ရိုဟင်ဂျာလူမျိုးများကို လူမျိုးတုံးသတ်ဖြတ်မှု ခြောက်နှစ်ပြည့်ခြင်း
သတင်းထုတ်ပြန်ချက် အမေရိကန်နိုင်ငံခြားရေးဝန်ကြီး အန်တိုနီ ဂျေ ဘလင်ကန် ၂၀၂၃ သြဂုတ် ၂၄ ရိုဟင်ဂျာလူမျိုးများကို လူမျိုးတုံးသတ်ဖြတ်မှု ခြောက်နှစ်ပြည့်ခြင်း ရိုဟင်ဂျာလူမျိုးများကို လူမျိုးတုံးသတ်ဖြတ်မှု ခြောက်နှစ်ပြည့်မြောက်သည့် သြဂုတ် ၂၅ တွင် အမေရိကန်ပြည်ထောင်စုသည် သတ်ဖြတ်ခံခဲ့ရသူများနှင့် အသက်ရှင်ကျန်ရစ်သူများအားလုံးနှင့်အတူ ရပ်တည်ပြီး မြန်မာစစ်တပ်က ကျူးလွန်ခဲ့သည့် ကြမ်းကြုတ်ရက်စက်မှုများအတွက် တရားမျှတမှုကို ရှာဖွေရန်နှင့် တာဝန်ယူမှုတာဝန်ခံမှုရှိစေရန်အတွက် မိမိတို့၏ သံန္နိဋ္ဌာန်ကို ထပ်လောင်းအတည်ပြုအပ်ပါသည်။ ရိုဟင်ဂျာလူမျိုး တစ်သန်းနီးပါးအတွက် အကာအကွယ်နှင့် ခိုလှုံရန် နေရာချထားပေးသော ဘင်္ဂလားဒေ့ရှ်အစိုးရနှင့် ပြည်သူများနှင့် ရိုဟင်ဂျာလူမျိုး ဒုက္ခသည်များကို လက်ခံထားရှိသည့် ဒေသတွင်းမှအခြားနိုင်ငံများကို မိမိတို့ လေးလေးနက်နက်ကျေးဇူးတင်ရှိပါသည်။ အမေရိကန်ပြည်ထောင်စုသည် ၂၀၁၇ မှ စပြီး မြန်မာ၊ ဘင်္ဂလားဒေ့ရှ်နှင့် ဒေသတွင်းအခြားနေရာများတွင်ဖြစ်ပွားခဲ့သည့် အကြပ်အတည်း၏ သက်ရောက်မှုကို ခံခဲ့ရသည့်သူများအတွက် အကူအညီ …
