။ “ဒီပစ္စည်းကိရိယာ ပေးအပ်လှူဒါန်းမှုကနေ အစိုးရရှေ့တွေအတွက် အဝေးသင်စနစ်ကို တိုက်ရိုက်အထောက်အကူ ပြုမှာဖြစ်ပြီး တရားရေးကဏ္ဍ ပိုမိုအားကောင်းစေဖို့အတွက် မြန်မာနိုင်ငံနဲ့တိုးမြှင့်ဆောင်ရွက်နေတဲ့ လက်တွဲဆောင်ရွက်မှုကို ထပ်လောင်းအားဖြည့်ခြင်းလည်းဖြစ်ပါတယ်” ဟု သံရုံးယာယီတာဝန်ခံ ဆစ်ဘလီကပြောကြားသည်။ “ခိုင်မာတဲ့ လက်တွဲမှုဆိုတာ သူကိုယ်တိုင်ပြန်ပြီးသက်သေထူပါတယ်။ အချိန်ကောင်းတွေမှာမှ မဟုတ်ပါဘူး။ စိန်ခေါ်မှု အခက်အခဲတွေ ရင်ဆိုင်နေရတဲ့အချိန်တွေမှာလည်း သက်သေထူပါတယ်” “လက်ရှိကျွန်တော်တို့နေထိုင်မှုပုံစံတွေ၊ …

ကလေးစစ်သားအသုံးပြုနေမှုပုံစံအားလုံး မြန်မာစစ်တပ် အဆုံးသတ်ရမည့်အချိန်ရောက်ပြီ ဂျော့ချ်ဆစ်ဘလီ [ဤအတွေးအမြင်ဆောင်းပါးသည် မူရင်းအနေနှင့် ဖရန်တီးယားမြန်မာ မဂ္ဂဇင်းတွင် သြဂုတ်လ ၁၆၊ ၂၀၂၀ တွင်ဖော်ပြထားသည့်ဆောင်းပါးဖြစ်ပါသည်။] ကျွန်တော် မြန်မာနိုင်ငံဆိုင်ရာအမေရိကန်သံရုံးတွင် တာဝန်ထမ်းဆောင်နေသည့် သုံးနှစ်တာကာလအတွင်း ၎င်းတို့၏လူမှုအသိုက်အဝန်းများ ပိုမိုတိုးတက်ကောင်းမွန်ရန်ဆောင်ရွက်မည်ဟူသောသန္နိဋ္ဌာန်ဖြင့် ဆောင်ရွက်နေကြသည့်ပုဂ္ဂိုလ်များကို တွေ့ဆုံခွင့်ရခဲ့ပါသည်။ ထိုပုဂ္ဂိုလ်တို့ကြောင့် ကျွန်တော့်အတွက် စိတ်ခွန်အားများဖြစ်စေခဲ့သည်။ မြန်မာနိုင်ငံသည် စိန်ခေါ်မှုများစွာကို ရင်ဆိုင်နေရချိန်၌ ကိစ္စတစ်ခုကို အသေအချာကြိုးပမ်းဆောင်ရွက်နေသည့်အတွက်လည်း ကျွန်တော်အားတက်ခဲ့ရသည်။ ယင်းကား အခြားမဟုတ်၊ စက်ဆုပ်ဖွယ်ကောင်းလှသော လူကုန်ကူးမှုဆိုသည်ကို တိုက်ဖျက်ရေးအတွက် မြန်မာအစိုးရက ဆက်လက်အာရုံစိုက်လုပ်ဆောင်နေခြင်းပင်။ မြန်မာနိုင်ငံသည် ယမှန်နှစ်အတွင်း ကလေးသူငယ် အခွင့်အရေးများဆိုင်ရာဥပဒေကို ရေးဆွဲပြဋ္ဌာန်းနိုင်ခဲ့သည်။ ကလေးစစ်သားအသုံးမပြုရေး သဘောတူစာချုပ်ကိုလည်း လက်မှတ်ရေးထိုးနိုင်ခဲ့သည်။ လူကုန်ကူးသူများအား တရားစွဲအရေးယူမှုတို့ တိုးလာခဲ့သကဲ့သို့ လူကုန်ကူးခံရသူများကို ကူညီပံ့ပိုးမှုများပေးအပ်ရာတွင်လည်း ပိုမိုတိုးတက်လာခဲ့သည်။ မြန်မာနိုင်ငံအနေဖြင့် လူကုန်ကူးခံရသူများကို အကာအကွယ်ပေး၍ ၎င်း၏ပြည်သူများ ခေါင်းပုံဖြတ် …

လင်ကွန်းပညာတော်သင်များ ပညာတော်သင်မသွားရောက်မီ အွန်လိုင်းကတစ်ဆင့် ပါမဲလာဖက်ဆန်ဒန်ပြောကြားသောမှတ်ချက်စကား (ကြိုတင်ပြင်ဆင်ထားသည့်အတိုင်း) ကြာသပတေးနေ့၊ သြဂုတ် ၁၃၊ ၂၀၂၀၊ နေ့လယ် ၂း၀၀ လင်ကွန်းပညာတော်သင်ဆုရရှိတဲ့သူတွေအားလုံးကိုပထမဦးစွာထပ်မံဂုဏ်ပြုလိုပါတယ်။ပြီးတော့အမေရိကန်ပြည်ထောင်စုမှာဘွဲ့လွန်ပညာကိုစတင်တက်ရောက်သင်ကြားကြတဲ့အခါမှာလည်းအဆင်ပြေကြစေဖို့ဆုတောင်းပါတယ်။အခုရွေးချယ်ခံထားရတဲ့သူတိုင်းကသူတို့ရဲ့အတွေ့အကြုံတွေနဲ့ပညာသင်ကြားပြီးတဲ့အခါအမိမြန်မာပြည်ကိုပြန်လာပြီးပြည်သူတွေအကျိုးသယ်ပိုးကြမယ်ဆိုတဲ့ဂတိကဝတ်တွေပေါ်မူတည်ပြီးလျှောက်လွှာပေါင်းရာကျော်ထဲကနေရွေးချယ်ထားတာဖြစ်ပါတယ်။ပညာတော်သင်တွေအနေနဲ့လွတ်လပ်တဲ့ဒီမိုကရေစီနဲ့စီးပွားရေးအသွင်ကူးပြောင်းမှုတွေကိုလေ့လာသင်ယူပြီးမြန်မာနိုင်ငံသားတွေကိုကူညီပေးနိုင်ဖို့အတွက်ယူအက်စ်အေ့ဒ်အနေနဲ့လင်ကွန်းပညာတော်သင်ဆုထောက်ပံ့ပေးတဲ့အစီအစဉ်ကိုမြန်မာနိုင်ငံအတွက်ဖွံ့ဖြိုးရေးလုပ်ငန်းအစီအစဉ်တစ်ခုအနေနဲ့ပံ့ပိုးပေးခြင်းဖြစ်ပါတယ်။ မြန်မာနိုင်ငံသားတွေအနေနဲ့ အားလုံးပါဝင်နိုင်တဲ့ဒီမိုကရေစီနဲ့ စီးပွားရေးပြုပြင်ပြောင်းလဲမှုတွေကို တစ်စိုက်မတ်မတ် ကြိုးပမ်းဆောင်ရွက်လျက်ရှိသလို အခုလင်ကွန်းပညာသင်ဆုအစီအစဥ်ကလည်း အမေရိကန်ပြည်သူတွေက သူတို့အတွက် ပံ့ပေးပိုးဖို့ အားစိုက်ဆောင်ရွက်နေတဲ့အရာတွေထဲက အစိတ်အပိုင်းတစ်ရပ်ဖြစ်တယ်လို့ အမေရိကန်နိုင်ငံတကာဖွံ့ဖြိုးရေးအေဂျင်စီက ရှုမြင်ပါတယ်။ ယူအက်စ်အေ့ဒ်ရဲ့ အနာဂတ်ရည်မှန်းချက်ဟာ မြန်မာနိုင်ငံအနေနဲ့ ညီညွတ်ငြိမ်ချမ်းတဲ့ နိုင်ငံတစ်နိုင်ငံ ဖြစ်လာစေရေးဆိုတဲ့ ခရီးစဉ်ကိုချီတက်နေရာမှာ ပညာတော်သင် သွားထားသူတွေကလည်း ဦးဆောင်ဦးရွက် ပြုလာကြလိမ့်မယ်ဆိုတာဖြစ်ပါတယ်။ ဒါ့အပြင် အနာဂတ်မြန်မာနိုင်ငံဟာ သဘာဝ အရင်းအမြစ်တွေကို ကာကွယ်စောင့်ရှောက်သလို၊ နိုင်ငံတွင်းမှီတင်းနေထိုင်ကြတဲ့ လူမျိုးစုများအားလုံး ပါဝင်ခွင့်ရှိပြီး ရှင်သန်ဖွံ့ဖြိုးဖို့အတွက် အခွင့်အရေးတွေကို ပေးနိုင်တဲ့ နိုင်ငံတစ်နိုင်ငံ ဖြစ်လာမယ်လို့လည်း မျှော်မှန်းထားပါတယ်။ အမေရိကန်အစိုးရအနေနဲ့မြန်မာပြည်သူတွေကိုထောက်ပံ့ကူညီဖို့အတွက်ယူအက်စ်အေ့ဒ်ကတစ်ဆင့်တစ်နှစ်ကိုအမေရိကန်ဒေါ်လာသန်း၁၅၀ကျော်ရင်းနှီးမြှုပ်နှံလျှက်ရှိပါတယ်။အဲဒီလိုရင်းနှီးမြှပ်နှံရတာဟာမြန်မာပြည်သူတွေကျန်းမာရေးနဲ့အာဟာရတိုးတက်ကောင်းမွန်လာစေဖို့၊စိုက်ပျိုးရေးနဲ့အသက်မွေးဝမ်းကျောင်းအလုပ်တွေတိုးတက်ကောင်းမွန်လာစေဖို့၊လူသားချင်းစာနာမှုအကူအညီတွေကတစ်ဆင့်ဒုက္ခခံစားရမှုတွေကိုလျှော့ချဖို့၊အားလုံးပိုမိုပါဝင်နိုင်တဲ့ငွေရေးကြေးရေးကဏ္ဍလက်လှမ်းမီရရှိမှုအခြေအနေကိုဖန်တီးပေးဖို့၊ယုံကြည်စိတ်ချရတဲ့သတင်းနဲ့သတင်းအချက်အလက်တွေကိုလူတိုင်းလက်လှမ်းမီလာစေဖို့၊အရပ်ဘက်လူမှုအဖွဲ့အစည်းတွေနဲ့လွှတ်တော်၊ပြည်ထောင်စုရွေးကောက်ပွဲကော်မရှင်နဲ့အဂတိလိုက်စားမှုတိုက်ဖျက်ရေးကော်မရှင်တို့လိုဒီမိုကရက်တစ်အင်စတီကျုရှင်းတွေခိုင်မာအားကောင်းလာစေဖို့အတွက်ရည်ရွယ်ပါတယ်။ ယူအက်စအေ့ဒ်က လင်ကွန်းပညာသင်ဆုအစီအစဥ်မှာ ရင်းနှီးမြှပ်နှံတာဟာ မြန်မာနိုင်ငံအနေနဲ့ …

ချက်ချင်းထုတ်ပြန်ရန် သြဂုတ် ၁၃၊ ၂၀၂၀ ယူအက်စ်အေ့ဒ် လင်ကွန်းပညာတော်သင် ၁၄ ဦး မဟာဘွဲ့တက်ရောက်ရန် အမေရိကန်ပြည်ထောင်စုသို့ ထွက်ခွာ   ရန်ကုန် — မြန်မာနိုင်ငံမှလူငယ်ပညာရှင် ၁၄ ဦးသည် အမေရိကန်တက္ကသိုလ်များတွင် ပညာသင်ဆု အပြည့်အဝဖြင့် မဟာဘွဲ့တက်ရောက်ရန် အမေရိကန်ပြည်ထောင်စုသို့ ယခုလတွင် ထွက်ခွာကြမည် ဖြစ်ပါသည်။ အမေရိကန်နိုင်ငံတကာဖွံ့ဖြိုးရေးအေဂျင်စီ (ယူအက်စ်အေ့ဒ်) ၏ ယာယီဌာနေညွှန်ကြား ရေးမှူး မစ္စ ပါမဲလာဖက်ဆန်ဒန် က ယူအက်စ်အေ့ဒ်အနေဖြင့် လာမည့် ငါးနှစ်အတွင်း လင်ကွန်းပညာသင်ဆု အစီအစဥ်ကတဆင့် ကျောင်းသားအယောက် ၁၀၀ ကို ထောက်ပံ့မည့် အစီအစဥ်များ၏ ပထမဦးဆုံးအသုတ် ကျောင်းသားများနှင့် မိတ်ဆက်ခဲ့ပါသည်။ “မြန်မာနိုင်ငံတစ်ဝန်းက အခုလို လူငယ်ခေါင်းဆောင် ၁၄ ဦး မဟာဘွဲ့တက်ရောက်ကြဖို့အတွက် အမေရိကန်ပြည်ထောင်စုကို စေလွှတ်ခွင့်ရလို့ ကျွန်တော်တို့အနေနဲ့ …

CDC မှ Dr. Mitesh Desai ပြောကြားသောအမှာစကား   CDC သည် နိုင်ငံများစွာတွင် ရောဂါရှာဖွေရေးနှင့် ရောဂါကူးစက်မှုများဖြစ်ပွားသည့်အခါ တုံ့ပြန်ဆောင်ရွက်နိုင်စွမ်းပိုမိုအားကောင်းခိုင်မာလာစေရန် အကူအညီပေးရာတွင် ကမ္ဘာလုံးဆိုင်ရာဦးစီးဦးဆောင်အနေဖြင့် နှစ်ပေါင်း ၆၀ ကျော် ရပ်တည်လာခဲ့ပါသည်။ ၂၀၁၅ ခုနှစ်တွင် အမေရိကန် စီဒီစီ မြန်မာရုံးခွဲကိုဖွင့်လှစ်ခဲ့ပါသည်။ အမေရိကန် စီဒီစီသည် ရေရှည်ရှိထားပြီးဖြစ်သည့် ကျန်းမာရေးဆိုင်ရာပူးပေါင်းဆောင် ရွက်မှုများအပေါ် အခြေပြုကာ မြန်မာနိုင်ငံ၏ ကိုဗစ်–၁၉ ရောဂါဆိုင်ရာတုံ့ပြန်ဆောင်ရွက်မှုများကိုပံ့ပိုးကူညီလျက်ရှိပါသည်။ ကိုဗစ်–၁၉ ကပ်ရောဂါမပေါ်ပေါက်မီကာလများစွာကတည်းကပင် စီဒီစီသည် မြန်မာနိုင်ငံ၊ ကျန်းမာရေးနှင့် အားကစားဝန်ကြီးဌာနနှင့် နီးနီးကပ်ကပ် လက်တွဲပြီးအရေးပါသောကနဦးဆောင်ရွက်မှုများဖြစ်သည့် အိတ်ချ်အိုင်ဗွီနှင့် ငှက်ဖျားရောဂါထိန်းချုပ်ရေးလုပ်ငန်းများ၊ မြန်မာနိုင်ငံမှ ရောဂါရှာဖွေ ထိန်းချုပ်ရေး လုပ်သားများအတွက် သင်တန်းပေးခြင်းများဆောင်ရွက်ခဲ့ပါသည်။ ယင်းပူးပေါင်းဆောင်ရွက်မှုများသည် စီဒီစီမှ သိပ္ပံပညာရှင်များ၏ ကမ္ဘာတဝန်း ကျောက်ရောဂါ တိုက်ဖျက်ရေးအချိန်ကာလမှသည် ပိုလီယိုနှင့် ဝက်သက်ကဲ့သို့သော …

အာဆီယံအဖွဲ့ တည်ထောင်ခြင်း ၅၃ နှစ်မြောက်နှစ်ပတ်လည်နေ့အတွက် အမေရိကန်နိုင်ငံခြားရေးဝန်ကြီး ပွန်ပဲယိုးပေးပို့သောသဝဏ်လွှာ ဒီနေ့ သြဂုတ်လ ၈ ရက်မှာကျရောက်တဲ့ အာဆီယံအဖွဲ့တည်ထောင်ခြင်း ၅၃ နှစ်မြောက်နေ့မှာ အာဆီယံအဖွဲ့ဝင်နိုင်ငံ ဆယ်နိုင်ငံနဲ့အတူ အာဆီယံအထွေထွေအတွင်းရေးမှူးချုပ်ရုံးကို ဂုဏ်ယူကြောင်း အမေရိကန် ပြည်ထောင်စုကိုယ်စား ကျွန်တော်က ဝမ်းမြောက်ဝမ်းသာစွာ ပြောကြားပါတယ်။ ပိုမိုတည်ငြိမ်၊ ပိုမိုသာယာဝပြောပြီး၊ ပိုမိုအေးချမ်းတဲ့ ဒေသကြီးဖြစ်လာဖို့အတွက် အာဆီယံအနေနဲ့ ဆယ်စုနှစ်များစွာ ပြုစုပျိုးထောင်လာခဲ့တာပါ။ အာဆီယံနဲ့ အာဆီယံဦးဆောင်တဲ့ လုပ်ထုံးလုပ်နည်းယန္တရားတွေဟာ ကျွန်တော်တို့ အမေရိကန်ပြည်ထောင်စုရဲ့ မဟာမိတ်တွေနဲ့မိတ်ဖက်တွေဖြစ်တဲ့ အင်ဒို-ပစိဖိတ် ဒေသအတွက် အမေရိကန်ပြည်ထောင်စုက ထားရှိတဲ့ အဓိကမျှော်မှန်းချက်ဖြစ်ပါတယ်။ အမေရိကန်ပြည်ထောင်စုနဲ့ အာဆီယံအကြား မဟာဗျူဟာမြောက်မိတ်ဖက်လက်တွဲမှုဟာ ကျွန်တော်တို့အတူတကွမျှော်မှန်းထားတဲ့ လွတ်လပ် ပွင့်လင်သော အင်ဒို-ပစိဖိတ်ဒေသတစ်ခုအတွက် အကျိုးဖြစ်ထွန်းစေပါတယ်။ အမေရိကန်ပြည်ထောင်စုနဲ့ အာဆီယံနိုင်ငံတွေဟာ ကိုဗစ်-၁၉ ကို တိုက်ဖျက်ဖို့အတွက် နည်းလမ်း မြောက်များစွာနဲ့ …

ချက်ချင်းထုတ်ပြန်ရန် ဇူလိုင် ၂၉၊ ၂၀၂၀ ကျန်းမာရေးနှင့်အားကစားဝန်ကြီးဌာန ရန်ကုန်တိုင်း၏ ကိုဗစ်–၁၉ တိုက်ဖျက်ရေးအတွက် အမေရိကန်၏ တစ်ကိုယ်ရေသုံး ရောဂါကာကွယ်ရေး ပစ္စည်းများ လှူဒါန်းခြင်း   ရန်ကုန်။     ။ကိုဗစ်–၁၉ ရောဂါပျံ့နှံ့မှု ကာကွယ်‌ရေးနှင့် လျော့ပါးသက်သာစေခြင်းအလို့ငှာ မြန်မာနိုင်ငံအား ဒေါ်လာ ၉၀,၀၀၀ တန်ဖိုးရှိ ထပ်ဆောင်းအကူအညီ ပေးအပ်ကြောင်းကို ဂုဏ်ယူစွာဖြင့် ကြေငြာလိုက်ပါသည်။ ကိုဗစ်–၁၉ရောဂါ တိုက်ဖျက်ရေးအတွက် အမေရိကန်အစိုးရ၏ ကျန်းမာရေးနှင့် လူသားချင်းစာနာမှုဆိုင်ရာ အထောက်အပံ့ရန်ပုံငွေ ဒေါ်လာ ၁၈.၅ သန်းအပြင် ယနေ့တွင် သံရုံးယာယီတာဝန်ခံ ‌ဂျော့ချ် ဆစ်ဘလီ၏ လမ်းညွှန်ကြီးကြပ်မှုဖြင့် အမေရိကန် ကာကွယ်‌ရေးဌာနကိုယ်စား ဒေါ်လာ ၉၀,၀၀၀ တန်ဖိုးရှိ တစ်ကိုယ်ရေ သုံး ရောဂါကာကွယ်ရေး ပစ္စည်း (PPE) များကို လှူဒါန်းခဲ့ပါသည်။ …

ကိုဗစ်–၁၉ တုံ့ပြန်ရေး မြန်မာနိုင်ငံအတွက် ပေးအပ်သော အမေရိကန်အစိုးရ၏ ကျန်းမာ‌ရေးနှင့် လူသားချင်း စာနာမှု အကူအညီ ဇူလိုင် ၂၉၊ ၂၀၂၀ အထိ ရှိထားသော အချက်အလက်များ မြန်မာနိုင်ငံ၏ ကိုဗစ်–၁၉ ကပ်ရောဂါ တုံ့ပြန်ရေးအတွက် အမေရိကန် အစိုးရသည် ဒေါ်လာ ၁၉ သန်းနီးပါး အကူအညီပေးလျက် ရှိပါသည်။ အမေရိကန်ပြည်သူများမှ အကူအညီပေးသော ရန်ပုံငွေတွင် ကျန်းမာရေး အတွက် ဒေါ်လာ ၁၀.၃ သန်း၊ ကပ်ရောဂါကာလအတွင်း ထိခိုက်ခံစားလွယ်ပြည်သူများနှင့် အိမ်ရှင်ပြည်သူများကို အကူအညီပေးရန် အပါအဝင် ဘေးအန္တရာယ်နှင့် လူသားချင်းစာနာမှု အကူအညီအတွက် ဒေါ်လာ ၈.၂ သန်းနှင့် ကူးစက်ရောဂါ စောင့်ကြည့်ရေးနှင့် ကူးစက်ရောဂါ ပျံ့ပွားခြင်းနှင့် ကုသခြင်းဆိုင်ရာ ကြိုးပမ်းအားထုတ်မှုများ အတွက် ဒေါ်လာ ၂ သန်းနီးပါးတို့ …

ချက်ချင်းထုတ်ပြန်ရန် ဇူလိုင် ၂၂၊ ၂၀၂၀ ကိုဗစ်–၁၉ အတွက် အမေရိကန်အကူအညီဖြင့် သန်းနှင့်ချီသောမြန်မာပြည်သူများအကျိုးရှိ ရန်ကုန်။ ။ အမေရိကန်ပြည်ထောင်စု ကျန်းမာရေးနှင့်လူသားချင်းစာနာမှုအကူအညီကတစ်ဆင့် သန်းနှင့်ချီသော မြန်မာပြည်သူများအနေဖြင့် ကိုဗစ်–၁၉ ကူးစက်မှုကို လျှော့ချနိုင် သို့မဟုတ် ကာကွယ် တားဆီးနိုင်ခဲ့ပါသည်။ ကိုဗစ်–၁၉ ကပ်ဘေးကာလအတွင်း မြန်မာနိုင်ငံသို့ပေးအပ်သည့် အမေရိကန် အကူအညီများသည် မြန်မာပြည်သူများ၏ ကျန်းမာရေးကဏ္ဍတိုးတက်မှုအတွက် အမေရိကန် ပြည်ထောင်စု၏ ရေရှည်ကတိကဝတ်ကို ထင်ဟပ်ပါသည်။ မြန်မာနိုင်ငံ၏ ကိုဗစ်–၁၉တုံ့ပြန်ဆောင်ရွက်ရေးနှစ်နိုင်ငံအပြန်အလှန်အများဆုံးပေးအပ်လှူဒါန်းသည့်နိုင်ငံများတွင်အမေရိကန်ပြည်ထောင်စုသည်လည်းတစ်နိုင်ငံအပါအဝင်ဖြစ်ပါသည်။ “အမေရိကန်ရောဂါထိန်းချုပ်ရေးနဲ့ တားဆီးကာကွယ်ရေးဗဟို (စီဒီစီ) ကတစ်ဆင့် အမေရိကန်အစိုးရ အကူအညီ နောက်ထပ် ဒေါ်လာ ၁.၉၅ သန်း ပေးအပ်မှာဖြစ်တဲ့အကြောင်း ဒီကနေ့ ကျွန်တော် ဂုဏ်ယူဝမ်းမြောက်စွာ ပြောကြားလိုပါတယ်။ အခုပေးအပ်တာနဲ့ဆိုရင် ကိုဗစ်–၁၉ တုံ့ပြန် ဆောင်ရွက်ရေးအတွက် ၂၀၂၀၊ ဖေဖော်ဝါလ ကစပြီး …

အမေရိကန်နိုင်ငံခြားရေးဌာန လက်ထောက်ဝန်ကြီး ဒေးဗစ် စတီးဝဲလ်၏ မှတ်ချက်စကားကောက်နုတ်ချက်ဖြစ်ပါသည်။ အပြည့်အစုံကိုအောက်ပါလင့်တွင်ဖတ်နိုင်ပါသည်။ http://go.usa.gov/xfkAT “ဗန်ဂတ်ကမ်း (ဗီယက်နမ်ကမ်းလွန်ရေပြင်)၊ လူကိုနီးယားသောင်စွယ်တွေ (မလေးရှားကမ်းလွန်ရေပြင်) နဲ့ နာတူနာဘီဆာကျွန်း (အင်ဒိုနီးရှားကမ်းလွန်) ဒါမှမဟုတ် ဘရူနိုင်းရေပြင်က သီးသန့်စီးပွားရေးဇုန်ကို ပိုင်ဆိုင်ကြောင်း တရုတ်ပြည်သူ့သမ္မတနိုင်ငံရဲ့ ပင်လယ်ပြင်ဆိုင်ရာ တောင်းဆိုတင်ပြချက်တွေကို အမေရိကန် ပြည်ထောင်စုက ကန့်ကွက်ပါတယ်။ တရုတ်ပြည်သူ့သမ္မတနိုင်ငံ အပြုအမူဟာ တစ်ခြားနိုင်ငံတွေရဲ့ ငါးဖမ်းလုပ်ငန်း ဒါမှမဟုတ် ဟိုက်ဒရိုကာဗွန်စီမံကိန်းကို အနှောင့်အယှက် ဖြစ်စေဖို့ ဒါမှမဟုတ် အဲဒီလို အပြုအမူမျိုးတွေကို သူကိုယ်တိုင် တစ်ဖက်သတ်လုပ်နေမယ်ဆိုရင် လုံးဝဥပဒေမဲ့လုပ်ရပ်ပါ။ ပြီးသွားပါပြီ။” “တောင်တရုတ်ပင်လယ် သယံဇာတအရင်းအမြစ်တွေဟာ အရှေ့တောင်အာရှနိုင်ငံတွေရဲ့ မွေးရာပါ အခွင့်အရေးတွေဖြစ်ပါတယ်၊ ကမ်းရိုးတန်းဒေသကပြည်သူတွေအတွက် အသက်သွေးကြောကြီးဖြစ်ပါတယ်၊ သူတို့ရဲ့ သန်းများစွာသော နိုင်ငံသားတွေအတွက် အသက်မွေးဝမ်းကျောင်းမှုကြီးဖြစ်ပါတယ်။ အဲဒါတွေဟာ အဲဒီ နိုင်ငံတိုင်းက သား၊ သမီးမြေးမြစ်တွေရဲ့ အမွေဆက်ခံရမှုတွေဖြစ်ပါတယ်။” …

ကိုဗစ်–၁၉ တုံ့ပြန်ရေး မြန်မာနိုင်ငံအတွက်ပေးအပ်သော အမေရိကန်အစိုးရ၏ ကျန်းမာရေးနှင့် လူသားချင်းစာနာမှုအကူအညီ ဇူလိုင် ၁၈၊ ၂၀၂၀ အထိရှိထားသောအချက်အလက်များ မြန်မာနိုင်ငံ၏ ကိုဗစ်–၁၉ ကပ်ရောဂါတုံ့ပြန်ရေးအတွက် အမေရိကန်အစိုးရသည် ဒေါ်လာ ၁.၈ သန်းကျော် အကူအညီပေးလျက်ရှိသည်။ ဤရန်ပုံငွေများတွင် ကျန်းမာရေးကဏ္ဍအတွက် ဒေါ်လာ ၁၀.၃ သန်း နီးပါးနှင့် ကပ်ရောဂါကာကလအတွင်း ထိခိုက်ခံစားလွယ်ပြည်သူများနှင့် အိမ်ရှင်ပြည်သူများကို အကူအညီပေးရန်အပါအဝင် ဘေးအန္တရာယ်နှင့် လူသားချင်းစာနာမှု အကူအညီအတွက် ပေးအပ်သော ဒေါ်လာ ၈.၂ သန်းလည်းပါဝင်ပါသည်။ ဤအကူအညီသည် မြန်မာနိုင်ငံအတွက် အမေရိကန်အစိုးရက လွန်ခဲ့သောနှစ်ပေါင်း ၂၀ အတွင်း ရေရှည်အစီအစဉ်အနေဖြင့် ပေးအပ်လာခဲ့သည့် ဒေါ်လာ ၁.၃ ဘီလျံ အပြင်ထပ်မံပေးအပ်ခြင်း ဖြစ်ပါသည်။ ယင်း ၁.၃ ဘီလျံတွင် ကျန်းမာရေးအတွက် ပေးအပ်သော ဒေါ်လာ ၁၇၆ …

USAID ၏ မြန်မာနိုင်ငံဆိုင်ရာ ဌာနေညွှန်ကြားရေးမှူး ထရီဆာမက်ဂီ ပြောကြားသည့် မှတ်ချက်စကား အွန်လိုင်းမှတဆင့် ပြုလုပ်သည့် မီဒီယာစကားဝိုင်း ဇူလိုင် ၂၂၊ ၂၀၂၀ USAID ဟု သိကြသော အမေရိကန် နိုင်ငံတကာဖွံ့ဖြိုးရေးအေဂျင်စီသည် ကိုဗစ်–၁၉ ကမ္ဘာ့ကပ်ရောဂါကာလအတွင်း မြန်မာပြည်သူပြည်သားများကို အမေရိကန်ဒေါ်လာ ၁၄.၃သန်းကျော်ထောက်ပံ့ပေးလျက်ရှိသည်။ကျန်းမာရေး၊လူသားချင်းစာနာမှုဆိုင်ရာအထောက်အပံ့၊စိုက်ပျိုးရေးနှင့်အားလုံးပါဝင်နိုင်သောစီးပွားရေးဖွံ့ဖြိုးတိုးတက်မှု၊ဒီမိုကရေစီ၊အုပ်ချုပ်ရေးစနစ်၊လူ့အခွင့်အရေးနယ်ပယ်များနှင့်ပတ်သက်၍လက်ရှိထောက်ပံ့လျက်ရှိသောအစီအစဥ်များအတွက်မိမိတို့၏နှစ်စဥ်ဘတ်ဂျက်အမေရိကန်ဒေါ်လာသန်း၁၅၀အပြင်ယခုထောက်ပံ့မှုကိုထပ်လောင်းထောက်ပံ့လိုက်ခြင်းဖြစ်သည်။ မြန်မာနိုင်ငံတွင် ကိုဗစ်ရောဂါရောဂါကူးစက်ခံရသည့် ပထမဆုံးလူနာကို မတွေ့ရှိခင် ရက်သတ္တ‌ပတ်ပေါင်းများစွာက တစ်ကိုယ်ရည်သုံး ရောဂါကာကွယ်ရေးဝတ်စုံ (PPE) များ စောလျှင်စွာထောက်ပံ့နိုင်ရေးနှင့် နောက်ထပ်ခြေလှမ်းများကို ဆွေးနွေးနိုင်ရေးအတွက်  မြန်မာနိုင်ငံကျန်းမာရေးနှင့် အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးနှင့် မိမိတို့တွေ့ဆုံခဲ့ပါသည်။ မတ်လလယ်လောက်တွင် ကူးစက်ရောဂါပျံ့နှံ့မှုကို ဘေးကင်းလုံခြုံစွာ တိုက်ဖျက်နိုင်ရန်အတွက် မြန်မာ့ကျန်းမာရေးစောင့်ရှောက်မှုပေးသူများကို ကြိုတင်ပြင်ဆိုင်နိုင်ရန်အတွက် အမေရိကန်ဒေါ်လာ ၁.၈ သန်းထောက်ပံ့နိုင်ခဲ့သည်။ ထောက်ပံ့ပေးခဲ့သောကျန်းမာရေးစောင့်ရှောက်သူများထဲတွင် ကျန်းမာရေးဝန်ဆောင်မှုနှင့် အလှမ်းဝေးကာ သွားလာရန်ခက်ခဲ့သည့် ပဋိပက္ခကြောင့် ထိခိုက်ခံနေရသောဒေသများရှိ …

အမေရိကန်လွတ်လပ်ရေးနေ့သဝဏ်လွှာ ဇူလိုင် ၄၊ ၂၀၂၀ အခု ဇူလိုင် ၄ ရက် လွတ်လပ်ရေးနေ့၊ ၂၄၄ နှစ်မြောက် ကျွန်တော်တို့နိုင်ငံရဲ့ မွေးနေ့ကို ဂုဏ်ယူစွာနဲ့ဆင်နွှဲသလို ရိုးရှင်းနှိမ့်ချစွာနဲ့လည်း ဆင်နွှဲခြင်းဖြစ်ပါတယ်။ အခုဆိုရင် အမေရိကန်ပြည်ထောင်စုဟာ လူမျိုးရေးဆိုင်ရာ မတရားမှုဆိုတာနဲ့ နပန်းလုံးနေရပါတယ်။ ကျွန်တော်တို့အနေနဲ့ အဲဒီပြဿနာကို ကျော်လွှားဖို့အတွက် ကာလရှည်ကြာစွာ ကြိုးစားရုန်းကန်လာခဲ့တဲ့ကြားထဲကပဲဆက်ပြီးရင်ဆိုင်ရတာပါ။ နိုင်ငံတစ်ဝန်း အမေရိကန်တွေဟာ လွတ်လပ်မှု၊ ဂုဏ်သိက္ခာနဲ့ လူ့အခွင့်အရေးဆိုတဲ့ဘက်က ရပ်တည်ဖို့အတွက် သူတို့ရဲ့ ဖွဲ့စည်းပုံအခြေခံဥပဒေပါ အခွင့်အရေးတွေကို ကျင့်သုံးနေကြတာဖြစ်ပါတယ်။ “လူသားအားလုံး အညီအမျှဖြစ်စေရန် ဖန်တီးထားသည်ဟူသော ပကတိထင်ရှားပြီးဖြစ်သည့် အမှန်တရားများအား ကျွနုပ်တို့စွဲကိုင်ထားရှိပေသည်” ဆိုပြီး လွတ်လပ်ရေးကြေညာစာတမ်းပြုစုရေးဆွဲခဲ့သူတွေက လွန်ခဲ့တဲ့ ၂၄၄ နှစ်တုန်းက အတိအလင်းကြေညာခဲ့ပါတယ်။ အဲဒီအချိန်ကတည်းကစပြီး “ပိုမိုပြီးပြည့်စုံသောပြည်ထောင်စုကြီးတည်ဆောက်ရန်” ဆိုတဲ့ ဖွဲ့စည်းပုံအခြေခံဥပဒေက ကျွန်တော်တို့ကို တောင်းဆိုထားတဲ့အတိုင်း ကျွန်တော်တို့ရဲ့ …

မြန်မာနိုင်ငံအတွင်းရှိ သံတမန်အဖွဲ့အစည်းများ၏ ကြေညာချက် ဇွန် ၂၇၊ ၂၀၂၀ ရခိုင်ပြည်နယ် ရသေ့တောင်မြို့နယ်၊ ကျောက်တန်းကျေးရွာအုပ်စုတလျှောက်ရှိ မြန်မာတပ်မတော်၏ နယ်မြေရှင်းလင်းရေးလုပ်ငန်းများနှင့် ရခိုင်ပြည်နယ်နှင့် ချင်းပြည်နယ်တောင်ပိုင်းရှိ ပိုမိုဆိုးရွားလာသည့် လူသားချင်းစာနာထောက်ထားမှုနှင့် လုံခြုံရေးဆိုင်ရာအခြေအနေများနှင့် ပတ်သက်သည့်အစီရင်ခံစာများအပေါ် ကျွန်ုပ်တို့အလွန်အမင်းစိုးရိမ်ပူပန်မိပါသည်။ ထိုစစ်ဆင်ရေးများ၏ သမိုင်းကြောင်းဆိုင်ရာသက်ရောက်မှုများသည် အရပ်သားများအား အချိုးအစားမမျှတစွာ ထိခိုက်မှုများဖြစ်ပေါ်စေကြောင်းကျွန်ုပ်တို့သတိပြုမိပါသည်။ အထူးသဖြင့် ကိုဗစ်၁၉ နှင့်မုတ်သုန်ရာသီနဲ့ ပတ်သက်ပြီး ရပ်ရွာအဖွဲ့အစည်းများက တုံ့ပြန်ဆောင်ရွက်သကဲ့သို့ လူသားချင်းစာနာထောက်ထားမှုဆိုင်ရာအဖွဲ့အစည်းများကိုလည်း သင့်တော်သည့် အကူအညီ ပေးနိုင်ရေးအတွက် အတားအဆီးမရှိသွားရောက်နိုင်ရေးကိုလည်း ခွင့်ပြုရမည်ဖြစ်သည်။ အရပ်သားများ၊ ယင်းတို့၏ပိုင်ဆိုင်မှုနှင့် အသက်မွေးဝမ်းကျောင်းမှုများကို အကာအကွယ်‌ပေးရေးအတွက် သက်ဆိုင်ရာအဖွဲ့အစည်းအားလုံးက ဦးစားပေးဆောင်ရွက်ရမည်ဖြစ်သည်။ ကျောက်တန်းကျေးရွာအုပ်စုတလျှောက် ရွာသားများ ထွက်ပြေးတိမ်းရှောင်နေရခြင်းသည် ရခိုင်ပြည်နယ်၏ နေရပ်စွန့်ခွာနေထိုင်သူဦးရေကို သိသာထင်ရှားစွာ ပိုမိုများပြားလာစေပါလိမ့်မည်။ ပစ္စည်းဥစ္စာပိုင်ဆိုင်မှုကိုမီးရှို့ခြင်း၊ လက်နက်ကြီးပစ်ခတ်ခြင်း၊ ရွာသားများအားဖမ်းဆီးခြင်းနှင့် ပတ်သက်သည့် အစီရင်ခံစာများကို ကျွန်ုပ်တို့သတိပြုမိပါသည်။ မိမိနေရပ်ကိုစွန့်ခွာပြီး …

မြန်မာနိုင်ငံအတွင်းရှိ သံတမန်အဖွဲ့အစည်းများ၏ ကြေညာချက် ဇွန် ၂၁၊ ၂၀၂၀ လူဦးရေ တစ်သန်းနီးပါရှိသော ပြည်သူများအတွက် ဆက်သွယ်ရေးနှင့် သတင်းအချက်အလက်ရရှိမှုကို ပြတ်တောက်စေခဲ့သည့် ရခိုင်ပြည်နယ်နှင့် ချင်းပြည်နယ်အတွင်း အချို့နေရာများ၌ မိုဘိုင်းဒေတာ ဝန်ဆောင်မှု ဖြတ်တောက်ထားခဲ့သည်မှာ တစ်နှစ်ရှိပြီ ဖြစ်ပါသည်။ ယင်းသို့ဖြတ်တောက်ထားခဲ့ချိန်မှစ၍ သတင်းဌာနများနှင့် သတင်းထောက်များအပေါ် ကန့်သတ်ချုပ်ချယ်မှုများလည်း ဖြစ်စေခဲ့ပါသည်။ ပြည်သူများအနေဖြင့် ကျန်းမာရေး၊ ဘေးအန္တရာယ်နှင့် လုံခြုံရေးဆိုင်ရာ သတင်းအချက်အလက်များ ရရှိရေးနှင့်မျှဝေနိုင်ရေးအတွက် အင်တာနက်နှင့် မီဒီယာရရှိရေးမှာ အထူးသဖြင့် ရွေးကောက်ပွဲကာလ နီးကပ်လာချိန်နှင့် ကိုဗစ်–၁၉ ကပ်ရောဂါ ဖြစ်ပွားနေချိန်တွင် လွန်စွာအရေးကြီးပါသည်။ တစ်ချိန်တည်းတွင်လည်း ပဋိပက္ခကာလတစ်ခုအတွင်း၌ပင် အင်တာနက် ကန့်သတ် ချုပ်ချယ်ထားသည့် နယ်မြေများအတွင်း ပြည်သူများနှင့်အပြန်အလှန်ဆက်သွယ်ရေးမှာ မြန်မာနိုင်ငံအတွင်း ကိုဗစ်–၁၉ ကူးစက်ပျံ့ပွားမှု ကာကွယ်တားဆီးရန်ကျန်းမာရေးကဏ္ဍအတွက်  လွန်စွာအရေးပါလှပါသည်။ မည်သူမဆို နောက်ဆုံးဖြစ်ပေါ်နေသည့် သတင်းအချက်အလက်များကို …

ချက်ချင်းထုတ်ပြန်ရန် ဇွန် ၁၇၊ ၂၀၂၀ မြန်မာနိုင်ငံအတွင်း ကိုဗစ်–၁၉ တုံ့ပြန်တိုက်ဖျက်ရေးအတွက် အမေရိကန်ပြည်ထောင်စုအကူအညီပေးအပ်မှု ဒေါ်လာ ၁၃.၅ သန်းနီးပါးခန့်ရှိလာ မြန်မာနိုင်ငံအတွင်း ကိုဗစ်–၁၉ ရောဂါကူးစက်ပျံ့နှံ့မှု တိုက်ဖျက်ရေးအတွက် အမေရိကန် ပြည်ထောင်စုက ဒေါ်လာလေးသန်း ထပ်မံပေးအပ်မည်ဖြစ်ရာ မြန်မာနိုင်ငံအတွင်း ကိုဗစ်–၁၉ တုံ့ပြန် တိုက်ဖျက်ရေးအတွက် ၂၀၂၀ ဖေဖော်ဝါရီလကတည်းက ပေးအပ်လာခဲ့သည်နှင့်ဆိုပါက စုစုပေါင်းဒေါ်လာ ၁၃.၅ သန်းရှိပြီဖြစ်ပါသည်။ ဤထပ်ဆောင်းအကူအညီများကို အမေရိကန် နိုင်ငံတကာ ဖွံ့ဖြိုးရေးအေဂျင်စီသည် ကျန်းမာရေးစောင့်ရှောက်မှု လက်လှမ်းမီရရှိရေးရန်ပုံငွေအစီအစဉ် ကတစ်ဆင့် မြန်မာပြည်သူများကို ပေးအပ်မည်ဖြစ်ပါသည်။ အမေရိကန်ပြည်ထောင်စုသည် ပူးပေါင်းဆောင်ရွက်ရေးအတွက် ဦးစားပေးလုပ်ဆောင်ရမည့် နယ်ပယ်ဧရိယာများကို ရှာဖွေသတ်မှတ်ရန် မြန်မာအစိုးရ၊ နိုင်ငံတကာလူသားချင်းစာနာမှုအကူအညီပေးအပ်သည့် မိတ်ဖက်အဖွဲ့အစည်းများ၊ အခြားပါဝင်ပတ်သက်သူများနှင့်အတူ ပူးပေါင်းညှိနှိုင်းဆောင်ရွက်ခြင်းဖြင့် အသက်ကယ်ဆယ်ရေးအကူအညီများကို ပေးအပ်လျက်ရှိပါသည်။ “မြန်မာနိုင်ငံရဲ့ ကိုဗစ်–၁၉ တုံ့ပြန်တိုက်ဖျက်ရေးအတွက် ပေးအပ်တဲ့ ဒီအမေရိကန်အကူအညီ …

ချက်ချင်းထုတ်ပြန်ရန် မေ ၁၉၊ ၂၀၂၀ ပညာသင်ဆုနှင့်နှီးနှောဖလှယ်ရေးအစီအစဉ် အခွင့်အလမ်းများကို အမေကန်သံရုံးကကြေညာခြင်း ရန်ကုန်။ ။ အမေရိကန်အစိုးရကပေးအပ်သော ၂၀၂၀–၂၀၂၁ ပညာသင်နှစ်အတွက် ပညာသင်ဆုနှင့် နှီးနှောဖလှယ်ရေးအစီအစဉ် လေးခု အတွက် လျှောက်လွှာများ ခေါ်ယူနေပြီဖြစ်သည့်အကြောင်း အမေရိကန်သံရုံးက ဝမ်းမြောက်စွာ ကြေညာအပ်ပါသည်။ ယင်းပညာသင်ဆုအစီအစဉ်များတွင် အမေရိကန်ပြည်ထောင်စုတွင် မဟာဘွဲ့ တက်ရောက်ရယူရမည့် အလုံးစုံပံ့ပိုးပေးသော လင်ကွန်းပညာသင်ဆု (Lincoln Scholarship) နှင့် နိုင်ငံရပ်ခြား ကျောင်းသားများအတွက် ဖူးလ်ဘရိုက်ပညာသင်ဆု (Fulbright Foreign Student Scholarship)၊ ဘွဲ့ရအဆင့်များ အတွက် တစ်နှစ်တာ တက်ရောက်ရမည့် ဟူးဘတ် အိပ်ချ် ဟမ်ဖရီ ဖဲလိုရှစ် (Hubert H. Humphrey Fellowship) နှင့် ဆရာ၊ ဆရာများအတွက် နိုင်ငံခြားဘာသာစကားသင်ကြားမှု ဖူးလ်ဘရိုက်ပညာသင်ဆု (Fulbright …

သံအမတ်ကြီးစကော့မာစီရယ်၏ နှုတ်ဆက်စကား မင်္ဂလာပါ။ ကျွန်တော် မြန်မာနိုင်ငံဆိုင်ရာအမေရိကန်သံအမတ်ကြီးစကော့မာစီရယ်ပါ။  အခုဒီမြန်မာနိုင်ငံမှာ လေးနှစ်ကျော်တာဝန်ထမ်းဆောင်ပြီး တာဝန်ပြီးဆုံးတော့မှာဖြစ်လို့ အမေရိကန်ပြည်ထောင်စုကိုပြန်ရတော့မှာဖြစ်ပါတယ်။ ကျွန်တော့မိသားစုအတွက် အချိန်ပေးဖို့ မျှော်လင့်စောင့်စားနေပေမဲ့ ဒီမှာရှိတဲ့ ကျွန်တော့မိတ်ဆွေများစွာ၊ ဒီနိုင်ငံနဲ့ပတ်သက်တဲ့ အကြောင်းအရာများစွာကိုလည်း သတိရအောက့်မေနေမှာပါ။  အခုလိုခွဲခွာခါနီးမှာ မိနစ်အနည်းငယ်ယူပြီး နှုတ်ဆက်စကား အနည်းငယ်ပြောကြားလိုပါတယ်။  ကျွန်တော် ဒီမရောက်ခင် ဒီမြန်မာနိုင်ငံမှာနေခဲ့ဖူးတဲ့မိတ်ဆွေတွေကပြောပါတယ် ကျွန်တော် ဒီနိုင်ငံမှာ အချိန်အတိုင်းအတာတစ်ခု နေပြီးသွားတာနဲ့တစ်ပြိုင်နက် ဒီနိုင်ငံဟာ ကျွန်တော့ စိတ်ထဲ၊ ကျွန်တော့နှလုံးသားထဲမှာ ထာဝရစွဲထင်သွားမှာဖြစ်ပါတယ်တဲ့။ အဲဒါဟာ အမှန်ပဲဆိုတာ ကျွန်တော် အခုသိပါပြီ။ အမေရိကန်တွေတော်တော်များများလိုပါပဲ ဒီနိုင်ငံမှာ ပိုမိုကောင်းမွန်တဲ့အနာဂတ်တစ်ခု တည်ဆောက်ကြဖို့အတွက် အစွမ်းကုန်ကြိုးပမ်းအားထုတ်ကြတာတွေ၊ လူတော်တော်များများ စွန့်လွှတ်အနစ်နာခံကြရတာတွေဟာ ကျွန်တော့မှာရင်ထဲမှာ ရိုက်ခတ်စွဲထင် ကျန်ရစ်နေခဲ့ပါပြီ။ အမေရိကန်ပြည်ထောင်စုလိုပါပဲ မိတ်ဆွေတို့ဟာလည်း ထူးထူးခြားခြား မတူကွဲပြားမှုတွေပေါင်းစုံနေတဲ့ လူ့ဘောင်အဖွဲ့အစည်းတစ်ရပ်ထဲကနေပြီး ပိုပြီး ပြီးပြည့်စုံတဲ့ ပြည်ထောင်စုကြီးတစ်ခု …

ချက်ချင်းထုတ်ပြန်ရန် ဧပြီ ၂၈၊ ၂၀၂၀ မြန်မာနိုင်ငံအတွင်း ကိုဗစ်–၁၉ ရောဂါ တုံ့ပြန်တိုက်ဖျက်ရေးအတွက် အမေရိကန်က ဒေါ်လာ ၇.၃ သန်း အကူအညီပေးအပ်ခြင်း   ရန်ကုန်။ ။ မြန်မာနိုင်ငံအတွင်း ကိုဗစ်–၁၉ ရောဂါကူးစက်ပျံ့ပွားမှု လျော့ပါးသက်သာရေးအတွက် နောက်ထပ် ‌ဒေါ်လာ ၃.၅ သန်း ထပ်မံအကူအညီ ပံ့ပိုးပေးရန် အမေရိကန်အစိုးရက ကတိကဝတ်ပြုလိုက်ပါသည်။ ယခုအကူအညီသည် ဖေဖော်ဝါရီလကတည်းက ပေးအပ်ခဲ့သော အကူအညီများနှင့် ဆိုလျှင် စုစုပေါင်း ဒေါ်လာ ၇.၃ သန်းရှိပြီ ဖြစ်ပါသည်။ အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) သည် ယခုထပ်ဆောင်းရန်ပုံငွေများကို ထိခိုက်လွယ်ပြည်သူများနှင့် လက်တွဲဆောင်ရွက်လျက်ရှိသော ကျန်းမာရေးစောင့်ရှောက်မှု လက်လှမ်းမီရရှိရေး ရန်ပုံငွေ (Access to Health Fund) နှင့် လူသားချင်းစာနာမှုအကူအညီပေးရေးအဖွဲ့အစည်းများကို ပေးအပ်ပါသည်။ အမေရိကန်အစိုးရသည် …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် ဧပြီ ၂၂ ၊ ၂၀၂၀ အမေရိကန်ပြည်ထောင်စုနှင့် အာဆီယံသည် ကိုဗစ်–၁၉ ရောဂါကို တိုက်ဖျက်ရေး၊ ရေရှည်ကြံ့ကြံ့ခံ ရပ်တည်နိုင်မှု တည်ဆောက်ရေးနှင့် စီးပွားရေးပြန်လည်နိုးထရေးကို အထောက်အပံ့ပြုလုပ်ရန် လက်တွဲဆောင်ရွက် လျက်ရှိသည်   သတင်းထုတ်ပြန်ချက် မိုက်ကယ်အာပွန်ပဲယိုး၊ နိုင်ငံခြားရေးဝန်ကြီး ဧပြီ ၂၂၊ ၂၀၂၀ ကျွန်တော်တို့အနေဖြင့် ကိုဗစ်–၁၉ ကပ်ရောဂါကို တုံ့ပြန်ဖြေရှင်းပြီး စီးပွားရေးပြန်လည်နိုးထမှုအတွက် စီစဉ်ဆောင်ရွက်ရာတွင် အရှေ့တောင်အာရှနိုင်ငံများအသင်း (အာဆီယံ) အဖွဲ့ဝင်နိုင်ငံများသည် အတူတကွရပ်တည်ပေးကြသည့် မဟာဗျူဟာမြောက် လက်တွဲဖက်နိုင်ငံများဖြစ်ပါသည်။ ဤကပ်ရောဂါကို တိုက်ဖျက်ရန်နှင့် ဒေသတွင်း၌ လင်းလက်တောက်ပသည့် အနာဂတ်အား အတူတကွတည်ဆောက်မှုလုပ်ငန်းကို ပြန်လည်လုပ်ဆောင်ရန်အတွက် အာဆီယံနှင့်အတူ ကျွန်တော်တို့၏ ပူးပေါင်းဆောင်ရွက်မှုကို ဆက်လက်လုပ်ကိုင်သွားရန် ကတိပြုထားပါသည်။ အမေရိကန်ပြည်ထောင်စုအတွင်းသို့ အရေးကြီးသော ဆေးပစ္စည်းလိုအပ်ချက်များအား အဆက်မပြတ် ဝင်ရောက်စီးဆင်းမှုကို …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် ဧပြီ ၂၂ ၊ ၂၀၂၀ အမေရိကန်–အာဆီယံ အနာဂတ်ကျန်းမာရေး အစီအစဉ် အချက်အလက်များ ပြောခွင့်ရပုဂ္ဂိုလ်ရုံး ဧပြီ ၂၂၊ ၂၀၂၀ အမေရိကန်–အာဆီယံ ကျန်းမာရေး အနာဂတ် အစီအစဉ်ကို နိုင်ငံခြားရေးဝန်ကြီး ပွန်ပဲယိုးက ယနေ့စတင်လိုက်သည်။ အနာဂတ် ကျန်းမာရေး အစီအစဉ်သည် မိမိတို့အားလုံးပေါင်း တစ်ဘီလျံရှိသော ပြည်သူများ၏ ကျန်းမာသုခအတွက် အာဆီယံနှင့်အတူ မိမိတို့၏ ရှိနှင့်ပြီးသောလုပ်ငန်းများနှင့် လက်ရှိလုပ်ငန်းတို့ကို အခြေခံ၍  ရေရှည်တွဲဖက်ဆောင်ရွက်မှု၊ ရည်ရွယ်လုပ်ဆောင်သည့် အကူအညီနှင့် ကျွန်ုပ်တို့၏ အခြေခံအကျဆုံးသော အရင်းအမြစ်အပေါ် ပြန်လည်ဆန်းသစ်ထားသည့် အာရုံစိုက် လုပ်ဆောင်မှုတို့အပေါ် အုတ်မြစ်ချထားပါသည်။ အမေရိကန်ပြည်ထောင်စုသည် အလေးအနက်ထား၍ ရေရှည်တည်တံ့သော ဆက်ဆံမှုကိုတစ်ရပ်၏ သမိုင်းကြောင်းအဆင့်ကို ကိုယ်စားပြုကာ အာဆီယံနိုင်ငံများနှင့် ပေါင်းစပ်ညှိနှိုင်း ဆောင်ရွက်ခြင်းဖြင့် အားလုံးနှင့် သက်ဆိုင်သော …

ရခိုင်ပြည်နယ်အတွင်း ကုလသမဂ္ဂအဖွဲ့အစည်း တိုက်ခိုက်ခံရမှု အမေရိကန်ရှုတ်ချ   သတင်းထုတ်ပြန်ချက် မော်ဂန်အော်တဂပ်(စ်)၊ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဧပြီ ၂၂၊ ၂၀၂၀   ကမ္ဘာ့ကျန်းမာရေးအဖွဲ့ (WHO) ဝန်ထမ်းတစ်ဦးအသက်ဆုံးရှုံး၍ ကျန်းမာရေးဝန်ထမ်းတစ်ဦးဒဏ်ရာရရှိစေခဲ့သော ကမ္ဘာ့ကျန်းမာရေးအဖွဲ့ (WHO) အမှတ်အသား ရှင်းလင်းစွာပါရှိသည့် ကားတစ်စီး ရခိုင်ပြည်နယ်အတွင်း ဧပြီလ ၂၀ ရက်က တိုက်ခိုက်ခံရမှုကို အမေရိကန်ပြည်ထောင်စုက ရှုတ်ချပါသည်။ ဤမြန်မာနိုင်ငံသားနှစ်ဦးသည် ကိုဗစ်-၁၉ ကပ်ရောဂါ တိုက်ဖျက်ရေးအတွက် ဆောင်ရွက်နေစဉ်တိုက်ခိုက်ခံရခြင်းဖြစ်သည်ဟု မိမိတို့နားလည်ပါသည်။ ဤကမ်းကုန်သောလုပ်ရပ်သည် မြန်မာနိုင်ငံအတွင်း ထိခိုက်လွယ်သောပြည်သူများအတွက် ကာကွယ်စောင့်ရှောက်ရေး ကြိုးပမ်းအားထုတ်မှုကို အားနည်းစေပြီး ရခိုင်ပြည်နယ်အတွင်း တိုက်ပွဲများရပ်တန့်ရန် အမြန်ဆုံးလိုအပ်နေပြီ ဖြစ်သည့်အကြောင်း ထပ်မံ၍မီးမောင်းထိုးပြနေပါသည်။ ဗိုင်းရပ်ပြန့်ပွားမှုရပ်တန့်ရေး ကမ္ဘာလုံးဆိုင်ရာ ကြိုးပမ်းအားထုတ်မှုကိုလည်း အဟန့်အတားဖြစ်စေပါသည်။ ဤဖြစ်စဉ်နှင့်ပတ်သက်၍ စုံစမ်းစစ်ဆေးမှုတစ်ရပ် ပြည့်ပြည့်ဝဝဆောင်ရွက်ရန်နှင့် ကျူးလွန်သူများကို တရားဥပဒေအတိုင်း စီမံဆောင်ရွက်ပေးပါရန် မြန်မာအာဏာပိုင်များကို မိမိတို့တိုက်တွန်းပါသည်။ ကမ္ဘာတစ်ဝန်းရှိ ကျန်းမာရေးနှင့် လူသားချင်းစာနာမှုဆိုင်ရာ …

ကမ္ဘာ့ကျန်းမာရေးအဖွဲ့ (WHO) ဝန်ထမ်းတစ်ဦးအသက်ဆုံးရှုံး၍ ကျန်းမာရေးဝန်ထမ်းတစ်ဦးဒဏ်ရာရရှိစေခဲ့သော ကမ္ဘာ့ကျန်းမာရေးအဖွဲ့ (WHO) အမှတ်အသား ရှင်းလင်းစွာပါရှိသည့် ကားတစ်စီး ရခိုင်ပြည်နယ်အတွင်း ဧပြီလ ၂၀ ရက်က တိုက်ခိုက်ခံရမှုကို အမေရိကန်ပြည်ထောင်စုက ရှုတ်ချပါသည်။ ဤရဲရင့်သော မြန်မာနိုင်ငံသားနှစ်ဦးသည် သေစေနိုင်သောဗိုင်းရပ်စ်ဘေးမှ နိုင်ငံတစ်ဝန်းပြည်သူအားလုံးကို ကာကွယ်ရန်ကြိုးပမ်းအားထုတ်သည့် အစိတ်အပိုင်းတစ်ရပ်ဖြစ်သော ကိုဗစ်-၁၉ ဗိုင်းရပ်စ်ပိုးစစ်ဆေးရန်အတွက် သယ်ယူပို့ဆောင်ပေးခြင်းဖြစ်ပါသည်။ စုံစမ်းစစ်ဆေးမှုတစ်ရပ်ကို ပြည့်ပြည့်ဝဝဆောင်ရွက်ရန်နှင့် ကျူးလွန်သူများကို တရားဥပဒေအတိုင်းစီမံဆောင်ရွက်ပေးပါရန် အာဏာပိုင်များကို မိမိတို့ တိုက်တွန်းပါသည်။

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် ဧပြီလ ၁၅၊ ၂၀၂၀     အမေရိကန်နိုင်ငံခြားရေးဝန်ကြီးဌာန ၂၀၂၀ ခုနှစ်၊ ဧပြီလ ၁၅ ရက် အမေရိကန်ရောဂါထိန်းချုပ်ရေးနှင့်ကာကွယ်တားဆီးရေးဗဟို (CDC) ကိုဗစ်-၁၉ ရောဂါ တိုက်ဖျက်ရေးနိုင်ငံတကာအထူးအဖွဲ့ခေါင်းဆောင် ဒေါက်တာဘာဘရာမာစတန်နှင့် အမေရိကန်ရောဂါထိန်းချုပ်ရေးနှင့်ကာကွယ်တားဆီးရေးဗဟို (CDC) ၏ ထိုင်းနိုင်ငံဆိုင်ရာဌာနေညွှန်ကြားရေးမှူး ဒေါက်တာ ဂျွန်မက်အာသာတို့၏ တယ်လီဖုန်းဖြင့်ပြုလုပ်သည့်ဆွေးနွေးပွဲမှ ကောက်နုတ်ချက် အစီအစဉ်မှူး ။ ။ ကျေးဇူးအများကြီးတင်ပါတယ်။ မနီလာမြို့မှာရှိတဲ့ အမေရိကန်နိုင်ငံခြားရေးဝန်ကြီးဌာန အာရှပစိဖိတ်-မီဒီယာဗဟိုစင်တာကနေ အားလုံးကို မင်္ဂလာနံနက်ခင်းပါလို့ နှုတ်ခွန်းဆက်ပါတယ်။ ကျွန်တော်က မီဒီယာစင်တာရဲ့ ဒါရိုက်တာ Zia Syed ဖြစ်ပါတယ်၊ ဒီဆွေးနွေးပွဲမှာ ဖုန်းနဲ့ဆက်သွယ်ပါဝင်သူတွေကို ကြိုဆိုပါတယ်။ ဒီနေ့ဆွေးနွေးပွဲကို အမေရိကန်ပြည်ထောင်စု၊ အန္တလန္တာမြို့ကနေ ဝင်ရောက်ဆွေးနွေးပေးတဲ့ အမေရိကန်ပြည်ထောင်စု၊ ရောဂါထိန်းချုပ်ရေးနှင့် ကာကွယ်တားဆီးရေးဗဟိုဌာန (CDC) …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် ဧပြီ ၁၃၊ ၂၀၂၀ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မော်ဂန်အော်တဂပ်(စ်) ၏ ဆုတောင်းသဝဏ်လွှာထုတ်ပြန်ချက် မြန်မာနှစ်သစ်ကူး – အတာသင်္ကြန်ပွဲတော် မြန်မာပြည်သူများ မင်္ဂလာရှိသော အတာသင်္ကြန်၊ နှစ်သစ်ကူးအချိန်အခါသမယ ဖြစ်ကြပါစေကြောင်း အမေရိကန်ပြည်ထောင်စု အစိုးရကိုယ်စား မိမိ ဆုတောင်းမေတ္တာ ပို့သအပ်ပါသည်။ အမေရိကန်ပြည်ထောင်စုသည် ခိုင်မာအားကောင်းသောဒီမိုကရေစီတစ်ရပ်တည်‌ဆောက်ရေး၊ စီးပွားရေးပြုပြင်ပြောင်းလဲမှုနှင့်အပြန့်ကျယ်သောဖွံ့ဖြိုးမှုမြှင့်တင်ရေး၊ ငြိမ်းချမ်းရေးနှင့်သာယာဝပြောမှုဖော်ဆောင်ရေးတို့အတွက် ကြိုးပမ်းအားထုတ်နေကြသော မြန်မာပြည်သူများနှင့်အတူ ဆယ်စုနှစ်များစွာ မိတ်ဖက်အဖြစ်လက်တွဲလာခဲ့ပါသည်။ ယခုကဲ့သို့သော နှစ်သစ်အချိန်အခါသမယ၊ အထူးသဖြင့် မိမိတို့နှစ်နိုင်ငံလုံးရော အခြားနိုင်ငံများပါ ကိုဗစ်-၁၉ ကပ်ရောဂါရင်ဆိုင်ကြုံတွေ့နေရသည့် အချိန်အခါတွင် အတူတကွလက်တွဲဆောင်ရွက်သွားမည့် မိမိတို့၏သန္နိဋ္ဌာန်ကို ထပ်လောင်းအတည်ပြုပါသည်။ မြန်မာပြည်သူအားလုံး လာမည့်နှစ်သစ်အတွင်း ပျော်ရွှင်ခြင်း၊ ကျန်းမာခြင်းနှင့်ပြည့်စုံကြပါစေကြောင်း မိမိတို့ဆုတောင်းမေတ္တာ ပို့သအပ်ပါသည်။   ###

အမေရိကန် နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် မတ် ၃၁၊ ၂၀၂၀   COVID-19 ကမ္ဘာ့ကပ်ဘေး တိုက်ဖျက်ရေး အာဆီယံသို့ အမေရိကန်ပြည်ထောင်စု၏ အကူအညီ COVID-19 ရောဂါကို တုံ့ပြန်ရာတွင် ကမ္ဘာလုံးဆိုင်ရာ ကျန်းမာရေးနှင့် လူသားချင်း စာနာမှုဆိုင်ရာ ဦးဆောင်နိုင်ငံအနေဖြင့် အမေရိကန်ပြည်ထောင်စုသည် COVID-19 ဗိုင်းရပ်စ် တိုက်ဖျက်ရေး၌ အာဆီယံမိတ်ဖက် နိုင်ငံများသို့ အကူအညီများ လျင်မြန်စွာပေးအပ်လျက်ရှိပါသည်။ ကပ်ဘေးဆိုက်ရောက်သည့် အချိန်ကတည်းကစ၍ အမေရိကန်အစိုးရသည် အာဆီယံအဖွဲ့ဝင်နိုင်ငံများအတွက် အရေးပေါ် ကျန်းမာရေးနှင့် လူသားချင်းစာနာထောက်ထားမှု အကူအညီ ဒေါ်လာ ၁၈.၃ သန်းခန့် ပေးအပ်ခဲ့ပြီး ဖြစ်သည်။ တစ်ကမ္ဘာလုံး အတိုင်းအတာအရ ၂၀၂၀ ပြည့်နှစ် မတ် ၂၆ ရက်အထိ အဓိက လိုအပ်သောနိုင်ငံများ သို့ အမေရိကန်ပြည်ထောင်စု …

မြန်မာနိုင်ငံဆိုင်ရာ သံအမတ်များ၏ ထုတ်ပြန်ချက် ဧပြီ ၁ ရက် ၂၀၂၀  ကမ္ဘာ့ကုလသမဂ္ဂအထွေထွေအတွင်းရေးမှူးချုပ်က ကမ္ဘာအရပ်ရပ်မှ လက်နက်ကိုင်အဖွဲ့အစည်းများ အားလုံး အပစ်အခတ်ရပ်စဲကြရန် မတ်လ(၂၃)ရက်နေ့က ကြေငြာချက်ထုတ်ပြန်တိုက်တွန်းခဲ့ပါသည်။ ပူးတွဲဖော်ပြပါနိုင်ငံအသီးသီးမှ သံအမတ်များကလည်း အတွင်းရေးမှူးချုပ်၏တိုက်တွန်းချက်အား သဘောတူထောက်ခံကြပါသည်။ ရခိုင်ပြည်နယ်၊ ချင်းပြည်နယ်တို့တွင် တိုက်ပွဲအရှိန်မြင့်လျက်ရှိပြီး အရပ်သားများနေရပ်စွန့်ခွာရခြင်း၊ အသက်ဆုံးရှုံးရခြင်းများကိုသိရှိရပြီး  အခြားသောဒေသများတွင်လည်း ပဋိပက္ခအလားအလာများကို ကြားသိရသည့်အတွက် အမှန်ပင်စိုးရိမ်မိပါသည်။ ယခုအချိန်တွင် ကမ္ဘာအရပ်ရပ်မှ နိုင်ငံများအားလုံးအနေဖြင့် Covid-19ရောဂါ၏ နောက်ဆက်တွဲဆိုးကျိုးများကြောင့် အတိဒုက္ခရောက်နိုင်သည့် အခြေအနေတွင်ရှိနေသူများအား ကာကွယ်စောင့်ရှောက်ရန် ဦးစားပေးဆောင်ရွက် ရမည်ဖြစ်ပါသည်။ စစ်ရေးပဋိပက္ခသည် စစ်ဘေးကြောင့်ဒုက္ခရောက်နေသော အမျိုးသမီးများ၊ ကလေးသူငယ်များ၊ မသန်စွမ်းသူများ၊ ဖယ်ကျဥ်ခံရသူများ နှင့် နေရပ်စွန့်ခွာရသူများထံသို့ လူသားချင်းစာနာထောက်ထားမှုဆိုင်ရာ အထောက်အပံ့များကိုနှောင့်နှေးစေပြီး အကူအညီများကိုလည်း အဟန့်အတားဖြစ်စေပါသည်။ စစ်မက်ဖြစ်ပွားလျက်ရှိသည့်ဒေသများတွင် လူသားချင်းစာနာထောက်ထားမှု ဆိုင်ရာ အကူအညီရရှိရန်မှာ အထူးပင်အရေးကြီးလျက်ရှိပါသည်။ အင်တာနက်နှင့်သတင်းမီဒီယာများမှတဆင့် …

ချက်ချင်းထုတ်ပြန်ရန် မတ် ၁၈၊ ၂၀၂၀ လတ်တလောအဆုတ်ရောင်ရောဂါ နိုဗယ်ကိုရိုနာဗိုင်းရပ်စ် (COVID-19) ကိုတုံ့ပြန်ရန်အတွက် မြန်မာနိုင်ငံအား အမေရိကန်က ထပ်တိုးအကူအညီပေးအပ်ခြင်း   ရန်ကုန်။ ။ မြန်မာနိုင်ငံအတွင်း COVID-19 ကူးစက်ပြန့်ပွားမှု လျော့ပါးသက်သာရေးအတွက် အမေရိကန် နိုင်ငံတကာဖွံ့ဖြိုးရေးအေဂျင်စီ (USAID) ၏ တစ်ဦးမှတစ်ဦးသို့အလွယ်တကူကူးစက်တတ်သော ရောဂါအတွက် အရေးပေါ် အရန် ရန်ပုံငွေ အစီအစဉ်မှနေ၍ ‌ဒေါ်လာ ၁.၈ သန်း ငွေကြေးအကူအညီ ထောက်ပံ့ပေးရန် အမေရိကန်အစိုးရက ရည်သန်ကတိပြုထားပါသည်။ USAID သည်ယခုရန်ပုံငွေများကို ကမ္ဘာ့ကျန်းမာရေးအဖွဲ့ (WHO)၊ ကမ္ဘာ့ကုလသမဂ္ဂ ကလေးများရန်ပုံငွေအဖွဲ့ (UNICEF) နှင့် USAID’s “Breakthrough Action” စီမံကိန်း၏မိတ်ဖက် အဖွဲ့အစည်းများဖြစ်သော Save the Children နှင့် ဂျွန်ဟော့ပ်ကင်းတက္ကသိုလ်တို့ကိုပေးအပ်ခြင်းဖြစ်ပါသည်။ USAID သည် …

ချက်ချင်းထုတ်ပြန်ရန် မတ် ၁၂၊ ၂၀၂၀   ဒုတိယကမ္ဘာစစ်အတွင်း မြန်မာနိုင်ငံ၌ကျဆုံးခဲ့သော အမေရိကန်စစ်သည်များအားဂုဏ်ပြုသည့် အခမ်းအနားကျင်းပခြင်း   မန္တလေး။            ။ အမေရိကန် ကာကွယ်ရေးဝန်ကြီးဌာန၏ စစ်ကြွင်းရှာဖွေမှတ်တမ်းတင်ရေး အေဂျင်စီ (ဒီပီအေအေ) ၏ အစီအစဉ်ကတစ်ဆင့်  စစ်ကိုင်းတိုင်းဒေသကြီး၊ ဆာလင်းကြီး ဒေသတစ်ဝိုက်တွင် မကြာသေးမီက ရှာဖွေတွေ့ရှိခဲ့သော ဒုတိယကမ္ဘာစစ်အတွင်း ကျဆုံး၊ ပျောက်ဆုံး ကျန်ရစ်ခဲ့သော အမေရိကန် စစ်သည်များ၏ ဖြစ်နိုင်ခြေရှိသော လူသားရုပ်ကြွင်းများကို အမေရိကန် ပြည်ထောင်စုက ယနေ့ ပြန်လည် သယ်ယူပို့ဆောင်ခဲ့ပါသည်။ ဤရုပ်ကြွင်းများသည် မည်သူမည်ဝါ၊ မည်သည့်အရာ ဖြစ်ကြောင်း ဖြစ်နိုင်ခြေ ရှိသည်များကို ဆက်လက်ခွဲခြမ်းစိတ်ဖြာရန်နှင့် ရှာဖွေဖော်ထုတ်ရန်အတွက် အမေရိကန်ပြည်ထောင်စု၊ ဟာဝိုင်အီရှိ ဒီပီအေအေ၏ဓာတ်ခွဲခန်းသို့ ပို့ဆောင်မည်ဖြစ်ပါသည်။ မြန်မာနိုင်ငံအတွင်းမှ ဒုတိယအကြိမ်အဖြစ် ပြန်လည်သယ်ယူပို့ဆောင်သည့် အခမ်းအနားကို မန္တလေးအပြည်ပြည်ဆိုင်ရာ လေဆိပ်တွင် …

ချက်ချင်းထုတ်ပြန်ရန် မတ် ၆၊ ၂၀၂၀။ COVID-19 အတွက် အမေရိကန်နိုင်ငံက ကျန်းမာရေးနှင့် အားကစားဝန်ကြီးဌာနအားကူညီခြင်း   နေပြည်တော် – ကိုရိုနာဗိုင်းရပ်ရောဂါ (COVID-19) ကူးစက်ပျံ့နှံ့နိုင်ချေရှိသည့် အခြေအနေအားလုံး အတွက် ကြိုတင်ပြင်ဆင်ရာတွင် အမေရိကန်ပြည်ထောင်စုသည် မြန်မာနိုင်ငံအား ဆက်လက်ကူညီ ပေးလျက်ရှိသလို မိတ်ဖက်အဖြစ်လည်း ဆောင်ရွက်လျက်ရှိပါသည်။ မတ် ၆ရက်တွင် အမေရိကန် နိုင်ငံတကာဖွံ့ဖြိုးရေးအေဂျင်စီ (USAID) ဌာနေညွှန်ကြားရေးမှူး ထရီဆာ မက်ဂီးက တစ်ကိုယ်ရေသုံးရောဂါကာကွယ်ရေးပစ္စည်းများကို ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးအား ပေးအပ်လိုက်ပါသည်။ အလွယ်တကူကူးစက် တတ်သောရောဂါများအတွက် USAID ၏ အရေးပေါ်သီးသန့်ရန်ပုံငွေထဲမှနေ၍ မြန်မာနိုင်ငံ အပါအဝင် (COVID-19) ဒဏ်ခံရသောနိုင်ငံ ၂၅ခုသို့ ဒေါ်လာ ၃၇သန်း အကူအညီပေးသွားမည့် မကြာသေးမီက ကြေညာချက်နှင့် ပတ်သက်၍ မစ္စ …

ချက်ချင်းထုတ်ပြန်ရန် ဖေဖော်ဝါရီ ၁၆၊ ၂၀၂၀ လင်ကွန်းပညာတော်သင်ဆုအစီအစဉ်ဖြင့် အမေရိကန်ပြည်ထောင်စုတွင် မဟာဘွဲ့တက်ရောက်ကြမည့် ပညာတော်သင် ၁၇ ဦးအား သံအမတ်ကြီးကဂုဏ်ပြုခြင်း ရန်ကုန်။ ။ မြန်မာနိုင်ငံတစ်ဝန်း ပြည်နယ်နှင့်တိုင်းဒေသကြီးရှစ်ခုတို့မှ လူငယ်ခေါင်းဆောင် ၁၇ ဦးသည် အမေရိကန်နိုင်ငံတကာဖွံ့ဖြိုးရေးအေဂျင်စီ၏ လင်ကွန်းပညာတော်သင်ဆု အစီအစဉ်ဖြင့် ယခုနှစ်နှောင်းပိုင်းတွင် အမေရိကန်တက္ကသိုလ်များ၌ ကျောင်းတက်ကြမည့် အကြောင်း အမေရိကန်သံအမတ်ကြီး စကော့မာစီရယ်က ယနေ့ကြေညာလိုက်ပါသည်။ “မြန်မာနိုင်ငံအောင်မြင်တာကို အမေရိကန်ပြည်ထောင်စုက မြင်တွေ့ချင်ပါတယ်။ ဒါကြောင့်လည်း မြန်မာနိုင်ငံ တစ်ဝန်းက ဒီလူငယ်ခေါင်းဆောင် ၁၇ ဦးကို အမေရိကန်ပြည်ထောင်စုမှာ မဟာဘွဲ့ တက်ရောက်သင်ယူဖို့ စေလွှတ်ရတဲ့ အတွက် များစွာဂုဏ်ယူဝမ်းမြောက်ရပါတယ်။ မြန်မာနိုင်ငံရဲ့ အနာဂတ်ကို ပုံဖော်ရာမှာ အထောက်အကူ ဖြစ်စေဖို့အတွက် မြန်မာနိုင်ငံတစ်ဝန်းကထူးချွန်ထက်မြက်တဲ့ လူငယ်တွေ ပညာရေးနဲ့ ခေါင်းဆောင်မှုစွမ်းရည်ဆိုင်ရာ အတွေ့အကြုံတွေရရှိစေဖို့အတွက် ကျွန်တော်တို့ အခုလိုပညာသင်ဆုတွေ …

ချက်ချင်းထုတ်ပြန်ရန် ဖေဖော်ဝါရီ ၅၊ ၂၀၂၀ အမေရိကန်သံအမတ်ကြီးဦးဆောင်သော ကုန်သွယ်ရေးကိုယ်စားလှယ်အဖွဲ့မန္တလေးသို့သွားရောက်ခြင်း မန္တလေး။ ။ အမေရိကန်သံအမတ်ကြီးစကော့မာစီရယ်သည် အမေရိကန်ပြည်ထောင်စုနှင့်ဒေသတွင်းရှိ ကုမ္ပဏီ ၁၃ ခု၊ အမေရိကန် ကုန်သည်ကြီးများအသင်း (မြန်မာ)၊ အမေရိကန်ကူးသန်းရောင်းဝယ်ရေးဝန်​ဆောင်မှုအဖွဲ့တို့ ပါဝင်သော စီးပွားရေး ကိုယ်စားလှယ်အဖွဲ့ တစ်ခုကိုဦးဆောင်၍ မန္တလေးသို့သွားရောက်ခဲ့ပါသည်။ ကိုယ်စားလှယ်အဖွဲ့သည် မန္တလေးတိုင်းဒေသကြီးအတွင်း ကုန်သွယ်မှု တိုးချဲ့ရေးနှင့် စီးပွားရေးဆက်ဆံမှုတိုးမြှင့်ရေးအတွက် အခွင့်အလမ်းများကို စူးစမ်းရှာဖွေကြခြင်းဖြစ်ပါသည်။ အမေရိကန်စီးပွားရေးအဖွဲ့၏ နှစ်ရက်တာမန္တလေးခရီးစဉ်အတွင်း စီးပွားရေးကိုယ်စားလှယ်အယောက် ၂၀ သည် မန္တလေးတိုင်း ဒေသကြီးအတွင်းရှိ အစိုးရတာဝန်ရှိပုဂ္ဂိုလ်များ၊ မန္တလေးတိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်းမှ စီးပွားရေးလုပ်ဖော်ကိုင်ဖက်များနှင့်တွေ့ဆုံခဲ့ပြီး မန္တလေးတိုင်းဒေသကြီးအတွင်းရှိ စီးပွားရေးလုပ်ငန်းများနှင့် အချိတ်အဆက် ရရှိရန်အတွက် စီးပွားရေးလုပ်ငန်းပြပွဲတစ်ခုကိုလည်း တက်ရောက်ခဲ့ကြပါသည်။ “မြန်မာပြည်သူတွေအတွက် အကျိုးရှိစေမယ့် တာဝန်ယူမှု၊ တာဝန်ခံမှုရှိတဲ့ စီးပွားရေးရင်းနှီးမြှုပ်နှံမှုနဲ့ ကုန်သွယ်မှု တိုးမြှင့်ရေးအတွက် …

ကျယ်ကျယ်ပြန့်ပြန့် ပြန်လည်သုံးသပ်မှုနှင့် ကမ္ဘာတစ်ဝန်းနိုင်ငံများနှင့် ထိတွေ့ဆက်ဆံမှုကာလတစ်ခုအပြီး ဇန်နဝါရီ ၃၁ ရက်တွင် နောက်ကြောင်းရာဇဝင်စုံစမ်းခြင်းနှင့် ဝင်ရောက်ရန် ကြိုးပမ်းအားထုတ်ခဲ့ခြင်း ရှိမရှိ စုံစမ်းစစ်ဆေးခြင်း လုပ်ငန်းစဉ်မြှင့်တင်မှုဆိုင်ရာ ကြေညာချက်တစ်စောင် (Proclamation on Improving Enhanced Vetting Capabilities and Processes for Detecting Attempted Entry) ကို သမ္မတက လက်မှတ်ရေးထိုးလိုက်ပါသည်။ အမေရိကန် ပြည်ထောင်စု၏ လုံခြုံရေးနှင့် လူမှုဘဝဖူလုံရေးကို ကာကွယ်စောင့်ရှောက်ရန်အလို့ငှာ သတင်းအချက်အလက် မျှဝေကျင့်သုံးမှု အားနည်းသည့် သက်ဆိုင်ရာ နိုင်ငံများမှ နိုင်ငံသားများကို ပြည်ဝင်ခွင့်ကန့်သတ်ရန် နိုင်ငံခြားရေးဝန်ကြီးဌာနနှင့် အမိမြေလုံခြုံရေးဌာနကို ဤကြေညာချက်ဖြင့် ညွှန်ကြားလိုက်ပါသည်။ တစ်ဦးတစ်ယောက်ချင်း၏ အကြောင်းကိစ္စပေါ်မူတည်၍ အကန့်အသတ်ဖြင့် ခြွင်းချက်နှင့် ဖြေလျှော့ပေးခြင်း ရှိနိုင်ပါသည်။ မြန်မာနိုင်ငံအပါအဝင် နိုင်ငံခြောက်နိုင်ငံမှ နိုင်ငံသားများ ကန့်သတ်ခြင်းခံရခြင်းတွင် …

ချက်ချင်းထုတ်ပြန်ရန် ဇန်နဝါရီ ၃၀၊ ၂၀၂၀ အမေရိကန်သံရုံးနှင့် အာရှဖောင်ဒေးရှင်းက မြန်မာနိုင်ငံအောက်ပိုင်းအတွက် စာအုပ် ၉၀၀၀ ကျော်လှူဒါန်းခြင်း   ရန်ကုန်၊ မြန်မာ။ ။မြန်မာနိုင်ငံအတွင်းရှိ ပညာရေးဆိုင်ရာအဖွဲ့အစည်း ၁၃၉ ခုအတွက် စာအုပ်ပေါင်း ၉၀၀၀ ကျော် အမေရိကန်သံရုံးနှင့် အာရှဖောင်ဒေးရှင်းတို့ ပူးပေါင်းလှူဒါန်းသည့် အခမ်းအနားတစ်ခု အမေရိကန်စင်တာ ရန်ကုန်တွင် ယနေ့ကျင်းပခဲ့ပါသည်။ အာရှဖောင်ဒေးရှင်းသည် အမေရိကန်သံရုံး၊ မြန်မာနိုင်ငံ အမျိုးသား စာကြည့်တိုက်နှင့် ပူးပေါင်းကာ အင်္ဂလိပ်ဘာသာဖြင့် ရေးသားထုတ်ဝေထားသော ပညာရေးဆိုင်ရာ အရည်အသွေးမြင့် စာအုပ်များနှင့် ကလေးစာပေစာအုပ်များကို မြန်မာနိုင်ငံအတွက် လှူဒါန်း လာခဲ့သည်မှာ ၂၀၀၇ ခုနှစ်ကတည်းကဖြစ်ပါသည်။ လွန်ခဲ့သည့် ၁၃ နှစ်တာ ကာလအတွင်း အမေရိကန်သံရုံးနှင့် အာရှဖောင်ဒေးရှင်း သည် နိုင်ငံတစ်ဝန်း ပညာရေးဆိုင်ရာအဖွဲ့အစည်းများအတွက် စာအုပ်ပေါင်း ၂၈၀,၀၀၀ …

သံအမတ်ကြီးစကော့မာစီရယ်။ ။ အခုလိုမိတ်ဆက်စကားပြောကြားပေးတဲ့ ပါမောက္ခ ချောချောစိန်ကို ကျေးဇူးတင်ပါတယ်။ ကျွန်တော့်ကိုယ်ရေးရာဇဝင်မှာ အရေးပါတဲ့အချက်ကတော့ ဆရာမလိုပါပဲ ကျွန်တော်လည်း နိုင်ငံတကာဆက်ဆံရေးပညာရပ်ကို သင်ယူခဲ့ရတာပါ။ ကျွန်တော် ဒီဘာသာရပ်ကို ဘွဲ့ကြိုဘာသာရပ်အနေနဲ့ သင်ယူခဲ့ပါတယ်။ နောက်တစ်ခါ ဘွဲ့လွန်အနေနဲ့လည်းထပ်ပြီး သင်ယူခဲ့ပါသေးတယ်။ ရလဒ်ကတော့ ကျွန်တော် သံတမန်တစ်ယောက်အနေနဲ့ အသက်မွေးဝမ်းကျောင်းပြုဖို့အတွက် ကောင်းခဲ့ပါတယ်။  ကောင်းသောမနက်ခင်းပါ။ ဒီနေ့အခုလိုအချိန်ပေးပြီးလာကြတဲ့အတွက်ကျေးဇူးတင်ပါတယ်။ ပါမောက္ခကြီး ပြောသွားသလိုပါပဲ။ အမေရိကန်-မြန်မာ ဆက်ဆံရေးနဲ့ပတ်သက်ပြီး ဟောပြောပေးဖို့ ပါမောက္ခကြီး တောင်းဆိုတဲ့အတွက် အခွင့်အရေးကောင်းတစ်ခုဖြစ်တယ်လို့ထင်ပါတယ်။ တကယ်လည်းအချိန်ကောင်းပါပဲ၊ ဘာဖြစ်လို့လဲဆိုတော့ ကျွန်တော်တို့အနေနဲ့ အရေးကြီးတဲ့ ဆယ်စုနှစ်တစ်ခုကိုဖြတ်ကျော်ပြီးချိန် ဆယ်စုနှစ် အသစ်တစ်ခုကို စတင်တဲ့အချိန်ဖြစ်နေလို့ပါ။ ၂၀၂၀ ပြည့်လွန်နှစ်များဟာ နှစ်သစ်တစ်ခုတင်မကပါဘူး၊ ဆယ်စုနှစ်အသစ် တစ်ခုလည်းဖြစ်ပါတယ်။ ဒါကြောင့် ကျန်ခဲ့တဲ့ ဆယ်စုနှစ်မှာ ကျွန်တော်တို့ဘာတွေ ပြီးမြောက်ခဲ့ကြသလဲဆိုတာ ပြန်ပြီးကြည့်နိုင်သလို၊ အခုလိုဆက်ဆံရေးမှာ နောင်လာမယ့်ဆယ်စုနှစ် …

ချက်ချင်းထုတ်ပြန်ရန် ၂၀၁၉၊ ဒီဇင်ဘာ ၁၃ ဆက်သွယ်ရန်။ ။ ဟိုဆေးဂီယိုဂါ အီးမေးလ်။ ။ Jose.Quiroga@asu.edu အမေရိကန်သံရုံးသို့ဆက်သွယ်ရန်။ ။အရာနီမန်ရင်း အီးမေးလ်။ ။ USEmbassyRGNPress@state.gov မဲခေါင်မြစ်အောက်ပိုင်းနိုင်ငံများအတွက် မြန်မာနိုင်ငံတွင်ကျင်းပသော နှစ်စဉ်သိပ္ပံနှီးနှောဖလှယ်ပွဲကို အမေရိကန်ကကူညီပံ့ပိုးခြင်း   ရန်ကုန်။ ။ လက်တွေ့ကမ္ဘာတွင်ဖြစ်ပွားနေသော ပြဿနာများကိုဖြေရှင်းခြင်းသည် သိပ္ပံပညာရှင်များအပါအဝင် နယ်နမိတ်ဖြတ်ကျော်ပူးပေါင်းဆောင်ရွက်မှုကိုဖြစ်စေပါသည်။ သည့်အတွက်ကြောင့်ပင် ရန်ကုန်မြို့၌ ဒီဇင်ဘာ ၁၂–၁၃ တွင်ကျင်းပသော မဲခေါင်မြစ်အောက်ပိုင်းဒေသဖွံ့ဖြိုးရေး လူငယ်သိပ္ပံပညာရှင်အစီအစဉ်၏ သိပ္ပံနှီးနှောဖလှယ်ပွဲကို အမေရိကန်ပြည်ထောင်စုနှင့် မဲခေါင်မြစ်အောက်ပိုင်းဒေသဖွံ့ဖြိုးရေး အစီအစဉ်တွင်ပါဝင်သော နိုင်ငံငါးနိုင်ငံဖြစ်သည့် မြန်မာ၊ ကမ္ဘောဒီးယား၊ လာအို၊ ထိုင်းနှင့် ဗီယက်နမ်နိုင်ငံတို့မှ သုတေသနပညာရှင်များနှင့် သိပ္ပံပညာရှင်ပေါင်း တစ်ရာကျော် တက်ရောက်ဆွေးနွေးနှီးနှောဖလှယ်ခဲ့ကြပါသည်။ မြစ်ခေါင်မြစ်အောက်ပိုင်း နိုင်ငံများမှ လူငယ်သိပ္ပံပညာရှင် ၃၃ ဦးက မဲခေါင်မြစ် အောက်ပိုင်းဒေသတွင်း ကျန်းမာရေးနှင့် သဘာဝပတ်ဝန်းကျင် ရေရှည်တည်တံ့ရေးဆိုင်ရာ …

ချက်ချင်းထုတ်ပြန်ရန် နိုဝင်ဘာ ၁၅၊ ၂၀၁၉ မြစ်ကြီးနား။   ။မြန်မာနိုင်ငံဆိုင်ရာ အမေရိကန် သံအမတ်ကြီး စကော့မာစီရယ်က ကချင်ပြည်နယ်တွင် မူးယစ်ဆေးဝါးစွဲလန်းမှုအားကုသခြင်း၊ ပြည်လည်ထူထောင်ခြင်းနှင့် ကာကွယ်တားဆီးခြင်းလုပ်ငန်းများမှ တဆင့် မူးယစ်ဆေးဝါးပြဿနာကိုလျှော့ချနိုင်ရေး ဆောင်ရွက်နေကြသော ဒေသခံအဖွဲ့အစည်းများအတွက် အလုပ်ရုံဆွေးနွေးပွဲ တစ်ရပ်ကို ဖွင့်လှစ်ပေးခဲ့ပါသည်။ သံအမတ်ကြီး မာစီရယ် က “မူးယစ်ဆေးစွဲလန်းမှု ပြဿနာဟာ မိမိတို့အနေနဲ့ အမေရိကန် ပြည်ထောင်စုမှာလည်း ရင်ဆိုင်ကြုံတွေ့နေရတဲ့ ပြဿနာတစ်ရပ်ဖြစ်ပါတယ်။ ဒါကြောင့် ဒီပြဿနာကို မိမိတို့အနေနဲ့ စာနာနားလည်မှုနဲ့ အတွေ့အကြုံတွေအပေါ် အခြေပြုပြီး ကူညီပေးလိုပါတယ်” ဟု အလုပ်ရုံဆွေးနွေးပွဲ၌ ပြောကြားခဲ့ပါသည်။ “ကချင်ပြည်နယ်ရှိ လူ့အဖွဲ့အစည်းအတော်များများနဲ့ မြန်မာနိုင်ငံအနှံ့အပြားမှာလည်း မူးယစ်ဆေးဝါးပြန့်နှံ့မှုပြဿနာနဲ့ ရင်ဆိုင်နေရတာကို သိရှိနားလည်ထားပြီးတော့ လူကြီးမင်းတို့ရဲ့ ‌ဒေသခံ လူမှုအဖွဲ့အစည်းတွေကို ကူညီနိုင်ဖို့ မိမိတို့အနေနဲ့ နည်လမ်းတွေ ရှာဖွေသွားမှာ ဖြစ်ပါတယ်” …

ကြာသပတေး၊ နိုဝင်ဘာ ၁၄၊ ၂၀၁၉ ပမ်းစပရင်းဟိုတယ် မြစ်ကြီးနားတွင်ကျင်းပသော အမေရိကန်သံရုံးဧည့်ခံပွဲ၌ ပြောကြားသည့် သံအမတ်ကြီး၏မိန့်ခွန်း   ဒီညချမ်းမှာ အခုလို ကြွရောက်လာကြတဲ့ဧည့်သည်တော်အားလုံးကို‌ ကျေးဇူးတင်ပါတယ်။ ကချင်ပြည်နယ်၊ မြစ်ကြီးနားကို ထပ်ပြီး လာရောက်ရတာလည်း ကောင်းမွန်ပါတယ်။ ကျွန်တော်တို့ အခုလို ဘာလို့လာရောက်ရတာလဲ ဆိုတဲ့အကြောင်း အနည်ငယ်ပြောပြီး အခမ်းအနားကို စတင်ချင်ပါတယ်။ မြစ်ကြီးနားကို ကျွန်တော်တို့ ရန်ကုန် အမေရိကန်သံရုံးကနေ အဖွဲ့လိုက် လာခဲ့ကြတာပါ၊ ဘာဖြစ်လို့လည်းဆိုတော့ ကချင်ပြည်နယ်က ပြည်သူလူထုနဲ့ ကျွန်တော်တို့ရဲ့ သမိုင်းဝင်ဆက်ဆံရေး၊ နိုင်ငံရေးနဲ့စီးပွားရေးဖွံ့ဖြိုးမှုအတွက် ကျွန်တော်တို့ရဲ့ ရေရှည်အားပေးကူညီမှုကို လေးစား တန်ဖိုးထားမှု၊ ဒီမှာနေထိုင်ကြတဲ့ ပြည်သူအားလုံးအတွက် တောက်ပပြီး သာယာဝပြောတဲ့ အနာဂတ်နဲ့ပတ်သက်ပြီး ကျွန်တော်တို့ရဲ့ မျှော်လင့်ချက်တွေ ထားရှိထားတာဖြစ်လို့ အခုလိုလာခဲ့ကြတာြဖစ်ပါတယ်။ ဟုတ်ကဲ့ သေချာတာပေါ့ ဒုတိယကမ္ဘာစစ်တုန်းက အမေရိကန်တွေနဲ့ …

ချက်ချင်းထုတ်ပြန်ရန် နိုဝင်ဘာ ၁၄၊ ၂၀၁၉ မြစ်ကြီးနား။   ။အမေရိကန်သံအမတ်ကြီး စကော့မာစီရယ် သည် ကချင်ပြည်နယ်စိုက်ပျိုးရေး ကဏ္ဍတွင် ဆောင်ရွက်နေသူ ၆၀ ကျော်တို့နှင့် တွေ့ဆုံခဲ့ပါသည်။ တောင်သူများနှင့် ပုဂ္ဂလိက ကဏ္ဍအနေဖြင့် စိုက်ပျိုးရေးအခြေပြု အသက် မွေးဝမ်းကျောင်းလုပ်ငန်းများ တိုးတက်စေရေးတွင် ရင်ဆိုင်နေရသော အချက်အခဲများကို ကျော်လွှားနိုင်ရန်အတွက် အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) ၏ စိုက်ပျိုးရေးနှင့် အစားအစာထုတ်ကုန်စနစ်ဖွံ့ဖြိုးမှု စီမံကိန်း က မည်သို့ကူညီနိုင်မည်ဆိုသည်ကို ဆွေးနွေးခဲ့ပါသည်။ “အမေရိကန်ပြည်ထောင်စုအနေနဲ့ ကချင်ပြည်နယ်မှာ အားလုံးပါဝင်နိုင်တဲ့ စိုက်ပျိုးရေးကဏ္ဌ ဦးစားပေး စီးပွားရေးဖွံ့ဖြိုးတိုးတက်မှုကို ကူညီပံ့ပိုးပေးရန် ကတိကဝတ်ပြုထားပါတယ်။ USAID အနေနဲ့ ကချင်ပြည်နယ်မှာလည်း စိုက်ပျိုးရေးဆိုင်ရာ စီမံကိန်းတွေကို လုပ်ဆောင်ဖို့ မကြာသေးမီက တိုးချဲ့ခဲ့ပါတယ်” ဟု သံအမတ်ကြီး မာစီရယ်က ပြောကြားခဲ့ပါသည်။ “စိုက်ပျိုးရေးနှင့် …

ချက်ချင်းထုတ်ပြန်ရန် နိုဝင်ဘာ ၁၃၊ ၂၀၁၉ အသင်းအဖွဲ့ဖြင့် မူးယစ်ဆေးဝါးကိုအနိုင်ယူရေး အမေရိကန်သံရုံးနှင့် မြန်မာနိုင်ငံဘောလုံးအဖွဲ့ချုပ်တို့က မီးမောင်းထိုးပြခြင်း ရန်ကုန်၊ မြန်မာ။ ။ အမေရိကန်သံရုံးနှင့်မြန်မာနိုင်ငံဘောလုံးအဖွဲ့ချုပ်တို့ပူးပေါင်း၍ မူးယစ်ဆေးကိုအောင်နိုင်ဖို့ စာနာနားလည်ကူညီကြစို့ ‘Community Champions’ ဟူသည့် အားကစားအစီအစဉ်ကို ကျင်းပနေပါသည်။ ယင်းအားကစားအစီအစဉ်ကို အမျိုးသား ဘောလုံးအကယ်ဒမီ ကွင်းတွင် ဖွင့်ပွဲအခမ်းအနားဖြင့် စတင်လိုက်ပါသည်။ “အားကစားဆိုတာ အသင်းအဖွဲ့တွေဖြစ်လာစေဖို့နဲ့လူမှုအသိုက်အဝန်းတွေ အတူတကွဖြစ်စေဖို့အတွက် အရေးပါတဲ့ နည်းလမ်းတစ်ခု ဖြစ်ပါတယ်” ဟု သံအမတ်ကြီးမာစီရယ်ကပြောပါသည်။ “အမေရိကန်ပြည်ထောင်စုမှာရော မြန်မာနိုင်ငံမှာပါ လူမှုအသိုင်းအဝိုင်းတွေဟာ မူးယစ်ဆေးပြဿနာနဲ့ရင်ဆိုင်နေရပါတယ်။ အသင်းအဖွဲ့နဲ့လုပ်ဆောင်မှုတွေ၊ နားလည်မှုတွေ၊ နည်းပြသမားတွေနဲ့ အသင်းအဖွဲ့သားတွေလိုမျိုး ဆောင်ရွက်မှုတွေဟာ မူးယစ်ဆေးအပေါ်မှီခိုနေကြတဲ့ အသိုင်းအဝိုင်းက လူတွေအပေါ် စာနာနားလည်ပေးနိုင်မယ့် နမူနာတွေလို့ ကျွန်တော်တို့ထင်ပါတယ်” ဟုသံအမတ်ကြီးက ထပ်မံဖြည့်စွက် ပြောကြားသည်။ မူးယစ်ဆေးကိုအောင်နိုင်ဖို့ စာနာနားလည်ကူညီကြစို့ ‘Community …

ချက်ချင်းထုတ်ပြန်ရန် နိုဝင်ဘာ ၈၊ ၂၀၁၉   ရန်ကုန်၊ မြန်မာ။ ။ လက်ရှိဆောင်ရွက်လျက်ရှိသော မန္တလေးမြို့ရှိ ရွှေနန်းတော်ကျောင်းကြီး ပြုပြင်ထိန်းသိမ်းရေး လုပ်ငန်းအတွက် အမေရိကန်သံရုံးက ဒေါ်လာ သုံးသိန်း ဆက်လက်အကူအညီပေးမည့်အကြောင်း ဝမ်းမြောက်စွာ ကြေညာအပ်ပါသည်။ ဤအရေးပါလှသော ယဉ်ကျေးမှုအမွေအဆောက်အအုံ ပြုပြင်ထိန်းသိမ်းရေးလုပ်ငန်းအတွက် အမေရိကန်ပြည်ထောင်စုက အကူအညီပေးအပ်လာခဲ့သည့်မှာ ယခုအကူအညီအပါအဝင် စုစုပေါင်း ဒေါ်လာ ၁.၁ သန်း ရှိပြီ ဖြစ်ပါသည်။ ဤအကူအညီမှာ အမေရိကန်နိုင်ငံခြားရေးဝန်ကြီးဌာန၏ ယဉ်ကျေးမှုအမွေအနှစ်များ ထိန်းသိမ်း စောင့်ရှောက်ရေး သံအမတ်ကြီးများရန်ပုံငွေ အစီအစဉ်ကတစ်ဆင့် ပေးအပ်ခြင်းဖြစ်ပါသည်။ “မြန်မာနိုင်ငံရဲ့ကြွယ်ဝလှတဲ့ ယဉ်ကျေးမှုဆိုင်ရာအမွေအနှစ်တွေကို ကျွန်တော်တို့လေးစားတန်ဖိုးထားပါတယ်” ဟု စီမံကိန်းနှင့် ပတ်သက်၍ သံအမတ်ကြီး စကော့မာစီရယ်ကပြောပါသည်။ “ဒီသမိုင်းဝင်ကျောင်းတော်ကြီး ထိန်းသိမ်း စောင့်ရှောက်ရေးအတွက် အမေရိကန်ပြည်ထောင်စုက အကူအညီပေးတာဟာ ဒေသခံပြည်သူတွေအတွက် အကျိုးရှိသလို ခရီးသွားဧည့်သည်တွေအတွက်လည်း …

ချက်ချင်းထုတ်ပြန်ရန် အောက်တိုဘာ ၃၀၊ ၂၀၁၉ လက်ထောက်နိုင်ငံခြားရေးဝန်ကြီး စတေးဝဲလ်၏ အောက်တိုဘာ ၂၇-၃၀၊ ၂၀၁၉ ခရီးစဉ်နှင့်ပတ်သက်၍ အမေရိကန်သံရုံး သတင်းထုတ်ပြန်ချက်   မြန်မာပြည်သူများ လိုလားတောင့်တနေသည့် ပိုမိုငြိမ်းချမ်းမှု၊ သာယာဖွံ့ဖြိုးတိုးတက်မှု၊ လွတ်လပ်မှုနှင့် ဒီမိုကရေစီအရေးအတွက် ရေရှည်အားပေး ထောက်ခံသွားမည့်အကြောင်း  အောက်တိုဘာ ၂၇-၃၀ ၎င်း၏ မြန်မာနိုင်ငံခရီးစဉ်အတွင်း အရှေ့အာရှနှင့် ပစိဖိတ်ရေးရာ လက်ထောက်နိုင်ငံခြားရေးဝန်ကြီး ဒေးဗစ်စတေးဝဲလ်က ထပ်လောင်းအတည်ပြုခဲ့ပါသည်။ အမေရိကန်ပြည်ထောင်စုသည် မြန်မာပြည်သူများနှင့်အတူ လက်တွဲဖက်အနေဖြင့်ရော၊ မိတ်ဆွေအနေဖြင့်ပါ ဆက်လက်ထိတွေ့ဆက်ဆံသွားမည့်အကြောင်း ရန်ကုန်၊ စစ်တွေနှင့် နေပြည်တော်တွင် အစိုးရ၊ လူမှုအသိုက်ဝန်း၊ အရပ်ဘက်အဖွဲ့အစည်းများနှင့် တွေ့ဆုံစဉ်အတွင်း လက်ထောက်နိုင်ငံခြားရေးဝန်ကြီး စတေးဝဲလ်က အထူးအလေးပေးပြောကြားခဲ့ပါသည်။ လက်ထောက်ဝန်ကြီး စတေးဝဲလ်သည် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံစဉ်အတွင်း မြန်မာနိုင်ငံ၏ ဒီမိုကရက်တစ်အကူးအပြောင်းနှင့် စီးပွားရေးအသွင်ကူးပြောင်းမှုအတွက် အမေရိကန် …

ချက်ချင်းထုတ်ပြန်ရန် အောက်တိုဘာ ၃၀၊ ၂၀၁၉ ရန်ကုန်မြို့တွင် ကျင်းပပြုလုပ်သည့် အာရှဒေသတွင်း စားနပ်ရိက္ခာနှင့် အာဟာရဖူလုံမှု မြှင့်တင်ရေးဖိုရမ်အား အမေရိကန်ပြည်ထောင်စုမှ ပံ့ပိုးကူညီ   ရန်ကုန် ။ ။ အမေရိကန်ပြည်ထောင်စုနှင့် ဒေသတွင်းရှိ သုတေသနပညာရှင်များ၊ မူဝါဒချမှတ်သူများနှင့် ဖွံ့ဖြိုးရေးဆောင်ရွက်သူများသည် နှစ်ရက်ကြာ ဆွေးနွေးပွဲကို ယနေ့မှ စတင်ကာ ကျင်းပပြုလုပ်လျက်ရှိပါသည်။ ဆွေးနွေးပွဲ၏ ရည်ရွယ်ချက်မှာ မြန်မာနိုင်ငံနှင့် အာရှဒေသတွင်းရှိ အခြားသောနိုင်ငံများတွင် ငတ်မွတ်ခေါင်းပါးမှုနှင့် အာဟာရချို့တဲ့မှုကို လျင်မြန်စွာ လျှော့ချနိုင်စေရေး အသိပညာ ဗဟုသုတများ မျှဝေကြရန် ဖြစ်ပါသည်။ ၂ဝ၁၅ ခုနှစ်တွင် ပြုလုပ်သော မြန်မာနိုင်ငံ လူနေမှုဘဝနှင့် ကျန်းမာရေးဆိုင်ရာ အခြေခံ အချက်အလက်စစ်တမ်း (DHS) မှ အချက်အလက်များအရ အသက်ငါးနှစ်အောက် ကလေးငယ်တို့၏ သုံးပုံတစ်ပုံမှာ ပုံမှန်ကောင်းမွန်စွာ ဖွံ့ဖြိုးကြီးထွားမှု …

အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ရုံး ချက်ချင်းထုတ်ပြန်ရန် မီဒီယာများသို့အသိပေးခြင်း အောက်တိုဘာ ၂၄၊ ၂၀၁၉ လက်ထောက်နိုင်ငံခြားရေးဝန်ကြီး ဒေးဗစ် အာ စတေးဝဲလ် ဂျပန်၊ မြန်မာ၊ မလေးရှား၊ ထိုင်း၊ ဆိုးလ်နှင့် တရုတ်နိုင်ငံခရီးစဉ် လက်ထောက်နိုင်ငံခြားရေးဝန်ကြီး ဒေးဗစ် အာ စတေးဝဲလ် သည် တိုကျို၊ ရန်ကုန်၊ ဘန်ကောက်၊ ဆိုးလ်နှင့် ပေကျင်းသို့ အောက်တိုဘာ ၂၄ ရက်မှ နိုဝင်ဘာ ၇ ရက်အထိသွားရောက်ပါမည်။ လက်ထောက် နိုင်ငံခြားရေးဝန်ကြီးသည် အောက်တိုဘာ ၂၅ မှ ၂၇ အတွင်း တိုကျိုမြို့၌ ရောက်ရှိနေမည်ဖြစ်ပြီး ဖူဂျီတောင် ဆွေးနွေးပွဲဟု လူသိများသော အမေရိကန်-ဂျပန် စီးပွားရေး/မူဝါဒ ဆွေးနွေးပွဲ ကိုတက်ရောက်ကာ မူဝါဒရေးရာ ကျွမ်းကျင်သူများ နှင့်အတူ အင်ဒို-ပစိဖိတ် ဒေသအတွင်း အရေးကြီးကိစ္စရပ်များအနက်မှ …

ချက်ချင်းထုတ်ပြန်ရန် အောက်တိုဘာ ၂၄၊ ၂၀၁၉ ရန်ကုန်၊ မြန်မာ။ ။ ဆေးတက္ကသိုလ် (၁) တွင်ပို့ချသော ပထမဆုံးအကြိမ် ကလေးနှင့်ကြီးကောင်ဝင်အရွယ် စိတ်ရောဂါကုသရေး သင်တန်းမှ ကျောင်းသူ/ကျောင်းသား ၁၀ ဦး ယခုသီတင်းပတ်အတွင်း သင်တန်းပြီးဆုံးသွားသည့်အတွက် အမေရိကန် သံရုံးက ဂုဏ်ယူဝမ်းမြောက်ရပါသည်။ ကျောင်းသူ/ကျောင်းသား ၁၀ ဦးသည် အမေရိကန်ဖူးလ်ဘရိုက်ပညာရှင် ဂျော့ချ်စတီးဝပ် ရေးဆွဲပို့ချသော ခုနစ်လခွဲကြာ သင်တန်းကိုတက်ရောက်ပြီးဆုံးခဲ့ခြင်းဖြစ်ပါသည်။ ဒေါက်တာစတီးဝပ်သည် ယခုနှစ်အတွင်း မြန်မာနိုင်ငံရှိ တက္ကသိုလ်များအဖွဲ့အစည်းများနှင့်လက်တွဲဆောင်ရွက်လျက်ရှိသည့် ဖူးလ်ဘရိုက်ပညာရှင် ခုနစ်ဦး အတွင်းမှ တစ်ဦးဖြစ်ပါသည်။ ဖူးလ်ဘရိုက်ပညာရှင် ဂျော့ခ်ျစတီးဝပ်သည် ယခုနှစ်အစောပိုင်းက ဆေးတက္ကသိုလ် (၁) တွင် မြန်မာနိုင်ငံအတွက် ပထမဆုံး ဖြစ်သော ကလေးနှင့်ကြီးကောင်ဝင်ချိန်အရွယ် စိတ်ရောဂါကုသမှုဆိုင်ရာ ပထမဆုံး သင်တန်းတစ်ခုကို ရေးဆွဲကာ ဦးဆောင် ပို့ချခဲ့ခြင်းဖြစ်သည်။ ဖူးလ်ဘရိုက်အစီအစဉ်ကို …

ချက်ချင်းထုတ်ပြန်ရန် အောက်တိုဘာ ၁၈၊ ၂၀၁၉ ရန်ကုန်။ ။ မူးယစ်ဆေးဝါးအပါ်မှီခိုမှုကြောင့် လူမှုအသိုက်အဝန်းများ ရင်ဆိုင်ရုန်းကန်ရသည့် ဇာတ်ကြောင်းများကို ပြောပြထားသည့် “မျှော်လင့်ချက်တို့အဆုံးမသတ်နဲ့” တေးသီချင်းကို အမေရိကန်သံရုံးသည် Full Stop လူမှုအဖွဲ့အစည်း၊ မြန်မာအနုပညာရှင် ၁၂ ဦးတို့နှင့် ပူးပေါင်းထုတ်လုပ်ခဲ့ပါသည်။ ဤတေးသီချင်းကို မြန်မာနိုင်ငံအတွင်း ပိုမိုကျန်းမာသော လူမှုအသိုက်အဝန်းများ ဖြစ်ပေါ်စေရေး ကူညီဆောင်ရွက်နေသည့် လူမှုကွန်ရက် လှုပ်ရှားမှုတစ်ခုဖြစ်သည့် ၅၂၈-မူးယစ်ဆေးနှင့် မိသားစုအဖွဲ့က မြှင့်တင်ပါသည်။ ၅၂၈-မူးယစ်ဆေးနှင့်မိသားစု အဖွဲ့သည် မူးယစ်ဆေးသုံးစွဲသူများနှင့် ၎င်းတို့၏ မိသားစုဝင်များအနေဖြင့် ၎င်းတို့၏ လူမှုအသိုက်အဝန်းများကို အကူအညီပေးနိုင်ပြီး အိပ်ခ်ျအိုင်ဗွီ/ အေအိုင်ဒီအက်စ် ကူးစက်ခြင်းမှ ကာကွယ်တားဆီးနိုင်ရန် နည်းလမ်းများ ရှာဖွေရာတွင် အထောက်အကူဖြစ်စေမည့် သတင်းအချက် အလက်များကို မူးယစ်ဆေးသုံးစွဲသူများနှင့် ၎င်းတို့၏ မိသားစုဝင်များအား ပံ့ပိုးပေးနေသော အဖွဲ့တစ်ခုဖြစ်ပါသည်။   …

မီဒီယာများသို့အသိပေးချက် ပြောခွင့်ရပုဂ္ဂိုလ်ရုံး စက်တင်ဘာ ၂၇၊ ၂၀၁၉ လက်ထောက်နိုင်ခြားရေးဝန်ကြီး မရီးရွိုက်စ် ထိုင်းနိုင်ငံနှင့်မြန်မာနိုင်ငံသို့သွားရောက်ခြင်း   ပညာရေးနှင့် ယဉ်ကျေးမှုရေးရာ လက်ထောက်နိုင်ငံခြားရေးဝန်ကြီး မရီးရွိုက်စ်သည် ၂၀၁၉ အရှေ့တောင်အာရှ လူငယ်ခေါင်းဆောင် အစီအစဉ် (ဝိုင်ဆီးလီ) ထိပ်သီးအစည်းအဝေးကိုတက်ရောက်ရန်၊ ယဉ်ကျေးမှုအမွေအနှစ် ထိန်းသိမ်းရေး သံအမတ်ကြီးများရန်ပုံငွေ အစီအစဉ်ဖြင့် ဆောင်ရွက်နေသည့် စီမံကိန်းတစ်ခုသို့ သွားရောက် လေ့လာရန်နှင့် ရန်ကုန်အမေရိကန်စင်တာ၌ကျင်းပမည့် အခမ်းအနားတစ်ခုကို တက်ရောက်ရန်အတွက် စက်တင်ဘာ ၂၇ မှ အောက်တိုဘာ ၄ ရက်အထိ ထိုင်းနိုင်ံနှင့် မြန်မာနိုင်ငံသို့ သွားရောက်မည်ဖြစ်ပါသည်။ လက်ထောက်နိုင်ငံခြားရေးဝန်ကြီးသည် အစိုးရတာဝန်ရှိပုဂ္ဂိုလ်များ၊ အခမ်းအနားတက်ရောက်သူများ၊ ပညာရှင်များ၊ လူငယ်ခေါင်းဆောင်များ၊ စီးပွားရေးထိပ်သီးပုဂ္ဂိုလ်များ၊ သံတမန်များနှင့်တွေ့ဆုံ၍ မိမိတို့၏ ဒေသတွင်း အဓွန့်ရှည်တည်တံ့သော မိတ်ဖက်လက်တွဲမှုအကြောင်းကို မီးမောင်းထိုးပြသွားမည်ဖြစ်ပါသည်။ ထိုင်းနိုင်ငံခရီးစဉ်အတွင်း လက်ထောက်နိုင်ငံခြား‌ရေးဝန်ကြီးရွိုက်စ်သည် ၂၀၁၉ ဝိုင်ဆီးလီ ထိပ်သီး …

ချက်ချင်းထုတ်ပြန်ရန် စက်တင်ဘာ ၂၆၊ ၂၀၁၉ မြန်မာ့ဖရဲသခွားမွှေးတောင်သူများအား အမေရိကန်ပြည်ထောင်စုမှ ကူညီပံ့ပိုးခြင်း   နေပြည်တော်။ ။ မြန်မာဖရဲသခွားမွှေးကဏ္ဍ ပြုပြင်ပြောင်းလဲရေး ဖော်ဆောင်နေကြသော အမေရိကန်နှင့် မြန်မာ စီးပွားရေးမိတ်ဖက်များသည် ယနေ့ကျင်းပသော #MelonNext အခမ်းအနားတွင်တွေ့ဆုံ၍ မြန်မာ့ဖရဲ သခွားမွှေးကဏ္ဍ ပိုမိုတိုးတက်ရေးအတွက် မဟာဗျူဟာများကို ဆွေးနွေးကြသည်။ ယင်းအခမ်းအနားကို မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းနှင့် ယူအက်စ်အေ့ဒ်၏ ကျေးလက်ဒေသဖွံ့ဖြိုးရေး ကုန်စည်တန်ဖိုးမြှင့်ကွင်းဆက်စီမံကိန်းတို့က ပူးပေါင်းကျင်းပခြင်း ဖြစ်သည်။ ကုန်သည်လုပ်ငန်းရှင်အဖွဲ့ ဦးဆောင်ပုဂ္ဂိုလ်များ၊ တောင်သူများနှင့် မြန်မာ့ဖရဲသခွားမွှေး ကုန်စည် တန်ဖိုးမြှင့်ကွင်းဆက်စီမံကိန်းတွင် အဓိကပါဝင်ကြသူများက မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီး ဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းသို့ ပေးအပ်သည့် ယူအက်စ်အေ့ဒ်၏ စီမံကိန်းအကျိုး သက်ရောက်မှုများကိုဆွေးနွေးခဲ့ကြသည်။ ဖရဲသခွားမွှေးသည် မြန်မာနိုင်ငံ၏အဓိကကျသော ပို့ကုန်သစ်သီးဝလံများဖြစ်ပြီး …

အချက်အအလက်များ ချက်ချင်းထုတ်ပြန်ရန် စက်တင်ဘာ ၂၆၊ ၂၀၁၉ ယူအက်အေ့ဒ် စားနပ်ရိက္ခာဖူလုံရေးမူဝါဒစီမံကိန်းမှ အဓိကတွေ့ရှိချက်များ (၂၀၁၄–၂၀၁၉)   ယခုအခါသည် မြန်မာနိုင်ငံကျေးလက်ဒေသအတွင်း သိသာစွာပြောင်းလဲလာသည့်အချိန်ဖြစ်သည်။ အောက်ဖော်ပြပါတွေ့ရှိချက်များသည်သိသာထင်ရှားသောတွေ့ရှိချက်များဖြစ်သည် – (၁) အများပြည်သူနှင့်သက်ဆိုင်သော အခြေခံအဆောက်အအုံများလက်လှမ်းမီရရှိမှုကို ၂၀၁၁ ခုနှစ်က စ၍ တိုးချဲ့နိုင်ခဲ့သည်။ (၂) ကျေးလက်ဒေသအတွင်း သွားရေးလာရေးတိုးတက်လျက်ရှိသည်။ လမ်းများ ပိုမိုကောင်းမွန်လာခြင်း၊ မော်တော်ဆိုင်ကယ်ပိုင်ဆိုင်မှုနှင့် ပို့ဆောင်ရေးဝန်ဆောင်မှုများ တိုးပွားလာသည့်အတွက် ကျေးရွာများနှင့် နီးစပ်ရာ မြို့များသို့သွားလာမှုသည် လွန်ခဲ့သောငါးနှစ်အတွင်း သုံးဆနှင့်အထက် ပိုမိုများပြားလာခဲ့သည်။ (၃) ကျေးလက်ဒေသအတွင်း ချေးငွေချေးယူသည်ပုံစံများ တရားဝင်ဖြစ်လာပြီး ပုံစံအမျိုးမျိုးဖြင့် ရှိလာခဲ့သည်။ တရားဝင်မဟုတ်သော ငွေချေးယူမှုများအတွက်အတိုးနှုန်းများ သိသိသာသာ လျော့ကျ လာခဲ့သည်။ (၄) ကျေးလက်ဒေသ စီးပွားရေးလုပ်ငန်းများ အရေအတွက် လျင်မြန်စွာတိုးပွားလာပြီး တည်ထောင်မှုနှုန်း တိုးလာကာ စိုက်ပျိုးရေးလုပ်ငန်းများအပြင် …

ချက်ချင်းထုတ်ပြန်ရန် စက်တင်ဘာ ၂၆၊ ၂၀၁၉ မြန်မာနိုင်ငံကျေးလက်ဒေသစိုက်ပျိုးရေးလုပ်ငန်းများအသွင်ကူးပြောင်းမှုကို အမေရိကန်နိုင်ငံက ကူညီခြင်း   ရန်ကုန် – မြန်မာနိုင်ငံကျေးလက်ဒေသ စီးပွားရေးကဏ္ဍတွင် ဖြစ်ပေါ်နေသော သိသာသည့်ပြောင်းလဲမှုများမှ မြန်မာတောင်သူများနှင့် ၎င်းတို့၏မိသားစုဝင်များက မည်သို့သော အကျိုးကျေးဇူများရရှိနေပါသနည်း။ ဤသည်မှာ အမေရိကန်နှင့် မြန်မာသုတေသနပညာရှင်များ၊ မြန်မာအစိုးရမူဝါဒချမှတ်သူများနှင့် လယ်ယာစိုက်ပျိုးရေးကဏ္ဍ စီမံကိန်းများ အကောင်အထည်ဖော် ဆောင်ရွက်နေသူများ တစ်ရက်တာပြုလုပ်သည့် အလုပ်ရုံဆွေးနွေးပွဲအတွင်း အဓိကမေးကြသည့်မေးခွန်းဖြစ်ပါသည်။ ရန်ကုန်တွင်ပြုလုပ်သော ယင်းအလုပ်ရုံဆွေးနွေးပွဲကို မြန်မာနိုင်ငံဆိုင်ရာ အမေရိကန်သံအမတ်ကြီး စကော့မာစီရယ်က စက်တင်ဘာ ၂၆ရက်တွင် တက်ရောက်ဖွင့်လှစ်ပေးခဲ့ပါသည်။ သူက “မြန်မာ့စီးပွားရေး အပြောင်းအလဲနဲ့ ဒီမိုကရေစီသို့ အသွင်ကူးပြောင်းမှုတွေကို အမေရိကန်နိုင်ငံက တစိုက်မတ်မတ် အားပေးကူညီ နေပါတယ်။ မြန်မာနိုင်ငံအတွက် ဒီအပြောင်းအလဲဆိုတာက စိုက်ပျိုးကဏ္ဍကို ပြုပြင်ပြောင်းလဲရေးအတွက် အကူအညီပေးခြင်းပဲဖြစ်ပါတယ်။ စိုက်ပျိုးရေးဟာ ကျေးလက်နေပြည်သူ ၇၀ရာခိုင်နှုန်းကျော်ရဲ့ အသက်မွေး …

ချက်ချင်းထုတ်ပြန်ရန် စက်တင်ဘာ ၁၃၊ ၂၀၁၉ အိမ်ဖြူတော်နှင့်အတူ စီးပွားရေးကဏ္ဍအတွင်း အမျိုးသမီးများ၏ပါဝင်မှု မြှင့်တင်ရေးအတွက် ကမ္ဘာလုံးဆိုင်ရာအဖွဲ့နှင့်အတူ မြန်မာသစ်သီးဝလံနှင့် ဟင်းသီးဟင်းရွက်ကိုယ်စားလှယ်ပူးပေါင်းပါဝင်   ရန်ကုန်။ ။ အိမ်ဖြူတော်က ဖွဲ့စည်းလိုက်သည့် အမျိုးသမီးများ၏ကမ္ဘာလုံးဆိုင်ရာဖွံ့ဖြိုးရေးနှင့် သာယာဝပြောရေး ခြေလှမ်းသစ်အစီအစဉ် (W-GDP) ၏ အစိတ်အပိုင်းတစ်ခုအရ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းကိုယ်စားပြုသူ ဒေါ်စန္ဒာမျိုးသည် နိုင်ငံပေါင်း ၁၈ နိုင်ငံမှ အမျိုးသားတစ်ဦး ပါဝင်သော အမျိုးသမီးအဖွဲ့တစ်ဖွဲ့နှင့်အတူ ယခုသီတင်းပတ်အတွင်း အမေရိကန်ပြည်ထောင်စု၌ ရောက်ရှိနေပါသည်။ “မြန်မာနိုင်ငံရဲ့စီးပွားရေးဟာ အမျိုးသမီးတွေမရှိမဖြစ်ပါဝင်ဆောင်ရွက်နေရတဲ့ လယ်ယာစိုက်ပျိုးရေးနဲ့ အစားအသောက် ကဏ္ဍအပေါ် အခြေခံနေပါတယ်” ဟုဒေါ်စန္ဒာမျိုးကပြောပါသည်။ “စီးပွားရေးဖွံ့ဖြိုးမှုမှာ အမျိုးသမီးတွေ ပိုမိုပါဝင်ခြင်းအားဖြင့် လူအဖွဲ့အစည်းအတွက်လည်း ပိုပြီးတည်ငြိမ်မှုရလာပါတယ်။ အားလုံးအတူတကွ ပူးပေါင်း ဆောင်ရွက်မယ်ဆိုရင် ကျွန်မတို့တတွေ …

မြန္ျပည္သစ္ပါတီႏွင့္ လားဟူဒီမိုကရက္တစ္အစည္းအ႐ုံးတို႔ တစ္နိုင္ငံလုံး ပစ္ခတ္တိုက္ခိုက္မႈ ရပ္စဲေရး သေဘာတူစာခ်ဳပ္တြင္ ယေန႔ပါဝင္လက္မွတ္ေရးထုိးျခင္းကုိ မိမိတို႔ႀကဳိဆုိပါသည္။ ဤသုိ႔ သေဘာတူ လက္မွတ္ေရးထုိးျခင္းသည္ ေရရွည္တည္တံ့ေသာ ၿငိမ္းခ်မ္းေရး ခရီးရွည္အတြက္ ေျခလွမ္းမ်ားစြာထဲမွ တစ္ခုျဖစ္သည့္အေၾကာင္းကုိလည္း မိမိတုိ႔အသိအမွတ္ျပဳပါသည္။ ေတြ႔ဆုံေဆြးေႏြးမႈမ်ားတြင္ပါဝင္ရန္ သႏၷိ႒ာန္ခ်ထားၿပီး ပါဝင္ပတ္သက္သူအားလုံးအေနျဖင့္ ၿငိမ္းခ်မ္းေရးအတြက္ ဆက္လက္ေရွ႕တုိး ေဆာင္ရြက္ႏုိင္ရန္ႏွင့္ ျမန္မာႏုိင္ငံအတြင္းရွိ လူမႈအသုိက္အဝန္းအားလုံး၏ အခြင့္အေရးမ်ားကုိ အကာအကြယ္ေပးသည့္ ဖက္ဒရယ္ျပည္ေထာင္စုႀကီးတစ္ရပ္ ဖန္တီးႏုိင္လိမ့္မည္ဟုလည္း မိမိတုိ႔ ေမွ်ာ္လင့္ပါသည္။

ျမန္မာႏိုင္ငံ ရခိုင္ျပည္နယ္အေရးေျဖရွင္းရန္ ႀကိိဳးပမ္းအားထုုတ္မႈအေပါ္ ဝန္ႀကီးေတလာဆန္၏ ထုတ္ျပန္ခ်က္

ႏိုင္ငံျခားေရးဝန္ႀကီးဌာန ေျပာေရးဆိုခြင့္ရွိသူ႐ံုး ႏုိဝင္ဘာ ၁၅၊ ၂၀၁၇ အေမရိကန္ႏိုင္ငံျခားေရးဝန္ႀကီး ရက္စ္ေတလာဆန္ႏွင့္ ႏိုင္ငံေတာ္၏အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္တုိ႔၏ ပူးတြဲသတင္းစာရွင္းလင္းပြဲ ႏုိဝင္ဘာ ၁၅၊ ၂၀၁၇ ႏိုင္ငံျခားေရးဝန္ႀကီးဌာန ေနျပည္ေတာ္၊ ျမန္မာ။ သဘာပတိ – ႏိုင္ငံေတာ္အႀကီးအကဲမ်ားနဲ႔ ဂုဏ္သေရရွိ ဧည့္ပရိသတ္အေပါင္းတို႔ မဂၤလာေန႔လယ္ခင္းပါခင္ဗ်ာ။ ဂုဏ္သေရရွိ ႏိုင္ငံေတာ္ အတိုင္ပင္ခံပုဂၢိဳလ္နဲ႔ ျမန္မာႏိုင္ငံ ႏိုင္ငံျခားေရးဝန္ႀကီးတို႔နဲ႔အတူ ဂုဏ္သေရရွိ ႏိုင္ငံျဖစ္တဲ့ အေမရိကန္ႏိုင္ငံတို႔ ပူးတြဲက်င္းပတဲ့ သတင္းစာရွင္းလင္းပြဲကို ႂကြေရာက္ၾကတဲ့အတြက္ အားလံံုးကို ေက်းဇူးတင္ရွိပါတယ္။ သတင္းစာရွင္းလင္းပြဲကို ႏုိင္ငံေတာ္၏အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္ရဲ႕ ထုတ္ျပန္ခ်က္နဲ႔ စတင္မွာျဖစ္ၿပီး အဲဒီေနာက္မွာ ဂုဏ္သေရရွိ အေမရိကန္ႏုိင္ငံျခားေရးဝန္ႀကီးရက္စ္ေတလာဆန္ရဲ႕ ထုတ္ျပန္ခ်က္ကို ဆက္လက္တင္ျပမွာ ျဖစ္ပါတယ္။ အဲဒီေနာက္မွာေတာ့ ႏိုင္ငံျခားေရးဝန္ႀကီးႏွစ္ဦးကေနၿပီး မီဒီယာေတြရဲ႕ ေမးခြန္းေတြကို ေျဖၾကားေပးမွာ ျဖစ္ပါတယ္။ ေမးခြန္း ႏွစ္ခုကေန ေလးခုအထိ …

ကခ်င္ႏွစ္ျခင္းခရစ္ယာန္အသင္းေခါင္းေဆာင္ႏွစ္ဦး ျပစ္ဒဏ္ခ်မွတ္ခံရျခင္းအေပၚ အေမရိကန္သံရံုး၏ ထုတ္ျပန္ခ်က္ ေအာက္တိုဘာ ၂၇၊ ၂၀၁၇ ကခ်င္ႏွစ္ျခင္း ခရစ္ယာန္အသင္းေခါင္းေဆာင္ႏွစ္ဦးျဖစ္သူ သင္းအုပ္ဆရာ ဦးေနာင္လတ္ႏွင့္ လူငယ္တာဝန္ခံ ဦးဂမ္ဆိုင္းတို႔ကို မတရားအသင္းဆက္သြယ္မႈပုဒ္မ ၁၇/၁၊ အသေရဖ်က္မႈပုဒ္မ ၅၀၀ႏွင့္ ပို႔ကုန္သြင္းကုန္ဥပေဒတို္႔ျဖင့္ ယေန႔ျပစ္ဒဏ္ခ်မွတ္လိုက္ျခင္းအေပၚ မိမိတို႔က စိုးရိမ္မိပါသည္။ ကခ်င္ျပည္နယ္ႏွင့္ ရွမ္းျပည္နယ္ ေျမာက္ပိုင္းတို႔တြင္ ျဖစ္ပြားေနေသာတိုက္ပြဲမ်ားႏွင့္ ရြာသားမ်ားအေပၚ တပ္မေတာ္က က်ဴးလြန္မႈမ်ား အေၾကာင္းကို ရန္ကုန္မွ လာေရာက္သတင္းယူေသာ သတင္းေထာက္မ်ားအား သူတို႔ကကူညီအၿပီး ဒီဇင္ဘာ ၂၄ တြင္တပ္မေတာ္က သူတို႔ကို ဖမ္းဆီးခဲ့ကာ တစ္လၾကာ မည္သူႏွင့္မွ် ေတြ႕ခြင့္မရဘဲ ထိန္းသိမ္းခံခဲ့ရပါသည္။ သတင္းစာဆရာမ်ားအား ကူညီခဲ့ျခင္းအတြက္ သူတို႔ကို ပစ္မွတ္ထားသည့္အေပၚ မိမိတို႔က စိုးရိမ္ပါသည္။ သူတို႔အား ထိန္းသိမ္းထားစဥ္ ညႇဥ္းပန္းခံရသည္ဟူေသာ စြပ္စြဲခ်က္မ်ားအေပၚတြင္လည္း စိုးရိမ္မကင္း ျဖစ္ရပါသည္။ ႏိုင္ငံသားမ်ားကို …

ႏိုင္ငံေတာ္အတိုင္ပင္ခံပုဂၢိဳလ္၏ ျပည္သူသို႔ တင္ျပခ်က္ႏွင့္ စပ္လ်ဥ္း၍ ေၾကညာခ်က္ ေအာက္တုိဘာ ၁၃၊ ၂၀၁၇ နိုင္ငံေတာ္၏အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္၏ ျပည္သူသုိ႔တင္ျပခ်က္ပါ မွတ္ခ်က္စကားမ်ားႏွင့္အတူ ျမန္မာႏုိင္ငံမွ ထြက္ခြာသြားၾကေသာ ဒုကၡသည္မ်ား ျပန္လည္လက္ခံေရး၊ အကူအညီလုိအပ္ေနသူ အားလုံးအတြက္ လူသားခ်င္းစာနာ ေထာက္ထားမႈဆုိင္ရာ အကူအညီမ်ားေပးအပ္ရန္ ဦးစားေပးေဆာင္ရြက္ေရးႏွင့္ ရခုိင္ျပည္နယ္အေရး ေျဖရွင္းရာတြင္ သက္ဆုိင္ရာက႑စံု၊ အလႊာစံုမ်ားစြာႏွင့္ အားလုံးပါဝင္ႏုိင္ေအာင္ ေဆာင္ရြက္သြားေရး ဆုိသည့္ သူ၏ကတိကဝတ္ကုိ အေမရိကန္သံရုံးက ႀကဳိဆုိပါသည္။ ရခုိင္ျပည္နယ္ေျမာက္ပုိင္းအတြင္းမွ သိန္းႏွင့္ခ်ီေသာသူမ်ား ဘဂၤလားေဒ့ရွ္ႏုိင္ငံဘက္သုိ႔ ထြက္ခြာ တိမ္းေရွာင္သြားၾကၿပီး၊ ေသာင္းႏွင့္ခ်ီေသာသူမ်ားမွာလည္း ရခုိင္ျပည္နယ္အတြင္းရွိ အျခားေနရာေဒသမ်ားသုိ႔ ေနရပ္စြန္႔ခြာ တိမ္းေရွာင္ေနၾကရသည္မွာ အမွန္ပင္ျဖစ္ပါသည္။ ရခုိင္ျပည္နယ္ႏွင့္ ျမန္မာႏုိင္ငံတစ္ဝန္းရွိ ျပည္သူမ်ားအတြက္ ၿငိမ္းခ်မ္းမႈ ပန္လည္ရရွိေရးႏွင့္ သာယာဝေျပာေရးအတြက္ ႀကဳိးပမ္းအားထုတ္မႈမ်ားကုိ ဆက္လက္၍ ကူညီအားေပးသာြ းရန္ မိမိတ႔ ိုေမွ်ာ္လင့္လ်က္ရွိပါသည္။

ရခုိင္ေျမာက္ပိုင္း သံတမန္ခရီးစဥ္ ေၾကညာခ်က္ ေအာက္တိုဘာလ ၂ ရက္ေန႔   ကၽြႏု္ပ္တို႔သည္ ျမန္မာႏိုင္ငံ အစိုးရ၏ ဖိတ္ၾကားခ်က္အရ ယေန႔ ရခိုင္ျပည္နယ္ ေျမာက္ပိုုင္းသို႔ သြားေရာက္ခဲ့ ၾကပါသည္။ ကၽြန္ုဳပ္တို႔သည္ ေမာင္းေတာႏွင့္ ရေသ့ေတာင္ ေဒသမ်ားရွိ ေက်းရြာမ်ားသို႔ သြားေရာက္ခဲ့ၿပီး ေဒသခံ မ်ိဳးစုံႏွင့္ ေတြ႔ဆုံခဲ့ပါသည္။ ျမန္မာႏုိင္ငံ အစိုးရ၏ ဖိတ္ၾကားမႈေၾကာင့္ ယခုထက္တိုင္ စိုးရိမ္ပူပန္မႈႀကီးစြာ ခံစားေနရသည့္ ရခိုင္ျပည္နယ္ ေျမာက္ပိုင္းရွိ လူမႈအသုိင္းအ၀ိုင္း အားလုံးမွ လူမ်ားကို အားေပးခြင့္ ရရွိခဲ့ပါသည္။ ကၽြႏု္ပ္တို႔ အေနျဖင့္ ၾသဂုတ္လ ၂၅ ရက္ေန႔က ARSA ၏ တိုက္ခိုက္မႈမ်ားအား ရႈတ္ခ်ေၾကာင္း ထပ္ေလာင္း ေျပာၾကားအပ္ၿပီး ထိုအခ်ိန္မွစ၍ ျဖစ္ေပၚခဲ့သည့္ အၾကမ္းဖက္မႈမ်ားႏွင့္ လူေျမာက္မ်ားစြာ ေနရပ္စြန္႔ခြာမႈ မ်ားကို …