အမေရိကန်လွတ်လပ်ရေးနေ့သဝဏ်လွှာ
ဇူလိုင် ၄၊ ၂၀၂၀
အခု ဇူလိုင် ၄ ရက် လွတ်လပ်ရေးနေ့၊ ၂၄၄ နှစ်မြောက် ကျွန်တော်တို့နိုင်ငံရဲ့ မွေးနေ့ကို ဂုဏ်ယူစွာနဲ့ဆင်နွှဲသလို ရိုးရှင်းနှိမ့်ချစွာနဲ့လည်း ဆင်နွှဲခြင်းဖြစ်ပါတယ်။
အခုဆိုရင် အမေရိကန်ပြည်ထောင်စုဟာ လူမျိုးရေးဆိုင်ရာ မတရားမှုဆိုတာနဲ့ နပန်းလုံးနေရပါတယ်။ ကျွန်တော်တို့အနေနဲ့ အဲဒီပြဿနာကို ကျော်လွှားဖို့အတွက် ကာလရှည်ကြာစွာ ကြိုးစားရုန်းကန်လာခဲ့တဲ့ကြားထဲကပဲဆက်ပြီးရင်ဆိုင်ရတာပါ။ နိုင်ငံတစ်ဝန်း အမေရိကန်တွေဟာ လွတ်လပ်မှု၊ ဂုဏ်သိက္ခာနဲ့ လူ့အခွင့်အရေးဆိုတဲ့ဘက်က ရပ်တည်ဖို့အတွက် သူတို့ရဲ့ ဖွဲ့စည်းပုံအခြေခံဥပဒေပါ အခွင့်အရေးတွေကို ကျင့်သုံးနေကြတာဖြစ်ပါတယ်။
“လူသားအားလုံး အညီအမျှဖြစ်စေရန် ဖန်တီးထားသည်ဟူသော ပကတိထင်ရှားပြီးဖြစ်သည့် အမှန်တရားများအား ကျွနုပ်တို့စွဲကိုင်ထားရှိပေသည်” ဆိုပြီး လွတ်လပ်ရေးကြေညာစာတမ်းပြုစုရေးဆွဲခဲ့သူတွေက လွန်ခဲ့တဲ့ ၂၄၄ နှစ်တုန်းက အတိအလင်းကြေညာခဲ့ပါတယ်။
အဲဒီအချိန်ကတည်းကစပြီး “ပိုမိုပြီးပြည့်စုံသောပြည်ထောင်စုကြီးတည်ဆောက်ရန်” ဆိုတဲ့ ဖွဲ့စည်းပုံအခြေခံဥပဒေက ကျွန်တော်တို့ကို တောင်းဆိုထားတဲ့အတိုင်း ကျွန်တော်တို့ရဲ့ နိုင်ငံဟာ ဆင့်ကဲပြောင်းလဲလာခဲ့ပါတယ်၊ ဆက်လက်ကြိုးစားလာခဲ့ကြပါတယ်။
ကျွန်မတို့နိုင်ငံကို စိတ်ဝမ်းကွဲပြားစေခဲ့ပေမဲ့လည်း ကျွန်တွေကိုလွတ်လပ်ခွင့်ပေးစေနိုင်ခဲ့တဲ့ ပြည်တွင်းစစ်ကြီးတစ်ခု အပါအဝင် ကျွန်မတို့နိုင်ငံဟာ နှစ်ပေါင်းများစွာတိုင်အောင် တန်းတူညီမျှမှုအတွက် တိုက်ပွဲဝင်ခဲ့ကြပါတယ်။
ကျွန်ဖြစ်ခဲ့ဖူးသူတွေအပါအဝင် အမေရိကန်ပြည်ထောင်စုအတွင်းမှာ မွေးဖွားသူအားလုံးဟာ နိုင်ငံသားဖြစ်ခွင့်ရှိပြီး ဥပဒေအောက်မှာ တန်းတူညီမျှ အသေအချာ အကာအကွယ်ပေးခြင်းခံရမည်ဆိုတဲ့အကြောင်းကို ဖွဲ့စည်းပုံအခြေခံဥပဒေ ပြင်ဆင်ချက်အမှတ် ၁၄ မှာပြဋ္ဌာန်းထားပါတယ်။
လူမျိုး ဒါမှမဟုတ် အသားအရောင်ကြောင့် လူတစ်ဦးတစ်ယောက်၏ဆန္ဒမဲပေးခွင့်ကို ငြင်းဆိုခြင်းအား ပြင်ဆင်ချက် အမှတ် ၁၅ မှာ ပြဋ္ဌာန်းတားမြစ်ထားပါတယ်။
ကျောင်းတက်ခြင်း၊ အိုးအိမ်တည်ဆောက်ခြင်း၊ သွားလာပို့ဆောင်ခြင်း၊ အလုပ်အကိုင်နှင့် အခြားကိစ္စများအပါအဝင် ဘဝ၏ရှုထောင့်မျိုးစုံမှ ခွဲခြားဆက်ဆံခြင်းကိုလည်း နောက်ဆက်တွဲဥပဒေပြဋ္ဌာန်းချက်များက တားမြစ်ထားပါတယ်။
၁၉၆၃ ခုနှစ်မှာ ဒေါက်တာ မာတင်လူသာကင်းက ပြောခဲ့သလိုပါပဲ “နီဂရိုးဆိုတာ ပြောမပြနိုင်လောက်အောင် ကြောက်မက်ဖွယ် ရက်စက်တဲ့ရဲတွေရဲ့ သားကောင်ဖြစ်နေသ၍ ကျွန်မတို့အနေနဲ့ ဘယ်တော့မှ ကျေနပ်နှစိသိမ့်နေမှာ မဟုတ်ပါဘူး”။
ကျွန်တော်တို့ရဲ့အလုပ်တာဝန်တွေဟာ မပြီးဆုံးသေးပါဘူး။
ကျွန်တော်တို့အနေနဲ့ တစ်ဦးတစ်ယောက်ချင်းအနေနဲ့ရော၊ နိုင်ငံအနေနဲ့ရော ပြီးပြည့်စုံမှုမရှိသေးတဲ့ကြားထဲကပဲ လွတ်လပ်မှု၊ ဂုဏ်သိက္ခာနဲ့ လူ့အခွင့်အရေးအတွက် ကျွန်တော်တို့ ဆက်ပြီးတိုက်ပွဲဝင်သွားမှာပါ။
တစ်ပါးသူတွေက မြင့်မြတ်စွာရှေ့ကိုရောက်သွားနေခဲ့ကြပေမဲ့ ကျွန်တော်တို့အနေနဲ့ မပြီးဆုံးသေးတဲ့ အလုပ်တွေအတွက် ဆက်လုပ်သွားဖို့ ကျွန်တော်တို့ကိုတိုင် စိတ်ရောကိုယ်ပါ ပြန်လည်နှစ်မြှုပ်ရင်း သန္နိဋ္ဌာန်၊ နှိမ့်ချမှုတွေနဲ့အတူ ဒီကနေ့ ကျွန်တော်တို့နိုင်ငံရဲ့ လွတ်လပ်ရေးနေ့ကို ဆင်နွှဲပါတယ်။
ဒီကနေ့ ကျွန်တော်တို့နိုင်ငံရဲ့ မွေးနေ့မှာ အားလုံးအတွက် လွတ်မြောက်မှုနဲ့ တရားမျှတမှုဆီကို ကျွန်တော်တို့ကိုယ်တိုင် ပြန်လည် စိတ်ရောကိုယ်ပါပြန်လည်နှစ်မြှုပ်ပါတယ်။
###
